*此為明洞6號出口
明洞午餐--> 雪濃湯 (신선설농탕(명동점)
以為會好濃味同好多牛肉, 但原來係淡淡地味, 要自己落鹽的, 牛肉十分少, 味道一般。 但係泡菜同蘿白非常之好味, 每張枱自己會有一兜蘿白同泡菜, 可以任添的。
食 完就出明洞大街行下, 原來到中午4:00-5:00到, 街上會出玩好多小販, 星期六日就一早會有小販的。 有一檔對住FOREVER 21的尤魚檔特別好味, 係呀嬸黎的。呢到係我地食過好幾檔之中最平, 東大門賣4000WON, 樂天世界賣3500WON, 不過份量少好多!
由 明洞行去南大門, 南大門就似我地女人街, 有好多野睇, 但無咩會買到。 不過一定要去買南大門的綠豆餅, 有分咸同甜! 咸係菜肉, 好好食! 要(1000WON) 而甜係一啲棗蓉嘅物體, OK唔太甜, 幾好食! 賣600WON! 呢間0野排好長龍, 但一定要試, 十分好味!
由於食緊綠豆餅, 今日見到有蒸包就無買黎食了。之後再由明洞行去LOTTA MART (롯데마트 서울역점)
去LOTTA MART必定會經過一間叫PARIS BUGETTE的麵包店, 入面有個類似朱古力法包的麵包, 十分好味的。 雖說個樣似法包, 但食落就似蛋糕的。
有BLOGGER話佢D CAKE好味, 臨上機買了個CHEESE CAKE, $30幾港元, 味道一般, 好似仲有少少酸味)
去完LOTTE MART, 返東大門TOYOKO INN放低啲戰利品, 再去食陳玉華一隻雞 (진할매원조닭집)
雖然出面有好多人等, 但係等左一陣就有位啦! 雖然坐位很迫, 但2人都會給你4人位的, 所以坐得都OK。
佢有泡菜任拎, 可以加泡菜到雞鍋到!
但 D湯食耐左就會變辣, 但就都叫有D 菜食。
上菜時佢會問你加唔加錢要年糕, 我地加左, 佢D年糕AQQ的。 份量都多, 2個人都食不完一隻雞。
雖然好飽, 行行下DOOTA, 見到BEANBINS COFFEE 有WAFFLE 食, 就叫左個朱古力味。
食完後, 返酒店時落雪啊~~~~去了咁多日, 只有2日落過雪, 而且仲好細, 唔似北海道咁漫天風雪, 下次可以試下新年先去, 見雪機會應該會多D掛。
沒有留言:
發佈留言