2011年日本中部之旅 - 第6日 (名古屋榮 - 福井)

第6日我地正式開始自駕嘅行程, 會離開榮去福井! 我地一早起身食早餐checkout跟住去Toyota拎車出發! 今次好省啦, 將啲行李寄左喺receiption, 唔使拉住啲行李行餐死! 我地揸架車返去拎行李之後先出發!

呢架就係陪左我地8日嘅Ractis! 雖然新款但無咩力, 可以嘅話我勸大家選其他款啦!

跟住就去福井嘅三方五湖! 之前HotCha個旅遊節目都有介紹呢個地方!

三方五湖呢個地方要揸車先可以去到, 但係有一段私家路要收費, 呢個就係個收費站! 私家車要收1000YEN!

沿途上去嘅景色都好靚!

上到去泊低部車要再搭多程吊椅/纜車上去!

來回一個人要800YEN, 可以搭吊椅OR纜車上落!

我地選擇上去坐吊椅, 落去搭纜車!

三方五湖呢到又叫戀人之聖地, 因為好多戀人上嚟祈求可以一生一世!

呢個有個賣鎖同賣瓦碟0既櫃, 係自助形式!

隻碟係比妳0係上面寫願望跟住飛落山!

把鎖上面有個"誓"字!

買左0既鎖就係鎖0係附近0既欄杆上面, 睇下幾多鎖!

鎖完之後就將條鎖匙放入呢個位置, 喻意2個人0既約誓好似把無匙0既鎖, 永遠都打唔開!

山上面0既風景好靚, 好多上左年紀0既公公婆婆0係到寫生!

我地落山之後就去福井海鮮市場到食0野!

首先我地食左條燒鯖魚! 好大條, 熱辣辣, 好好食!

不過唔平, 成1100YEN一條!

食完燒魚之後, 我地就去食海鮮丼, 我地行晒成個海鮮市場, 係呢間最多人食, 所以我地就入左呢間!

老婆唔食生0野就叫左個烏冬! 好Q好好味!

我就叫左個蟹腳, 海膽, 蔥吞拿魚腩碎! 蟹腳同蔥吞拿魚腩碎都好好食, 個海膽就好唔得, 好唔新鮮, 好難食!

另外仲點左個燒海鮮拼盤, 除左魷魚之外, 其他都燒到好乾, 唔好食!

之後返福井Toyoko INN check-in, 呢間Toyoko INN好特別, 除左平時有免費0既早餐, 佢仲有免費咖哩飯做晚餐!

好大碟, 好香好好食, 唔會因為免費而求其同好細份!

食完個美味0既咖哩飯, 我地又出左去行同買生果! 我地買左車厘子, 巨峰同蜜瓜!