2011年日本中部之旅 - 第2日 (伊勢 - 名古屋榮)

第2日嘅行程主要係去伊勢內宮同外宮, 仲有神宮通! 我地起身之後就check out, 因為酒店無電梯, 要拎住兩個喼行樓梯落樓, 攪到身水身汗! 之後將行李暫寄喺酒店. 呢間就係尋晚住果間酒店！

我哋之後就向伊勢外宮行去, 沿途都有指示教點去, 唔使擔心唔識去!

外宮相對比較少人, 但係就比較舒服!

另外值得一提嘅係外宮同內宮賣嘅平安符, 形狀唔一樣, 外宮係勾玉形, 而內宮係福袋狀! 我就以為兩宮賣嘅符形狀一樣, 喺外宮無買到! 之後想返轉頭又買唔切，所以無買到!

行完外宮之後我地就搭車去內宮! 我地之後就搭車去內宮, 車程需要10分鐘, 就要410yen。落車行唔使5分鐘就內宮橋!

睇相就比較到內外宮0既人流! 對於唔係信奉神道教0既我地, 2個宮其實差唔多, 行左個圈就出返去神宮通搵0野食!

內宮比較熱鬧, 可能因為附近有呢條神宮通!

睇過好多網友都會食松阪牛, 我地都買左串燒松阪牛肉同松阪牛飽!

串燒牛肉好好食, 佢好明顯無咩點調味, 但係都好好味! 可能因為係地產同夠新鮮!

另外個飽就相對差啲, 好多洋蔥無咩牛肉! 以400YEN呢個價錢, 唔係咁值!



中間有間賣魚0既鋪頭, 未見到間鋪頭巳經聞到陣燒魚香味, 仲要有試食!

佢試食唔係細細件, 睇下係成條或者一大件!

之後行過一間賣魚餅0既鋪頭, 見到好多人買, 我地都買左2個試下! 佢係即買即炸, 所以好熱好好食! 而且唔似香港果啲淋bad bad魚蛋, 好彈牙!

上面呢個係蝦餅, 入面真係有成隻蝦喺入面; 下面果個八爪魚!

跟住就去赤福, 我地選擇堂食, 不過入面係無冷氣!

我地叫左一份赤福有3件(280YEN), 其實赤福係燸米上面有層豆沙, 唔係太甜, OK好食!

行到咁上下我地就去食晏喇! 因為正值食飯時間, 好多鋪頭都排長龍

叫左個松阪牛肉飯同凍烏東跟豉油漬吞拿魚刺身飯! 未至於話好好食, 都算ok!

食完就起程返酒店拎行李去名古屋榮!

上面就係伊勢JR站0既一掃全景, 可以見到無0野睇同無0野買! 跟住上名鐵返名古屋! 到左榮, 我地搵TOYOKO INN CHECK IN! 之後行下地下街同藥房, 好快又到左晚飯時間! 老婆話想食蛋包飯, 我地就去左地下街入面一間蛋包飯連鎖店到食!

老婆覺得幾好食, 我就覺得普普通通! 好彩0係百貨公司買左宵夜, 有半隻蟹同2個桃!

隻蟹好多羔, 好鮮, 不過啲肉有少少霉!

呢2個白桃好甜好好食! 好食到令我地每日食2個momo(即係日文桃0既意思)!