1/8 瑞士NATIONAL DAY~
佛斯特(First) → 行去巴哈阿爾普湖(Bachalpsee) → 再行返去First返回Grindelwald → 之後搭車去LAUTERBRUNNEN再轉吊車同火車去MURREN
酒店早餐有不同紙餐巾, 好靚, 最後果日老闆娘送了一疊給我們啊!
第四日行山，由FIRST到BACHALPSEE再回FIRST，首先由酒店出發行過去吊車站，好近，行過去唔使5分鐘！
又係SHOW PASS上車，
呢架吊車好長，而且可以一搭搭上去FIRST，全程大約20分鐘。
行山前最好去多次洗手間，因為一路上都唔會有洗手間，如果路途上急就麻煩喇！今日係瑞士國慶，就算去廁所條路都掛滿晒國旗！
向FIRST出發！
去FIRST必須要經過呢條路，路兩旁有好多牛牛喺到食草！
啲牛牛喺咁靚嘅環境下生活，真幸福！
佢地好乖，埋去同佢影相又得，摸佢又得！不過佢地好好奇，會伸條脷"LAM"你架，攪到你件衫濕晒！所以同佢玩時要小心小心！
仲有成地都係地雷(牛屎)，又係要小心！
一路行會見到個牛欄，可以打開，不過記得順手關門，如果唔係可以攪到會走牛架！
好好陽光，一條路跟住行，唔使怕會迷路，條路都OK好行。
無聊玩影"影"！
沿途嘅靚靚風景！
終於見到個湖喇！
個湖很美, 很多花, 但由於有上斜路段, 所以比之前3天行山只有行落的要辛苦! 湖好靚, 但太大風了, 所以影不到倒影了!
不過唔緊要，仲有咁靚嘅背景，可以影啲特別相，例如下面嘅「望湖」、「懸浮」、「飛跳」好多好多，玩左好耐同影左好多張相。
路上同湖周圍開左好多花，由上向下望係一種感覺。
由下而上望又係另一種感覺！
其實仲可以繼續行落去，不過要行多起碼5、6個鐘，一來無時間我地仲要留時間去MURREN，二來行到去湖巳經好攰。唯有放棄我地沿返原路返吊車站捨車落山！
原本想於係BORT到玩架車落返GRINDEKWALD, 但怕不夠時間, 所以最終只搭吊車!
行左成朝，返酒店休息一下同放低啲行山物品。
之前見到有網友介紹過酒店對面嘅麵包鋪，順路過去買左個國慶包嚟食。
個飽上面插住支瑞士國旗，幾好食有陣芝士味。
原來想搭另一架吊車快啲去文根，之後再轉車去LAUTERBRUNNEN上MURREN，點知去到先知個CENTURY PASS唔包架 (成個NETWORK就係得2條唔包，偏偏我地就係要搭呢2 條)。於是我地只好搭火車去LAUTERBRUNNEN！
出左LAUTERBRUNNEN火車站行過對面就會到纜車站。
搭上去嘅時候可以睇到LAUTERBRUNNEN出名嘅瀑布。
一直搭到GRUTSCHALP，之後要轉火車去MURREN。
就係搭下面呢架火車喇！
呢到好易行，一出火車站附近就見到商鋪，只要沿住商鋪果條路行就可以圍住MURREN行一個圈。
風景好靚，住喺呢到真係幸福呀！
中途見到呢副巨型國際象棋，放心，只係膠嚟唔會太重，可以拎起嚟影相！
好快咁行完一個圈就返搭車返落山，因為仲未夠鐘上車，所以行左過瀑布影相。
原來好想去Schynige Platte, 但因5:00幾尾班車, 已趕不到了, 大家記得plan清楚啦!
去完MURREN返到GRINDELWALD，就開始諗今晚果餐去邊到食，因為9:00開始國慶節目，所以唔可以慢慢睇慢慢簡！
因為之前有網友介紹過我地酒店嘅晚餐，喺諗唔到嘅情況下，最後決定喺返酒店到食，都唔平呀成四十幾CHF一個人。
我地坐左喺入廳，淨係得我地2個，其他人坐晒喺食早餐果邊。
先嚟一支瑞士產白酒。最衰無啲FRUITY啲嘅，唔係太鐘意太DRY嘅酒！
再嚟頭盤，主要都係魚嚟。
之後就係自助沙律。
最後係甜品，FRESH MIXED BERRY MOUSSE。
很好吃，不過注意佢地只有一個餐，啱就啱，唔啱就唔啱，因為無得簡而且只招待住客的！想試下嘅要注意喇！當啱啱食完，老闆娘就埋嚟問我地好唔好食同埋提醒我地巡遊幾時喺邊到開始。出發地點喺酒店對面嘅教堂，於是我地就即刻走出去。出到去巳經有好多人喺到喇！
喺巡遊隊伍後面，有好多人拎住火把同燈籠一齊行！
到8:30，NATIONAL
DAY節目正式開始了！
很好吃，不過注意佢地只有一個餐，啱就啱，唔啱就唔啱，因為無得簡而且只招待住客的！想試下嘅要注意喇！當啱啱食完，老闆娘就埋嚟問我地好唔好食同埋提醒我地巡遊幾時喺邊到開始。出發地點喺酒店對面嘅教堂，於是我地就即刻走出去。出到去巳經有好多人喺到喇！
首先會係有牛鈴巡遊，由教堂行到去火車站旁邊嘅空地！好多人都係未開始前走埋去同呢啲大牛鈴影相。
喺巡遊隊伍後面，有好多人拎住火把同燈籠一齊行！
所有人浩浩蕩蕩咁向火車站方向慢慢行過去，啲鈴聲好響。
另外仲當地居民表演及煙花！煙花規模唔好EXPECT好似香港咁多花款同咁巨型。
