新玩具 - Philips Airfryer

前晚行街經過電器鋪見到呢部AIRFRYER做緊特價$1498仲有送埋焗盤, 心思思想敗返部返屋企. 經過內心一番掙扎, 終於都係買左!

呢部就係真身喇，尋日即刻試整薯條同烤魚餅！

根據食譜買左啲焗薯，唔去皮切條再浸水30分鐘，之後放入雪櫃雪佢2、3個鐘等佢乾身啲！放入爐之前撈半湯匙油用180度焗25分鐘，中途拎出嚟反下佢得佢焗得平均啲。食果陣落啲鹽同黑椒！正呀！

另外之前買左啲日本炸魚餅雪左喺冰箱，無解凍就放入去焗，用180度12分鐘，有啲偏爉，可以焗10分鐘就得喇。

總括嚟講幾好用，不過幾熱氣！食完上面呢2樣嘢之後有少少喉嚨痛同生暗瘡！下次都係焗一樣嘢就算喇。