第2朝就去新千歲機場坐飛機去東京! 其實好大部份北海道出名0既手信都可以0係呢個機場買到! 無論閘內閘外都有 (除左薯條同海鮮之外)!
呢個好好食! 我只0係閘入面見到! 佢仲寫住一人限買三盒!
我地早到機場又無咩做, 又走左去搵0野食! 機埸2樓有好多食店! 我地行左一圈, 最後去左一間日式0既叫 - 北の海道!
雖則佢可以攸到同MENU一樣樣, 但係0的味麻麻! 0的壽司上面0的刺身唔新鮮! 食完之後就入閘上機喇!
話咁快就去到東京, 0係由機埸去新宿0既JR上面巳經見到大大小小0既福袋同減價廣告! 今晚要好好休息儲夠體力努力去血拼!
去到新宿要酒店check in同settle down0的行李!
之後出左去行, 行到去中村屋又見到佢個只係冬天限定0既莓大福! 我地呢幾日0係東京每人每日都食一個, 你話幾好食呀!
除左好食之外, 佢個莓大福仲有咩咁特別?? 特別在有2粒好甜好大粒0既士多啤梨! 其他地方買0既只有1粒! 下次大家有機會一定要試試! 行下蕩下又就快到8點, 我地要趕去百貨公司下面買生果做宵夜!
無錯又係士多啤梨, 呢個時候士多啤梨又大又香又甜! 唔食就走寶喇! 0係香港2盤士多啤梨可能要$200, 但係0係日本可以用￥1000就買到, 計到9算都唔使$50一盤! 平一半有多呀! 行到差唔多又係時間食晚餐! 去左
北の家族! 係間有個室0既居酒屋!
前菜, 無咩味, 唔好食! 個待應自己拎0黎, 好似香港酒樓果0的花生小碟咁人頭收費!
皇帝蟹拼松葉蟹 (幾鮮甜! 好食!)
拉麵沙律
北の家族鍋 (一人份量)
巨峰酒
Overall黎講, 佢0的0野都唔差0既! 價錢又唔貴! 我地前後去左呢間0野2次! 因為之後全部都係0係東京四周圍買買買, 我無點影相又無咩特別好介紹, 所以呢次北海道&東京之旅就寫到呢到喇!
沒有留言:
發佈留言