2011年日本中部之旅 - 第9日 (金沢 - 高山)

早上去了兼六園，入園要比入場費的！不過，因為我地係7月份去，所以入到去只能看見綠色樹木，相信如果有紅葉同櫻花係會好靚！

入口旁邊有很多小食鋪。

入面ｄ樹型好特別！

有野菇

全園第一個用水壓做出來的嘖泉

之後我地揸車去東茶屋街! 不過大家留意附近只有少量泊車位!

0係路口好易見到0既烏雞庵! 佢出名0既烏雞蛋蛋糕同雪糕! 烏雞即係我地香港人叫0既竹絲雞!

買了烏骨雞蛋做出來的蛋糕，如貴，但係食落同普通蛋糕無咩分別！另外試左雪糕但係唔記得影! 蛋味好濃!

旅遊書話呢到0的建築係江戶時代, 全部係原裝, 唔係重建0既!

跟住我地就出發去白川鄉! 同幾年之前去白川鄉一樣, 都係落雨!

落雨令到個山同樹更翠綠! 天氣咁差我地只有早D返高山!

去高山果程路我地行國道, 雖然要2個零鐘先到目的地, 但係就慳返800円路費! 呢條路上次都行過!

之前有好多呢啲超窄0既隧道, 僅僅夠2個車過, 仲要慢慢駛先過到! 不過而家好多隧道都加闊左同加左燈!

搵左好而先搵到呢間Super Hotel, 間房真係好細!

一入房門左手邊係廁所, 行多步就係張床! 連開個喼都唔夠位! 之後我地出去食晚飯!

今晚我地去丸明食飛驒牛!


首先叫左個飛驒牛拼盤!

另外叫左碟地雞同豬!

仲叫左碟海鮮!

大合照, 呢餐好好食, 飛驒牛唔點任何0野都好好味, 我地仲加左個飯同一支啤酒! 食完飽到抱住個肚走! 之後我早啲返酒店休息!

2011年日本中部之旅 - 第8日 (福井 - 金沢)

今日我地會離開福井去金沢! 起行之前梗係食飽飽先啦! 又係Toyoko Inn0既招牌飯團早餐!

跟住就去拎車準備出發! check out果陣櫃位果位姐姐比左呢張咭我拎車!

我介紹一下點自助拎車: 首先將張IC咭拍一拍左下方個黃格, 再將IC咭插入中間個入口, 接住再按右手邊黃色個製!

之後等大概1分鐘到有拎喇!

跟住我地就開車去金沢, 順道可以去埋東尋坊! 呢到出名係係睇岩石!


沿途都有好多鋪頭, 有0野買, 有0野睇, 有0野食!

0的魷魚燒得好香, 我地都買左串0黎食!


呢個係遊人必影0既景點!

一望無際!

可以搭船出去遊一個圈, 不過要1200YEN一個人! 所以無搭到!

岸上面都睇得好清楚!

回程時見到隻貓瞓得好淋, 仲要伸埋脷!

去完東尋坊就出發去金沢!

到左金沢首先要泊好架車先! 我去搵過附近, 呢個停車場係最近最方便!

我地去左呢間食海鮮丼!

呢個係招牌海鮮丼!

相同實物都有8,9成似, 不過無想像咁新鮮!

老婆唔鐘意食生0野, 所以叫個燒鰻丼!

除左特別在有金薄之外, 味道OK, 其他方面無咩特別! 食完之後0係市場買左份桃就去兼六園TOYOKO INN CHECK IN!

我地跟住去左附近0既21世紀美術館!

佢出面有0的傳音器, 啲日本姐姐霸住0黎玩!

呢個係最出名0既泳池! 無買飛0既只可以0係上面影相!

買左飛可以入泳池底部!

呢張係底部0既實景相, 其實好細!

佢除左一啲固定展覽, 仲有一啲定期展覽, 不過每個展覽都有人睇住唔比人影相!


當晚我地遇到有花火, 不過無咩風, 攪到0的煙花睇得唔係咁清楚! 花火歷時差唔多2個鐘!

睇完花火之後, 老婆想食關東煮, 我地去左赤玉本店到食! 我都係唔太頂得順食關東煮做正餐! 之後要買多個松屋做宵夜!

食完關東煮見時間仲早, 我地又去左"倒"錢夾公仔! 最後0係現場工作人員協助之下夾左呢隻HELLO KITTY!

呢個就係松屋宵夜! 去左日本10次今之都係第1次食松屋! 覺得比吉野家好食0的!

再加埋之前買左食唔落0既福井蕃茄! 好甜好好食!

0係桃當造0既時候, 有好多相關產品衍生, 桃水就係其中一樣! 好香好甜! 不過就係太甜, 所以淺嘗即止!