2011年3月24日星期四

自家facial

功具:超聲波機


美容用品:精華素、倒模粉

簡簡單單係屋企自己做facial:

1) 用超聲波機導入精華素 (10分鐘部機會自動停),部機用左好多年,係買美容用具o既地方已經有得買,幾百蚊一部。

2) 倒模,'full' 15分鐘,就ok~~

full完後感覺會水嫩嫩同透白~~~

極具清潔效能面膜

綠豆粉
好幾年前係台灣買過綠豆粉用,以前因為面上有好多暗瘡,所以買來一試。

調控技巧要好好,要開到又唔太乾,又唔太多水,如果唔係就會一路 'FULL',一路係咁滴到周圍都係。

近幾年香港已經有得買,最近買黎再用,雖然個味唔好嗅,洗o既時候都有少少麻煩,但’FULL'真係覺得好乾淨。

老公之後又話要'FULL',佢個效果仲明顯,大部份黑頭都可以清到出黎。

最緊要係個價錢好抵用。

2011年3月16日星期三

透簿貼服 - IPSA

自開始化妝,便一直用IPSA產品,貪其夠薄同貼服。

(1) PURE PROTECT CREAM FOUNDATION --> 第一支用,因為CREAM質地,可以遮到毛孔,由於係油性皮膚,所以冬天會合適D,夏天會較油。

(2) PURE PROTECT LIQUID FOUNDATION --> 好薄同好爽,不過聽人地講完話IPSA粉底會變黃之後,用用下又好似覺得真係,當到下午時塊面真係好似深色左,而且唔係好控油,所以就再轉下用第二隻啦~~

原本諗住轉下其他牌子,但係都係揀唔到一隻比IPSA更薄的。

MAC --> 好厚,較難推。由於報了化妝班,當時班上提供所有化妝品都係MAC,但覺得唔係好啱自己用,較厚粉。

RMK --> 都係好似幾厚粉

COVERMARK --> OK的, 但價錢唔OK,好貴。 

所以,最終都係用返IPSA

係COUNTER先CHECK一CHECK皮膚狀況,用邊隻粉底合適,之後就買左下面個支粉底,由於人老左,所以要用D潤D,唔可以再用D咁爽o既,唔怪得之前用開個隻會成日出油啦。

依家用緊呢隻,暫時都好好用,跟住之後再配埋PURE CONTROL POWER補妝用。 碎粉當然都係用IPSA啦!

2011年3月15日星期二

暗瘡膏大比併

哈哈,長期同暗瘡鬥爭,絕對唔容許面上有膿瘡,所以自中學開始一直試用不同暗瘡膏。

屋企長期備有不同暗瘡膏,根據唔同地方查唔同o既牌子,我查o既方法係厚厚咁 'full' 住粒瘡,有時好快第二日就會消左炎,甚至無左,不過當然係你要好早期時發現粒暗瘡啦!


o'slee -->會用超聲波機時用,之後 'full' 倒膜粉,好快消到炎同紅。

第二支 --> 日本藥房買,唔係好有效。

thursday plantation --> 睇完羽翹o既blog,之後買左黎試,佢教查完之後再 'meet' 少少化妝棉貼上粒暗瘡到 'full'住佢,我只會用係額頭,因為都幾勁,會引致皮膚變紅,但都幾有效。

oxy 10 / oxy cover --> 又係由中學用到依家,平時係屋企會用oxy 10,因為查左會一撻撻白色,都係只會用係額頭,如果查得多左,皮膚會變紅同有少少痕。 oxy cove會係出街用,我當為遮瘕膏,哈哈,咁樣心理作用下,覺得出街都可以有野查左係暗瘡到,令佢快d好。

seba --> 好好用,會用係塊面到,因為較為溫和,如果有d暗瘡係初起o既話,厚厚咁 'full' 過夜,第二朝通常都會無左。

其實仲有一支暗瘡膏超好用,係neutrogena clear pore treatment,之前龍城有得買,但依家冇左,周圍搵到冇,有冇sister知邊到有得買?

非常有效 - 保濕孖寶

已經用左多年o既保濕孖寶,美白同保濕一齊黎。

我本身係油性皮膚,佢地2支質地好爽,冬天同夏天都係用佢地,查完之後會有層膜保護住塊面,保住d水份。

我會先查美白,後再查保濕,但記得查完透明質酸之後要再查返一層保濕gel,如果唔係皮膚入面o既水份就會抽返出黎 (睇美容書教的)。

不過有唔好處就係要等一陣,等佢吸收晒先可以上粉,如果唔係就會起粒粒!


又係用左好耐o既保濕gel

抵受不住引誘 - DERMES

結婚前,成日心思思想去脫under arm 同唇毛,但因為太貴關係原本都無諗住去,但......人真係好容易受影響

聽到有fd去做dermes做under arm,個心郁郁,所以去報左免費試做,點知就中招。

最終用$9000幾蚊join左個非繁忙時間,脫under arm 同唇毛,加送2次reenxe facial。

其實都覺得物有所值,因為信得過,招呼又好,環境好舒服。 仲會打電話reconfirm你個時間,唔洗怕唔記得。

但......好唔好彩,跟開o既治療師由旺角轉左去銅鑼灣,所以要轉治療師了。

另外,唔好就係約左個時間上到去都仲要得成20分鐘先有得做。

2011年3月14日星期一

超好用 - 暗瘡棒

係香港買o既暗瘡棒,通常都係一邊針,一邊圈,好難會清晒粒暗瘡(可能技術唔夠),同埋因為用力過度,好易整到塊面瘀左,直致搵到佢......


超好用,有2個圈,for 大小暗瘡位,技術唔好都可以好容易清左個暗瘡頭出黎,仲要唔洗起勢咁按,i like it~~

大家去東京時,可以係新宿JR站o既top 唔知咩到有得買 (間鋪頭入面會有10大人氣榜),隨時搵到正野。

不過,好唔開心呀,日本地震成咁!

MAX FACTOR之礦物粉

較早前勁HIT礦物粉底,最終忍唔住係萬寧買左MAX FACTOR之礦物粉,用後感:

(1) 粉底中有D閃粉係到,查左上去好明顯,其實到OK,明亮D。

(2) 好放便,因為係咁打圈掃就可以,都幾貼服。

(3) 但係個掃超 ' 吉',掃大力D就會整到塊面有少少痛同埋紅晒。

(4) 隻色偏紅,所以查左出黎好似會比本身膚色深色左,集色就麻麻地。



我買O既色係55


LED燈眉鉗

不嬲都覺得條眉好難修,成日要用放大鏡同係極光o既燈下處理雜毛,但係係sa sa 發現新大陸......

LED燈眉鉗 (好似係$68,包多一粒電):

好好用,開左燈後,好容易,好清楚見到晒D雜毛,可以清得好乾淨啦~~

Milkly foot

去完馬爾代夫渡蜜月,因為成日都唔著鞋係沙灘到行黎行去,所以返到香港,發現對腳底D皮厚左好多同好’鞋’,所以就去買左Milkly foot試下。

試後感:
(1)個設計好好,好方便,又有自動黏貼,加上著埋對襪,就可以行黎行去。

(2)  'full'完後,等左1個星期多少少就開以脫皮,好興奮。

(3) 沖涼時可以用手係咁'卒',d皮就係咁脫落黎,不過第二日行路時就有少少痛,可能d皮變得好薄,所以都係唔好’卒’得咁勁。

(4) 最厚o腳踭o既皮係脫唔到o既,有D失望。

(5) 而且,由於會’full'埋個腳面,所以腳面都有少少脫皮,望落去好似好乾咁。