2015農曆新年北海道之旅行程 - Day 1 (香港 － 名古屋)

今次係生完阿女之後第一次去旅行，阿女果陣已經3個月3星期大啦，去之前好辛苦咁儲左34包奶，等阿女喺我哋去旅行時可以食人奶，係年初一去親戚到拜年果時餵過一餐水奶咋。今次旅程都有d麻煩，因為要每隔4個鐘就要泵一次奶，我要喺去名古屋個程機到泵奶，去到酒店又泵，泵到奶頭都損呀。去7日我地日日都有facetime個女，佢都無咩特別扭計或者喊，都算幾乖！可能佢仲未識扭計住，下次去旅行可能就會識。

今次我地又係用aisamile換機票，由香港去名古屋再去北海道，我地15/2下午機去名古屋，去到係夜晚了，所以係機場toyoko inn 到住左晚。



























 今次搭國泰有Haagen-Dazs雪糕食, 不過係香蕉味道, 好甜唔好食!



























機場toyoko inn我地住orange line, 幾多大陸人, 另外呢間toyoko inn唔係太乾淨, 張床同張被成晚有嘢咬，瞓唔到。其實2邊都無咩分別, 早餐係2邊都可以拎黎食既。由於去到已經好夜, 機場已經無野食啦，所以只可以喺酒店樓下間便利店買左杯麵同腸仔食就算啦。