HONEYMOON原本諗住去歐洲，但點知落大雪，結果係好急情況下改左去MALDIVES，好彩間旅行公司幫我地WAIT到機位......
去MALDIVES真係長途跋涉：
香港 -- (飛機3.5hrs) --> 吉隆坡
去MALDIVES真係長途跋涉：
香港 -- (飛機3.5hrs) --> 吉隆坡
吉隆坡 -- (飛機4hrs)--> 馬里機場
由吉隆坡轉機去馬里係要過多次檢測的，不能帶水進入！
馬里機場 --(船15mins)--> 馬里酒店
馬里機場出面，等齊人後，就上船去馬里酒店。時間都去到成點啦！
馬里TRADER HOTEL，環境都OK！
馬里酒店 --(早上起身搭船15mins)-->馬里機場
晨早5:00起身，6:00食早餐，7:00出發。
出發~搭船返機場再轉水上飛機。
馬里機場 --(車15mins)-->水上飛機 --(水上飛機20mins)-->海中心浮台 -- (船10mins) --> HALAVELI 到啦!!!!
~~~攰死~~~去到酒店，會安排稍作休息同埋有職員講解所有設施。有杯果汁周冰凍毛巾比你！
我地透過travel agent公司向酒店要求non-smoking room 及 sunset view，我地房間係61號，位置唔錯，係正中間，可以行去餐廳同spa。
事前準備篇：
(1) 買浮潛用品 -- 淘寶買左個mask、吸管及鞋，但係個mask入水，對鞋入沙，只有個吸管ok。
(2) 防晒衫 -- 天寒地冬係香港搵左個多間鋪頭都冇d靚o既防晒衫，好彩最後都買到紫色o既。 防晒衫個工能好好，令到浮潛時唔洗晒黑同晒傷。
(3) 防晒 -- 宇宙最強金色EX版，次次去陽光與海灘一定會用佢地，今次差唔多用晒2支，每次做足保護，搽晒全面全身先同陽光玩遊戲。
(4) 浮床 -- 又因為冬天關係，搵左好耐，買到一張浮床同一個大水泡，吹左好耐，但係玩左10分鐘都無，因為太大浪啦，好暈！所以可以唔洗帶都得，因為都會用晒d時間黎浮潛，根本唔會有機會玩浮床。
(5) 勞工手套 -- 由於係好淺水地方都已經有好多珊瑚，所以帶埋手套會好好多，唔洗整趁手。 但搵唔到長o既防晒褲，所以隻腳比珊瑚整損晒。
(6) 午餐 -- 由於只join左half board，所以買左柸麵、零食及汽水過去，仲因為睇blog有人講話要帶水，所以仲預備左2支大水去，搞到搭水上飛機時行李過磅，要補錢。但其實唔洗自 己帶水，酒店有水拎，同埋房每日都會放1支大水 (1.5L)同2支大細水(500ML)。
(7) 暈浪丸 -- 浮潛用的。因為本身平時搭船都會暈浪, 所以浮潛一定要食暈浪丸, 但不過都食到好飽, 加上都幾大浪, 所以一去浮潛冇幾耐都會嘔。
(8) 防水相機 -- 浮潛影珊瑚同魚。
(9) 浮水帶 -- 買左冇用到。
(10) 防水袋 -- 放房鎖匙。
(11) 太陽眼鏡 -- 陽光好猛烈，會令到雙眼唔舒服。
