2011年聖誕遊首爾 - DAY 8 明洞亂打, 清溪川, 安國起司年糕

DAY 10 明洞亂打, 清溪川, 安國起司年糕

早上去左東大門間ISAAC食早餐, 其實無咩特別, 好似漢堡包咁, 不過係用方包整成的。其實呢間嘢周圍都係, 唔使特登搵呢一間嚟食!

佢所有0野都用牛油煎, 所以成個飽都好重牛油味!

晚晚都去東大門行到三更半夜, 真係極唔夠瞓! 比平時更需要咖啡因! 喺ISSAC對面有間賣咖啡, 即刻買杯送早餐!

中午去明洞再行街, 行左一陣, 再去食午餐, 由於明洞餃子店好多人, 所以去左食壽司飯, 個魷魚真係超好食!

除左飯無得添之外, 其餘蘿蔔, 魷魚, 湯都會無限REFILL! 食幾多都得! 1個人維起40港紙到, 好抵食又好好食!

之後2:30睇亂打 (명동난타극장[구, 명동아트센터]), 今天係NAVY隊表演, 有D位真係超好笑, 笑死咁濟! 真係直得去睇! 可以直接上官網訂(LINK), 我建議坐前啲, 會好睇啲! 喺網訂最低限度會有9折, 另外佢有D不定期優惠, 例如網頁啟用優惠有8折! 平均2百幾蚊1個人! 訂左之後網上面會有記錄, 只要PRINT佢出嚟, 喺表演前半個鐘去售票處拎飛就OK!

佢外面等侯區唔係好大, 圖左邊喺售票處, 中間係賣記念品, 旁邊係小食品, 右邊係表演場地入口!

我地坐第4行, 感覺唔錯, 不過如果再前啲會震撼啲! 我地睇呢場全場爆滿!

睇完左再行去明洞餃子店, 見到無咩人就再食過!

餃子真係幾好食, 啲皮好薄! 不過都幾貴, 我地叫左2樣嘢, 埋單要差唔多港幣成百蚊!

個麵就差喇, 一啲都唔好食, 叫2籠餃子好過!

埋單佢一人比一粒香口膠, 原來係貴嘢嚟架! 喺樂天賣廿幾蚊一包!

食完後, 晚上到清溪川, 但無咩特別, 無啲人講到咁靚, 行左一陣, 又凍又有啲餓, 就去安國站食年糕了!

其實安國食年糕(먹쉬돈나 본점)都好易去, 我喺GOOGLE MAP拎左個實景地圖比大家參考, 喺安國站1號出口向STARBUCKS方向行, 會見到間OLIVE YOUNG, 之後會去到呢個路口, 沿住呢條路行!

去到呢個路口會見到間FAMILYMART, 轉入去就係安國芝士年糕!

正正FAMILYMART旁邊嘅巷仔轉入去


夜晚會見到呢個招牌

入到去自然會見到有條人龍, 跟住排就有得食架啦! MENU同張單一齊, 睇好食咩就同阿姐講, 佢會幫你畫單, 好簡單! 不過要注意年糕(頂5項)最MINIMUM要點2份, 叫了1個芝士味同海鮮味年糕! 還加了個麵同魚片! 都幾好食,

最後見到有好多人食完後叫左個炒飯, 我地雖然飽, 但都有叫, 原來真係好好食的!

食飽又返去行東大門喇!