瞓醒就梗係食啦! 一早就走落去LOBBY間餐廳到食早餐! 落到去見到0的人係門口排晒隊! 佢呢到個早餐真係幾正, 又多款又補得快! 未食完巳經拎定第2盤出黎RE-FILL!
食食下個侍應放低左張單, 2個人要成舊水坡紙! 不過房價包左唔使比!
我女友話佢呢個朱古力蛋糕好好食, 大家可以試試!
食飽就出發去第一站就去「牛車水」喇! 其實都無咩0野行又無咩睇! 所以相都無咩點影! 果到主力係SELL外國人, 佢地應該大0的興趣遊覽! 行左一陣, 去埋林志源買豬肉乾就走喇!
返酒店放低0的0野就去玩 - 魚魚FOOTSPA! 其實間鋪就0係酒店隔離! 有興趣可以試試!
0的魚好攪笑, 你一放隻腳落去, 佢地就起勢咁吮吮吮! 係唔痛不過好痕! 要慢慢適應! 開初可以放隻腳板底習慣下毛, 好0的先放晒成隻腳落去! 佢0的魚有分大細, 如果真係想玩又怕唔慣可以玩細魚, 無吮得咁大力架!
上下呢2幅圖入面都係大魚, 細魚細1/3到啦!
玩完魚SPA之後, 我地就趕去聖淘沙! 都幾遠要坐成個鍾頭車, 其實去呢個地方最好預算大概一日0既時間 (尢其0係同女友去), 因為0係去坐聖淘沙Skytram果到有個商場叫
Vity City, 果到有幾間女任聽到就雙眼發光0既鋪頭e.g. Forever 21! 我女友淨係呢間0野都睇左成個鐘!
攪攪下都成2點幾, 咁就落去商場Basement個Foodcount到食晏!
炸魚條: 好彈唔粉好好食!
喇沙: 好香好味
魚彈粉: 好清但又好鮮
海南雞飯: 普普通通, 可以唔食! 大家認住!
0係便利店見到呢支0野!好很難飲！我地飲左幾淡頂唔順丟左落垃圾桶! 千萬唔好買!
食飽又出發! 去聖淘沙主要有幾個活動!
- 睇laser show - Songs of the sea (details)
- 睇水族館同海豚show
- 戶外活動 e.g. luge & skyride
首先買車飛同訂埋位睇laser show! 可能太遲去, 得返第二場 (每晚只有2埸)!
成條聖淘沙都係得4個站 (唔計有個留比環球影城), 搭15至20分鐘就到! 因為我去果日係週未, 所以架車都幾迫!
落車就去搵shuttle去Underwater World!
果到門口放養左幾隻孔雀, 可以近距離同佢影相! 仲有你可以摸到活生生0既海星, 鯊魚, 魔鬼魚! 除左呢0的之外, 其實佢係一間Mini版同無機動遊戲0既海洋公園, 因為都係隔住個魚缸睇0的魚蝦蟹水母!
去
完水族館之後就去魚尾獅影左幾張相就走, 無入到去! 因為之後果日會去睇市中心果隻! 跟住就去左玩呢個: Luge & Skyride
(中文唔知叫咩)! 都唔平要成港幣$80先玩得2次! 個遊戲好簡單其實只係坐住一個有轆0既兜由山頂向山腳沖落去,
個兜前面加左支控制方向同剎車0既操控捍! 大家唔使驚唔識玩, 因為玩之前有人教你點玩!
每次玩之前都會打個"LUGE"0既印落你手背証明你玩左! 玩完就坐返呢0的吊車返上山!
玩完都差唔多時間要睇Show, 睇完就返返去Vivo City坐車返出Town食飯! 見到間專賣糖果0既鋪頭, 我個大人見到即刻走入去!
夾住榛子同朱古力0既威化, 幾好食!
朱古力包住0既威化(另外有隻焦糖包0既), 2種都好鬼甜, 唔好食!
朱古力醬, 幾平又幾好食!
質地同Mark & Spencer買到果隻差唔多, 只係平0的!
之前見其他網友都介紹過呢間「無招牌」食海鮮! 今日餐晚飯就0係呢到食!
首先每人一隻大蟶子, 係新鮮但同香港食到0既無分別!
蠔油炒芥蘭, 呢個巳經係中size成港幣$50, 一0的都唔抵!
沙律油條: 其實係釀左墨魚膠0既油炸鬼!
黑椒炒蟹: 普普通通, 新加坡食到0既反而唔及0係民丹咁好食!
馬蹄冰: 好好飲!
埋單又成百蚊坡幣 (即係港幣5百幾)! 因為玩左一日好攰喇! 要行好遠先可以搭Metro, 所以食完飯就又打的返酒店!
