暗瘡膏大比併

哈哈，長期同暗瘡鬥爭，絕對唔容許面上有膿瘡，所以自中學開始一直試用不同暗瘡膏。

屋企長期備有不同暗瘡膏，根據唔同地方查唔同o既牌子，我查o既方法係厚厚咁 'full' 住粒瘡，有時好快第二日就會消左炎，甚至無左，不過當然係你要好早期時發現粒暗瘡啦！

o'slee -->會用超聲波機時用，之後 'full' 倒膜粉，好快消到炎同紅。

第二支 --> 日本藥房買，唔係好有效。

thursday plantation --> 睇完羽翹o既blog，之後買左黎試，佢教查完之後再 'meet' 少少化妝棉貼上粒暗瘡到 'full'住佢，我只會用係額頭，因為都幾勁，會引致皮膚變紅，但都幾有效。

oxy 10 / oxy cover --> 又係由中學用到依家，平時係屋企會用oxy 10，因為查左會一撻撻白色，都係只會用係額頭，如果查得多左，皮膚會變紅同有少少痕。　oxy cove會係出街用，我當為遮瘕膏，哈哈，咁樣心理作用下，覺得出街都可以有野查左係暗瘡到，令佢快d好。

seba --> 好好用，會用係塊面到，因為較為溫和，如果有d暗瘡係初起o既話，厚厚咁 'full' 過夜，第二朝通常都會無左。

其實仲有一支暗瘡膏超好用，係neutrogena clear pore treatment，之前龍城有得買，但依家冇左，周圍搵到冇，有冇sister知邊到有得買?