屯門三聖大排檔 - 南記

今日接女友放工, 之後諗下食咩, 諗左好耐決定去三聖食大排檔! 因為今日好熱, 想搵間有冷氣0既, 所以就咁去左南記到食喇! 坐左陣就點左幾味餸喇!

1. 中式牛柳 ($55) - 水準一般, 同其他茶餐廳貨式差唔多!
2. 紅燒乳鴿 ($28) - OK, 但係唔及稻香既飯送0既好食!
3. 檸檬蒸烏頭 ($45) - 個整法唔得, 落得太多油! 條魚本身好新鮮, 用0黎鹽焗仲好食!
4. 脆皮芝士焗龍蝦 ($60 + $260) - 原本叫豉椒炒聖子, 不過賣晒! 走過附近海鮮檔買左隻斤四皇0既紅龍! 成$260蚊($220斤), 可能近父親節貴左0的! 買完拎返0黎佢就sell我話脆皮芝士焗呢種整法係佢間鋪最出名0既! 咁就信佢啦! 油料加工成$60蚊, 仲貴過碟聖子 ($58蚊)!

佢整出黎賣相OK, 食頭幾啖都OK, 不過佢太多芝士喇 (我無估錯應該係Cream cheese), 好快就食唔落!

因為唔記得帶相機, 只可以用手提影! 所以0的相可能差0的!