食與玩的記錄: 4月 2011

復活節有成10日假，又唔去得日本，所以臨時決定係紅日前一日去長隆動物園玩2日，可以避開人逼逼o既情況。

諗返起對上一次去都有成10年，個時仲叫夜間動物園。

1st -- 格價
睇左新華、中旅、油麻地、星晨價錢，最平都係新華，但係佢寫明要係祈福新村到轉車，心諗都應該ok易搵轉車地方，所以就決定左報新華。

住－守獵房，包早餐、馬戲酒店優先區及加價買多2張動物園飛，共$2968。

車－包永東來回，葵芳9:25上車，回程4:10葵芳落車。

車程
車程都要3個鐘到。

永東安排麻麻。上車冇安排排隊，有d混亂，但好彩過關後係跟坐位number坐，所以好好多。

最最不滿地方係，新華職員同張飛上寫明要係祈福新村轉車，所以我地一到祈福就落車，諗住問下個司機係邊到轉車，但係個司機一停車就走左去，落左車又冇職員比我地問下，咁我地就自己去搵，搵左一陣，唔對路，於是返去落車處問，一問之下，個職員話架車已經開左，要等下一架，但係會好耐，於是我地決定去搭的士，等左十幾分鐘之後，先有的士，搭到去酒店大約$22人民幣。

張飛明明寫住要轉車，所以大家記得問一問個司機究竟洗唔洗轉車同係邊到轉車。我地回程時，就醒啦，去左酒店問洗唔洗轉車，佢地幫我地打去永東問，職員話要轉車，但之後我地上車再問司機，原來其實係唔洗轉車，直到關口的。

搭車有樣唔好處，好彩去時冇塞車，但回程就勁窒車，要成4個鐘先到關口，簡直相死，好彩唔急尿咋。

守獵房
我地住5區8樓頂層，以為個觀境會幾好，點知對正個整緊o既遊樂場，加上一入房有陣嗅味，印象ma ma。

加上原來酒店唔會提供護髮素的，對我來講簡直係惡號呀~~~~

冇護髮素～～

酒店房會送匙扣

動物園
放底晒d野係房之後，就去動物園啦，差左多2點到。酒店門口shuttle bus都幾密，好快搭到去動物園，由於唔係紅日，所以園入面唔係好多人。shuttle bus會係南門停車，而去遊覽車就要行返去北門啦！

就啱時間睇到白老虎表演，唔錯都幾好睇。但係地園入面係冇表演時間表，佢地只會係園入告示板上顯示的，所以大家要留意啦！

睇完之後，因為遊覽車5:00就會停，所以我地決去左搭遊覽車先，都唔係好多人，等左一陣就有車啦。原來仲可以自己駕車入去添架。

比起幾年前夜間動物園要好，可以好近距離睇到動物，不過大家記住最好坐右手邊個2個位，因為大部份動物都係右手邊呀！！

搭遊覽車都已經5:00到啦，個園收6:00，5:00鐘d野已經停啦，如餵動物，同動物影相、有d動物仲會比人已經困返入籠到冇得睇。所以我地搭完車已經冇得餵長頸鹿lu，有d失望。

所以如果由早上行到傍晚就會好d，半日唔係好夠時間行。

同新華買1張要$200，人民幣要$180，價錢差唔多。而如果去完動物園之後，係園入面買其他公園門票會平幾十蚊。

飲食
去完動物園，蠢左，搭左shuttle bus係酒店到落車，其實應該係馬戲站到落車，係馬戲團入面食野，咁樣唔洗咁趕同埋可以早d霸靚位。

酒店係彩蝶谷到食野，香港價錢，食物一般。叫左牛腩米粉、越式生牛肉檬粉同煎餃。

牛腩米粉一般、越式生牛肉檬粉好油、煎餃值得一試，我地食左2次。

睇完馬戲都係去返呢間到食，因為收得最夜。叫左乳鴿、菜、楊洲炒飯、鯖魚、煎餃。

乳鴿同菜味道ok、楊洲炒飯好味、鯖魚唔好味，冇魚味、煎餃一流。

馬戲
好正，緊張刺激，睇完有d頭痛，我地7:00入去霸位，7:30開始，中間位置已經比人霸晒，所以只有中間偏左，都ok啦！如果可以的話再早d入去霸位。

早餐
由於我地9點到先去食早餐，所以已經好多人，佢分左右的。大家記得行右邊入呀，個邊會多好多野食，但好多人，因為可以睇到白老虎。

我地就唔知道，行為去左手邊，都有野食，但係冇咁多，要拎野食就要行遠d啦。

雖然係5A酒店，但係入到去係自己搵位，冇人帶的，大陸似終係大陸，d人好似搶住食咁，感覺ma ma地。

'HEA' 點
由於第二日4:25先搭車走，12:00check out後，就係酒店入面hea啦。原本有諗過搭shuttle出去祈福同地鐵站，但因為好似想落雨同擔心安全關係，所以到係冇出到。

hea點係打保齡同打機啦！

保齡唔似香港咁開一局可以最多6個人一齊玩，而係1人代表1局，1局折左$27，住客有折。