對上一次坐國內航空公司巳經係十幾年前0既事, 果時仲讀緊書, 唔係我比錢無得簡! 而今次其一平, 二來可以停上海去世博! 但係我因為太遲訂機位, 去果程只有晏機!
去果日其實都幾驚險, 有個風正面吹向香港! 當時掛緊一號波! (最後當然無事喇!)
果日去到時間仲早, 我地去左寰亞候機室! 果到有0野食有0野飲! 都幾好! 不過同國泰果個候機室仲差一大截!
原本班機係3點7開0既, 點知DELAY成粒鐘都未上到機! 原本預計去到都只係6點幾, 仲有成晚可以玩! 佢DELAY左成個鐘先上機, 之後0係停機坪又等左大半個鐘, 最後成5點先可以起飛!
好簡單0既飛機餐! 同EXPECT0既一樣, 唔好食!
去到上海都巳經7點幾! 天都黑齊喇! 過埋關拎埋行李都差不多8點!
大家記緊KEEP好個BROADING PASS, 因為拎住佢去買飛坐浮磁有8折!但係浮磁出唔到市中心要轉地鐵! 我地今次住商悅青年會大酒店, 就0係大世界站隔離!
之前0係網上面搵過呢間酒店0既COMMENT, 不過好少同無咩相! 今次特登影多0的相等其他人可以有個參考! (呢間係豪華房)
到酒店SETTLE DOWN晒所有0野都巳經差不多10點! 坐一個站去人民廣場站搵食! 點知0的鋪頭好早收! 行左一陣都無0野食! 見到有間叫"大娘水餃"仲開緊, 就入左去食喇! TOTAL叫左6種餃! 旅遊書都好似都有介紹呢間0野!
食完0野之後, 我地行左去外灘諗住影夜景!
影得果幾張相佢就熄燈! 之後我地坐的士返酒店!
成晚就食得果幾隻水餃! 最後返到酒店附近便利店買杯麵做宵夜!
沒有留言:
發佈留言