終於完成左個大project!

小弟好耐都無update過喇! 因為要攪個人生大project, 所以無時間去打blog! 之後會補返之前未打果啲!

係時候post返唔同鋪頭嘅comments同結婚當日嘅花絮!

結婚當日﹕2010年12月26日 (天氣好凍，早上只有10度，好彩陽光普照，外出影相都唔係好凍~~天公做美)。
酒席﹕朗豪酒店42/F星願亭 (擺18圍，個場啱啱好）。環境及食物都好滿意。 席前小食有FRUIT TART同三文治 (吞拿魚、蛋沙津同三文魚)，個個都話好好食!  另外，個CREAM CAKE好多人讚! 而最重要係食物份量好足夠，賣相亦不錯。

註冊地點﹕紅棉路婚姻註冊處 (剩係得一個HALL，入面好靚，等緊O既時候都可以係入面影下相)，最好氣氛係註完冊後，親友企晒係房出面排成一行，迎接我地出黎，成個HALL比我地用晒。
56座旅遊巴：相熟的，$2700 (租全日10:45a.m.-12:00a.m.，最後去皇崗) 。新娘褂鞋：又係荀崗立興買，45蚊人仔。(見下圖)婚紗首飾：CHARMING IMAGE / PERFECTION巳包，都ok，不過march in時要出自己私伙，係深水步買o既水晶頸鍊，好閃。晚裝首飾：新光首飾 (2條)，影婚紗相同結婚當日用，都好閃。當日頭飾：Makeup Secret巳包，但唔靚。原本charming同唯美都唔包頭飾，但係我打去同佢地講話化妝師都冇，所以問佢地可唔可以借埋比我，之後charming借左3個頭飾，都好靚架！上頭用睡衣： 荀崗立興買，超平。(見下圖)婚宴音樂： March in -- happy time (要自己駁長)                   乳豬 -- 囍菜                   敬酒 -- 經典 (勁有氣氛)                   送客 -- a whole new world 、So Long farewell油畫：深圳麥田影像、羅浮宮簽名冊：羅浮宮嘉賓簽名筆：DIY (買電話閃石貼紙，簡單好快就完)註冊用介指枕：唔會買, 用番VCA盒紅酒：新翹行 ($66/支，買左36支，剛剛好，最後剩幾支），佢都好好，會幫你計下大約要預幾多支，都幾準。 但如果飲唔晒，佢可以已正價$66收回9支。VSOP：人頭馬，開左1支，冇咩人飲。XO：人頭馬，冇開過。檯號牌/Sitting Plan/Menu：DIY (用photoshop，搞左好耐，banner shop同eprint到印，檯號牌：$10/$張，原本雙面要$20，但佢平左比我，最終收$10。Sitting Plan：就要$70，視乎大細，我地整100x70.6cm。另外自己返屋企加工，仲要荒死佢唔夠閃，用晒Swarovski水晶，用左4包$120。 人名表就自己喺屋企用相紙Print!，試過拎去快圖美去晒，但係色差好勁，隻色完全唔同左，所以最終自己係屋企print。 Menu又要$10/$張。 但係其實比banner shop同eprint整都會有色差，同埋記得唔好用RGB，要用CMYK，色差就會少Ｄ。記得要將file轉做jpeg會有95折。 一個星期就有貸拎。 總共整左$420，平過比deco整，佢地最平都要收$900。西 餅卡：東海堂，酒店有8折coupon，$40張 (訂夠150張就可以免費放相，我地就放左個logo上去，不過原先同我地用Photoshop整比佢o既顏色有d分別，深色左好多，後其仲有d自己貼左 閃石)，如果想平啲，可以喺教協買，平些少，$39.7一張，面額$50，其實只可以換到半打西餅。唐 餅卡：奇華，由於酒店有８折coupon，所以平過教協。其實無咩特別，但係要記住叫啲老人家睇清楚，本來買左幾張金盈喜(for backup)，可能因為係紅色，佢誤以為貴啲，所以就派左比啲好熟嘅親戚，將金雅喜(因為佢係銀色，所以以為平d！)就派比啲無咁熟嘅親友，激死！回門乳豬：太興燒肉卷 $50/張 (買20張送3張) 及長發大酒樓 ($438，乳豬(要有尾有腳)加雞）。過大禮：DIY，用一個果籃加紅絲帶同玻璃紙改裝而成，另外再買啲外母鐘意同靚啲嘅生果，加埋對聯、龍鳳燭、茶葉等pack好! 仲有唐餅西餅等等拎去老婆屋企!敬茶茶杯 & 茶壺：立興買，50蚊人仔咋，超平，香港見過一樣要過百。上頭用品：立興買，12蚊人仔1set。上set for男；下set for女。跪墊：立興買，25蚊。紅傘：立興買，超平15蚊人仔。十支骨嘅，個SALES話十全十美wor！金器/ 嫁妝：買左2對龍鳳鐲打底。龍鳳被單 + 床單：CASA CALVIN (CASABLANCA)利是封：大利是封2蚊人仔/個，中嘅5蚊人仔10個，而細嘅就8蚊人仔50個，而封又係紫色！由於行勻成個荀崗都冇紫色款嘅回禮利是封，唯有係金都買，$25/50個，貴。撲克牌：荀崗立興買，3蚊人仔一副，好平。(見下圖)男、女家對聯：立興買，50蚊人仔一對，平。上頭睡衣：(見上圖)，80蚊人仔2套，不過質地就認真ma ma，會甩色同甩線的。但著1次都ok。

