今日0既行程第一站係去豫園! 由酒店搭的士去三十幾蚊人仔!
司機0係街口就放低我地, 之前講左一大串左轉右行再直走, 但係其實係老點!
其實附近有好多指示牌指示各個景點, 沿途經過好多彷古建築!
人頭湧湧! 周街都係遊客包括我地自己! 呢到係小南國附近0既空地!
入埸費唔平! 盛惠30蚊一個人!
豫園入面亦係人頭湧湧!
豫園入面主要係睇庭台樓閣, 比較悶, 適合老人家或上年紀人任參觀! 無咩後生仔女去! 就算有都係外國人居多! 行完之後出返去小南國食0野! 但係勁多人, 因為無食早餐, 就是但入左去0係附近一間叫寧波湯圓0既鋪頭! 勁難食!
最正常係小籠包, 但係0的皮好厚!
特大版小籠包, 味道一樣但係皮更厚!
不酸不辣的酸辣湯!
寧波湯圓 - 好普通0既芝麻湯圓, 個湯仲要係清水唔係糖薑水!
記住要睇單! 我地叫頭四樣0野, 但係張單就打多左第五樣0野!
食完之後就去左城隍廟附近行下, 買下0的上海手信牛皮糖, 雲片糕。無意間發現左間上樓0既吳越人家! 間鋪旅遊書都有介紹! 不過又係唔好食!
叫左個蟹粉獅子頭麵
賣相OK, 但只係食到肉味無蟹粉味!
個湯淡而無味!
黃魚煨麵
鯹到喊! 唔好食!
上海春卷
凍0既又淋晒, 又係唔好食!
豆漿
要凍無凍, 要熱又唔熱, 暖暖地有怪味! 成杯無飲到!
燻魚
比較正常0既一碟! 但係香港食到0既比較好食!
我都唔想咁浪費食剩咁多0野, 但真係好難食!
食左2間咁難食0既鋪頭, 對豫園呢個地方感覺好差! 好想快0的離開呢到! 之後我地去左搭地鐵去步行街!
又係人山人海!
基本上旅遊書介紹0既鋪頭例如邵萬生, 張小泉, 第一食品等等, 全部都可以0係呢條街搵到! 特別介紹0係第一食品二樓有個熟食中心! 果到有間叫小楊生煎飽! 真係好好食!
買0既時候無咩人掛, 之後就排長龍啦!
五蚊四個好抵食! 外脆內軟又多汁! 正!
食完個下午茶之後又行過! 見到有人玩刮刮彩, 我地又好奇玩下! 玩法好簡單, 刮晒銀色部分, 只要旁邊五個數字中左中間果個數字就中獎! 我地買左兩張, 結果0的錢捐晒!
沿住步行街一直落就可以去到外灘! 去到天都未黑齊, 但係外灘巳經有大量遊客0係到聚集!
隨住夜幕低垂, 建築物0既燈光亦慢慢亮起!
現場睇都真係幾靚, 仲靚過香港個夜景, 因為右左2邊都有野睇, 一邊係東方明珠, 另外一邊係上海灘!
遊完上海夜景, 之後又再去搵0野食! 我地返去步行街搵左一間叫021上海菜!
要等一陣先至有位
本幫醬鴨 ¥38; 好入味無骨
清炒河蝦仁 ¥48; 好鮮甜! 送飯一流!
油爆蝦 ¥58; 可以連殼食, 送啤酒正呀!
蟹粉西蘭花 ¥48; 西蘭花煮得太淋, 麻麻地!
茶樹菇炒鱔絲 ¥38; 茶樹菇好好食好惹味!
2個人清晒所有0野!
食完之後我地仲要返酒店清埋晏晝0係超市買0既西瓜同桃! 而家大陸買0野一0的都唔平架! 呢個瓜同2個桃買左我三十幾蚊人仔! 比香港仲貴!
沒有留言:
發佈留言