我地一早8點幾去到三角市場, 去到先知原來好多都係9:00先開門, 尤其係食肆。 所以我地就去左附近行左一陣, 行到去一個商場見到 - 新倉屋。
買左個豆沙餅, 其實同叮噹餅一樣, 冇咩特別。
終於等到開門啦, 不過原先我地唔係去呢間, 但係因為呢間有八角魚刺身。
當日由於冇收盛, 所以唔知係咪因為咁而加左價
原價係1000円
八角魚 - 唔知係咪因為唔係新鮮, 所以麻麻地
甜蝦1000円
好好味, 好甜, 肉質結實
北寄貝剌身500円
好似熟o既會好食d
叫左個三色剌身飯2000円
送多碗蟹湯 - 好甜, 好好飲。 個飯有帶子 - 好甜, 好實, 個質感完全同香港食到o既好唔同, 仲有蟹腳, 海膽同三文魚
燒帶子200円一隻
好味
埋單盛惠5400円, 即係港紙四百幾到啦。食完之後我地就拎返0的行李去坐JR去札幌! 車程只要半個鐘到! 今晚會住東橫INN札幌站北口, 到左車站之後立即去酒店Check-in放低行李! 跟住立刻出發去白之戀人工埸!
大家可以睇到一塊塊白之戀人點樣整出黎!
上到頂樓, 有間cafe可以食0野休息下!
我地一人叫左一個芭菲!
朱古力芭菲: 朱古力冇想像中咁濃味!
士多啤梨芭菲
食完蛋糕同雪糕, 我地就落地下果層買0野喇! 其實大部份0野都可以0係機場買到唯獨朱古力戀人(啡色包裝果隻白之戀人)!
跟住出去外面影下相, 其實無咩0野影, 最特別只係定時有0的肥皂泡放出0黎, 影出0黎幾靚.
去完工廠就返返出市中心, 行狸小路! 但係成日都無咩點食過0野! 見到呢間拉麵店就走左入去食喇! (記得好似0係旅遊書見過呢間0野)
成間鋪得1個人招呼我地, 落單, 煮麵, 執台到收錢都係佢!
叫左一碗有牛油一碗無牛油0既拉麵
仲加左隻溫泉蛋
食飽之後就行狸小路! 其實都無咩0野行! 成條街都係旅行團客!
之後我地就去左大通公園睇燈飾同影相~玩下玩下就玩左2個幾鐘!
之後就食晚飯, 我地是但搵左個食咖哩飯0既鋪頭入去食! 意想不到又幾好食wor!
門面好簡單!
咖哩豬扒飯!
賣相麻麻, 但幾好食!
我呢個係炸牛肉卷! 將薄薄0既牛肉卷埋再點粉炸! 好好食! 而定諗起都流口水!
加左個沙律!
食完就返酒店休息, 完成左北海道最後一晚!