婚禮攝影攝錄﹕IMAGE WORKSHOP --> 整成長片段同即日派相都要吹吹吹，唔知係咪間間公司都係咁，要提好多次有咩地方要改，但最終都好滿意，成長片段整得都好靚，有張相仲加左特效添。
另外，即日派相個設計都好好，係用我地O既結婚相做封面同內頁，朋友見到都讚好靚好特別~~。
Package $16380 (包snap shot, standard, 攝錄, 成長片段, 早拍晚播, 8" x 12' snap shot相簿及數碼相片, 300張即日派相)。

義務攝影師﹕2個，1個係同事，另1個係中學同學。 真係好多謝佢地，影得好好，影snap shot好緊要，佢地都好識捕捉特別表情。

結婚相slide show: DIY，用左POWER DIRECTOR去整，比較簡單易用，多轉換款式。

化妝及髮型﹕Makeup Secret - Yumi --> 超好，好多人都讚，化左出黎超自然同似返自己。$5880包全日，任轉妝及提供頭飾首飾、包6個姊妹妝，1個化妝師對2個姊妹 (呢啲唔係Yumi自己啲助手/學生)，之後再加錢包埋媽咪同奶奶 (媽咪加左$250，奶奶由於唔同地方，所以要$350)，但化d妝出黎係就真係好bad啦! 呀媽化到成個趙微咁! Yumi話如果用返佢班學生會好d~~~。
join左package之後，join埋make up secert o既化妝班，好有緣地Yumi就係我Miss呀!
其實之前仲試左2次妝：Shadow / Lasting Love
Shadow：book左crystal試妝，試妝貴比鋪頭入面o既化妝試會貴d，要$380。 但係由於試Yumi時唔記得原來之後都book左crystal, 所以試完yumi覺得ok後就即刻落左一半訂了。 而crystal又話唔可以退$，所以只係齋試妝，但佢都好有心機，都好滿意，佢地仲有好多頭飾首飾，所以都可以考慮。package$4800，包伴娘，5set飾物 (早及晚)。
Lasting Love：第一次試妝就搵佢地，原先之前個fd用過o既化妝師已經比人book左啦，但見佢地個website化d妝好似都ok，所以都book左去試妝，化妝師叫Kxxx，$400試妝費，但簡直其差，實在太難想象化左仲衰過唔化，之後好唔開心咁走~~

婚紗相﹕1. 深圳米蘭新娘 (已影) --> 超差，千期唔好去，之前唔識野，一心諗住影葵園，去到婚紗展見到佢地有就報左啦，又貴，個頭set到成個肥姐咁，D初又唔靚！仲要唔係全部相比返晒，所以最後都比左成7千幾蚊。

               2. 深圳麥田影像 (已影) --> GOOD，影出黎個個以為係台灣，一D都唔似係反大陸影，我地去左霸光同石門森林。不過去石門森林就要係前一晩同化妝師及攝影師一齊去左廣州先，住宿佢地 會預備，不過唔係去酒店，係民宿，超慘，個日係霜凍警告，但竟然冇熱水沖涼，同埋張被好薄~~。影石門森林同霸光係分開2日影的，經過刻苦減肥後，影出黎 個效果好好，最好就係佢地比晒所有O既相我地。 不過，後期製係就要貼身監察，執相要坐係佢旁邊逐張講有咩位要執，排相要比SMAPLE佢睇先會整得靚。　佢地D衫都算多選擇，但記得自己要預備定物資， 如花球、頭飾及手飾。
                  package $7699人民幣，包影2日，2個外景及室內景。6個造型，其中一個係便服。60張執o既相、18"及14"相簿 (水晶面要另加錢)、36"及30"及24"油畫架。
                   我地係網上面做晒research，揀定d自己覺得啱自己style同鐘意o既相，問佢地係邊個攝影師影o既，我地就搵左吳剛同化妝師英子，英子化個妝都好好，仲好過香港影個輯。

