09年8月新加坡、民丹島之旅 - 第4日

今日係最後一日留0係民丹, 所以我地食完早餐就盡最大努力同陽光玩遊戲! 但係因為太早, 工人仲0係到清潔個沙灘!

之前幾日都好好彩, 0的網友話民丹0的海灘好多水母, 呢3日都見唔到, 今日終於見到! 我地雖然買左防水母太陽油, 但係都擔心得唔得有無用! 所以快快走上岸免得炸親!

之後我地去返酒店泳池到玩, 玩玩下竟然落大雨! 既然我地0係泳池都成身濕架啦, 只要唔好打雷就無問題! 玩多陣0的人都走得七七八八, 咁我地都返房沖涼執行李準備checkout! 成個民丹之旅, 個天都算唔話得啦! 0係我走果日先黎落!

酒店都安排得幾好, 有人take care我地0的行李仲拎埋船飛! 一落車就可以即刻check-in上船! 不過大家有定心理準備, 船公司同印尼海關做事0既節奏無香港人咁快, 大家比多少少耐性排隊送行李同過關!

坐返個零鐘船展開新加坡之旅! 記住2個地方有一個鐘時差, 之後0既行程要預返呢樣野!

去到碼頭司機巳經等緊我地, 車我地去RITZ CARLTON MILLENIA HOTEL! 呢間酒店就0係摩天輪附近!

個reception姐姐好好笑容同禮貌, 仲教埋我地用佢部保安電梯! 要插條房匙先禁到, 而且唔係層層得, 係一定要你住果層先禁到, 其他無效!

因為食完早餐之後咩都無食過, 去到房即刻放低0的行李就出去搵食! 酒店同地標榴槤中間有排熟食中心, 見地方又企企理理, 咁就0係呢到開餐!

串燒雞同牛

唔講以為係蠔餅, 原來係蘿蔔糕

燒雞翼

青檸冰

食完個下午茶就要趕路去Night Safari, 路程有0的遠, 感覺有0的似中環去濕地公園咁! 又地鐵又巴士! 值唔值得去就見人見致喇! 但係要提一提, 成個動物園無咩地方有冷氣, 睇show0既地方有0野咬又無咩風! 去0既話最好帶蚊怕水同扇,

比條魚鍚左淡!

有0的地方一定要坐tram先去到, 所以都會正常買admission + tram ride

仲有, 大家如果坐新航, 咁就記得拎張去程broading pass去買飛, 有50% discount (details)! 2個人就慳左成百五蚊港紙! 入左去2-3個鐘到就行完成個動物園, 之後就梗係食晚飯喇! (成11點幾先食應該叫宵夜啦!)

呢餐去老巴剎到食! 巴士, 地鐵加行路! 要讚下佢地0的路牌指示好清楚, 完全無"0係邊呢, 有無行錯呢?"0既感覺!

 

燒蝦: 普普通通, 燒出黎0的肉唔會太乾

 

 

串燒: 又係雞牛, 同晏晝食0既差唔多

 

 

燒魔鬼魚: 個人覺得唔好食, 唔太鐘意個texture

 

 

炒通菜: 幾咸, 不過都ok

 

 

燒雞翼: 又係燒雞翼, 覺得晏晝果0的好食0的

 

 

喇沙: 無碼頭咁好食

 

 

楊州炒飯: 最好食係呢樣, 唔知係咪幾日無食過飯, 所以覺得好食0的

食完巳經成點鐘, 之後就打的返酒店! 佢0的的士同日本一樣, 夜晚要加subcharge, 但係唔記得exactly係幾多!
介紹下間酒店0既設置啦:

電子鎖加實心門 (重到我女友都推唔開)

有living room, 櫃入面係42' lcd電視

有枕頭浴缸, 可邊浸邊睇夜景 (浸浴時可落電動窗簾)

獨立企缸

獨立廁所

再加所以0野都有佢個logo