2011年日本中部之旅 - 第8日 (福井 - 金沢)

今日我地會離開福井去金沢! 起行之前梗係食飽飽先啦! 又係Toyoko Inn0既招牌飯團早餐!

跟住就去拎車準備出發! check out果陣櫃位果位姐姐比左呢張咭我拎車!

我介紹一下點自助拎車: 首先將張IC咭拍一拍左下方個黃格, 再將IC咭插入中間個入口, 接住再按右手邊黃色個製!

之後等大概1分鐘到有拎喇!

跟住我地就開車去金沢, 順道可以去埋東尋坊! 呢到出名係係睇岩石!


沿途都有好多鋪頭, 有0野買, 有0野睇, 有0野食!

0的魷魚燒得好香, 我地都買左串0黎食!


呢個係遊人必影0既景點!

一望無際!

可以搭船出去遊一個圈, 不過要1200YEN一個人! 所以無搭到!

岸上面都睇得好清楚!

回程時見到隻貓瞓得好淋, 仲要伸埋脷!

去完東尋坊就出發去金沢!

到左金沢首先要泊好架車先! 我去搵過附近, 呢個停車場係最近最方便!

我地去左呢間食海鮮丼!

呢個係招牌海鮮丼!

相同實物都有8,9成似, 不過無想像咁新鮮!

老婆唔鐘意食生0野, 所以叫個燒鰻丼!

除左特別在有金薄之外, 味道OK, 其他方面無咩特別! 食完之後0係市場買左份桃就去兼六園TOYOKO INN CHECK IN!

我地跟住去左附近0既21世紀美術館!

佢出面有0的傳音器, 啲日本姐姐霸住0黎玩!

呢個係最出名0既泳池! 無買飛0既只可以0係上面影相!

買左飛可以入泳池底部!

呢張係底部0既實景相, 其實好細!

佢除左一啲固定展覽, 仲有一啲定期展覽, 不過每個展覽都有人睇住唔比人影相!


當晚我地遇到有花火, 不過無咩風, 攪到0的煙花睇得唔係咁清楚! 花火歷時差唔多2個鐘!

睇完花火之後, 老婆想食關東煮, 我地去左赤玉本店到食! 我都係唔太頂得順食關東煮做正餐! 之後要買多個松屋做宵夜!

食完關東煮見時間仲早, 我地又去左"倒"錢夾公仔! 最後0係現場工作人員協助之下夾左呢隻HELLO KITTY!

呢個就係松屋宵夜! 去左日本10次今之都係第1次食松屋! 覺得比吉野家好食0的!

再加埋之前買左食唔落0既福井蕃茄! 好甜好好食!

0係桃當造0既時候, 有好多相關產品衍生, 桃水就係其中一樣! 好香好甜! 不過就係太甜, 所以淺嘗即止!

2011年日本中部之旅 - 第7日 (福井)

第7日我地留0係福井! 今日會去永平寺, 恐龍博物館!

由福井駅Toyoko Inn開車去永平寺要半個鐘! 除左用車上面0既GPS, 其實沿途都有好多指示!

如果開車去, 可以泊0係永平寺側邊0既停車場, 收場500YEN, 又或者........

可以選擇泊0係附近鋪頭0既"免費"車位!

所謂0既"免費"其實係要消費一定金額先可以至免費! 好似我泊呢間就要使2000YEN先至免費泊車!

呢個就係永平寺0既大門

佢入場比0既錢唔係叫入場費, 而係叫參拜費!

寺入面0既地板真係好似旅遊書所講"一塵不染!

去完永平寺, 我地就返去泊車果間鋪頭食0野同買些少手信! 我地叫左個天婦羅蕎麥麵!

另一個係山菜蕎麥麵! 味道普普通通! 不過佢每碗蕎麥麵都跟左半份出名0既"胡麻豆腐" (左手邊果碗)! 我地亦都買左一包返香港!

果日成日都天陰落雨, 好彩多數時間都係開車果時先至落!

去到恐龍博物館, 佢個外型好似個金屬球, 好易認! 不過個車0既gps係無恐龍博物館0既資料, 佢會話係福井市立公園, 大家最好唔好用電話NO導航去呢個地方, 可以用AREA CODE等!

館內有大量真化石, 複製品, 機械恐龍!

特別係機械恐龍, 做得好迫真呀! 隻暴龍好似想埋嚟咬我咁呀!!!

佢除左會展示真0既化石, 更會擺一部份出0黎比入場人士摸下感受下, 原來真係好似石頭咁架!

去完博物館, 我地就開車返市中心, 經過一啲賣手信0既地方, 有羽二重餅, 織福等地產名物! 我地試食過都買左啲返香港, 其他羽二重餅同織福都係一啲用糯米包住豆沙等0既甜點!

返到市內, 見仲早我地就四圍去, 老婆睇旅遊書介紹有間叫餅之田中屋0既鋪頭, 係賣雪糕三文治0既! 去到一個客都無, 既然嚟到, 無理由空手而回架!

我地一人買左一個呢啲雪糕三文治, 我要左個原味, 老婆要左個芝麻味! 我同佢都覺得佢雪糕啲味淡左啲, 如果濃味啲會好食啲!

開始天黑喇! 所以返酒店泊低部車再出去附近行下! 睇下間福井駅Toyoko Inn就正正0係JR站隔離, 就算坐車0黎都好方便!

呢到算係車站附近最熱鬧0既地方, 不過無咩鋪頭開門, 只係剩返0的食店, 就算係前面賣手信0既鋪頭都好早收!

另外旅遊書亦有介紹呢間0係福井駅前專賣豬扒丼嘅鋪頭! 我地入左去試! 真係好抵又好食!!! 我極力推介!

老婆叫左Y-1呢個set, 貪佢有個SOBA! 不過落單攪左好耐, 因為店員全部唔識英文, 我地又唔識日文! 最後我地先明白原來佢問我地啲SOBA想要淋啲定硬啲! 如果硬啲就會咬落爽啲, 我地偏好硬啲!

我果個係單點飯, 要左個"並"SIZE, 即係STANDARD!

食完之後我地又去行我地最鐘意行0既地方 - 超市! 又係買生果! 買左蜜瓜, 蕃茄同巨峰!

酒店對面有間食串燒叫秋吉0既鋪頭, 我地見佢經常有人排隊等位! 我地就上網睇下呢間0野係咪真係咁得呢? 原來呢間0野有好多分店, 就連台灣都有! 佢最大賣點係平! 因為今晚係我地最後一晚0係福井, 所以我地決定去呢間鋪頭食宵夜!

等位果陣見到廚師密密0係炭火上面燒啲串燒, 無停過手! 終於等左半個鐘到, 啲職員安排我地坐BAR枱!

連鎖店就係有樣好處, 好多時都會有英文MENU提供, 只要手指指就攪掂! 如果全日文真係唔識點叫!

佢有3款醬汁比你點!

食串燒, 咁熱氣! 梗係要飲返支涼茶喇! (其實餐餐都會叫, 熱氣只係藉口, 哈哈!)

蔥牛串

有皮雞肉, 好有"嚼勁"呀! 之後我地都有ENCORE叫多次!

燒雞肉

如果我唔講呢碟係咩, 相信大家都好難估到! 等我開估喇, 其實係漢堡, 係呀, 漢堡都可以做串燒呀!

燒青燈籠椒

蔥雞串同牛舌

生椰菜

呢個竹籤筒裝住左我地成晚0既戰績!