               3. 香港羅浮宮 (已影) --> 係酒店PACKAGE包的，個COUPON係$3000幾蚊，跟住加錢UPGRADE到$7000幾，有2套衫及1本相簿。影出黎都OK，但得26張相， 之後再加相又要幾百蚊，相簿入面O既質地又要加錢，油畫架只係包好好好幼框，加粗又要加錢，夾夾埋埋總共成萬蚊~~勁唔抵。
婚紗﹕CHARMING IMAGE / PERFECTION

CHARMING IMAGE --> GOOD，好多種類，個款都好新，$3980包1婚紗、2晚裝同1男禮。但係好果想揀d好貼身款o既衫，佢地d cutting就ma ma, pat pat位做得唔係咁好。同埋，因為太多人租ｏ既關係，之前1早揀左o既婚紗，後黎變到好殘，冇要到，所以到最終2個月前去揀先穩陣，又會有新款，所以最後 租左1件婚紗，1件紫色迎賓，1件黃色註冊，由於係唯美揀唔到晚裝，最後唯有charming唔要件男禮，加多$200租多1件紅色敬酒。

PERFECTION --> 婚紗就真係好閃，march in o既時住好觸目耀眼，個個都勁叫好閃，但係晚裝就真係難揀，d款唔係好靚，個款都好舊。之後，好難先揀到一件橙色迎賓，都幾靚！其餘就轉晒去男禮，但係都 係ma ma地，除左夠閃外，件件都係長款，同埋唔係好啱身，相對charming就好d!
package $5888包1婚紗, 3晚裝, 但男禮如果租白色, 銀色就要再加$300。

男禮(1)﹕Art Tailor - 度身訂做男禮及背心 -->由於太早訂做關係，之後瘦左，就有d鬆身，建議結婚前1-個半月去做就good啦!　大約$1000/件，手工同質料都好ok。

男禮恤衫(2)﹕E-rave - 好貴，$680/件，但手工好，質料舒服，企領款會廷d，之後自己係深水步買左水晶褸，比佢幫我地訂埋。

荷里活中心 - 1樓男組橋，$363一件，包水晶褸同反袖（見圖）。 訂造左3件，之前2件造黎影婚紗相，呢1件用黎結婚用，造出黎都ok! 但要叫佢修腰。另外如果要加反袖，即要袖口褸的話，就要同佢講再加錢。

裙褂﹕錦發 - 中五福 --> 態度ma ma地，款式一般。之前去試身，又話如果之後瘦左有得改，但到結婚前1個禮拜再去試，話想改細d，同個袖短d，佢就話冇得改，仲要個態度ma ma地，不過件褂都幾新淨。(見上圖)

花 球/襟花/手花﹕秋子 --> GOOD，花球同車花都好靚。襟花、手花都係用鮮花，不過手花就好快殘，有D姊妹去到迎賓時D花已經甩頭! 秋子教話如果唔用時就噴D水，焗返住佢。但係到當日跟本係忙到唔會有時間咁做，所以建議一係訂2對手花，1對早上，1對夜晚。如果唔係就用膠花會好D。 咁唔怪新朗襟花會幫我地預備2個啦，因為鮮花真係唔放得耐。　但係要提個花球真係可以放幾日都咁靚。
車頭花 $998。

婚宴當日送左2扎花比媽咪同奶奶，2扎共$1100 (百合+深紫玫瑰)。
另外，老公當日送左扎101支深紫玫瑰再加10支，共111支，表示一生一世只愛您一個，哈哈，剩為$1700。


場地佈置﹕Monarch - Joyce --> ma ma，超漏氣同慢。我地等住個logo去到印帖，吹極都冇，又話designer好忙，結果出到黎個款個求其，好多張都唔收貨，最終搞左好耐，先出到個滿意。
到 backdrop都reception枱，又係傾左好耐，仲要我地自己去搵埋布版比佢睇。佢話公司冇個隻布，要去買，之前話唔收我地買布錢，後來，好結婚 前幾日先比張invoice我地，加左一項買布錢，收多$500幾蚊。個場decoraction又好似偷工減料，個地毯又好簿，有個油畫架又剩係得白白 葉，冇底布。不過，最終個backdrop好靚，好紫，因為加左4支燈。但唔知點解march in之後有2支燈轉左做綠色，跟住即刻call Joyce，佢又係附近，所以好快上黎再我地搞返好。

結婚戒子﹕Van Cleef & Arpels - VCA (Infini Signature + New York) --> 好舒服，唔"UN" 手，但個牌子冇咩人識。又係因為刻苦減肥關係，整左出黎有d鬆，要帶中指先啱，如果要去改size，要比$1800，唔係好抵。同埋可能係因為冬天，冷縮 熱脹，所以可能夏天就可以帶返無名指。

請 帖：新婚印象 -->超超超超差，由於係酒店包，所以冇去搵另一間，但係包個D款唔啱心水，又放唔到東海堂餅咭，所以加左成千蚊轉左個款。個SALES口口聲聲話 放得落張餅咭，但係最終印到出黎係放唔到，之後打去理論，佢仲話自己好清楚邊D款放到，邊D款放唔到，又話自己冇講過話一定放得到，最終，佢先肯同我地印 過晒D信封，真係激死人。

我地自己係張帖到貼閃石，有4個款，個效果出黎好好，同埋朋友收到一齊開既時侯有D驚喜，因為個個頭石都唔同。D石原本係淘寶訂黎貼計數機，但係原來隻色同個SIZE都好啱貼係張帖到，建議大家都可以係淘寶到訂閃石呀，又唔貴。

伴郎：細佬 --> 成為姊妹玩O既對象

伴娘：中學同學 -->好稱職，好醒目，辛苦晒

兄弟團名單：中學同學及同事 --> 個個都好好，果日好幫手，令到成個RUNDOWN好順暢！

兄弟用領呔：淘寶貨，3蚊人仔一條

姊妹團名單： 中學同學 -->個個都好SMART，個個好落力幫我換衫同埋處理當日安排

姊妹裙：Joy Marry訂做，$400/條

毛毛披肩同新郎呔：又係淘寶貨，披肩57蚊人仔、呔就分別係30同18蚊人仔

司儀：男女司儀各一 -->司儀做得好好，好上心 ！

阿媽外母晚裝：   阿媽: 紫水晶，普通，會包首飾，但佢冇墨綠色。$1700/2件。

                           
外 母: 玫瑰園，都比較貴，但幾靚，D披肩靚D，包首飾(見下圖)。另外再喺長沙灣樓上鋪租多件，但係MA MA地，唔係好啱婚宴著，CHECK清楚原來呢間鋪多數租比人唱大戲著的! 因為係外母自己去租所以無影相！$2000/2件。 可以比我地早幾日拎衫去酒店，唔洗迫晒係前一日拎，都幾好。

老豆西裝：G2000，普通灰黑色西裝一套，$1200外套+西褲！做都係$800到，唔抵!

新娘鞋：金都，買左2對，1對係影相用，1對係結婚當日。

Girdle及束腰褲：SATAMI

新郎禮服鞋：GEOX + 金都買白皮鞋

花 車：銀禧 -->超超超超貴，由於酒店送左張$500coupon, 所以就租左佢地。我地租o既係benz w220金色。3個鐘要$2380，加1個鐘要$680，由10:45-4:45，埋單要$4430。由於酒店有coupon，所以又係懶得搵同埋唔知邊 d信得過。但係個司機都好準時，要去邊車到邊。 其實，坐到入去，同普通私家車差唔多。

花車裝飾﹕秋子鮮花 (車頭花及門花)。(見上圖)

旅遊巴裝飾：大陸荀崗，除左呢樣，好多嘢都喺立興買，平香港好多。

溫 馨小提示：上去荀崗買嘢，來回車費唔平，如果你住北區例外，最好寫張checklist一次過去買，同埋記得記得一定要帶喼，因為都會買好多野同都幾重。 但記緊要做定功課mark低個價錢，如果發現佢比你個價貴啲，就同佢講價。另外埋單果陣仲可以講少少同埋可以叫佢送野比你，佢就送多左幾包利是封同花瓣比 我地。上面圖入面所有嘢都係買左五百零蚊人仔。最後記得要搵後生D果個男仔開單，唔好搵老闆娘，如果唔係啲價會開貴啲同埋會好難講價。