經過返尋晚食麵果間鋪頭
我哋去左幾個日本旅遊書介紹嘅鋪頭買嘢食。好快就行完呢到！
都唔知係好彩定唔好彩，呢陣時個天就開始落大雨，好彩嘅係呢到有瓦遮頭，唔好彩嘅就係我哋巳經行晒呢到，呢一刻我哋被困喺呢到。
咁 無辦法啦，唯有睇下喺市場入面有咩地方可以打發時間。原本諗住返入公設市場買海鮮做早餐，但係一入門口（市場有好幾個門口入去），佢有兩檔賣醃菜嘅檔口， 一檔係一對阿公阿婆睇檔嘅，呢檔無咩事，而另一檔就係個阿叔睇檔，問題就係喺呢檔，我哋見住呢檔嘢個阿叔喺到吐痰！佢仲要係坐喺啲醃菜旁邊，睇到巳經即刻 想嘔呀！大佬呀！啲醃菜係直接食落肚架，你喺側邊吐痰，啲菌咪會經空氣去左啲食物到!!! 佢有無常識架！喺呢一刻我巳經無胃口亦都無興趣喺呢到食嘢。但係由於出面仲落緊大雨，我哋唯有被迫繼續喺呢到HEA。直到10點零11點，見到花笠食堂開 門，咁我哋入去食個BRUNCH。
同一個苦瓜餐，苦瓜炒得太熟，麵又係煮得太淋，啲炸物又唔脆。
最好飲係呢到啲茶，隻味好似清涼茶咁
埋單1,900円。雖然唔係貴，不過相比之前食左嘅，呢到味道麻麻，而且環境唔係好衛生。無下次！終於都停雨出返個太陽，因為都無PLAN到去其他地方，唯有臨時去多次NAHA MAIN PLAZA。
喺呢到買左啲防晒衫，同埋又喺超市買生果拎返香港（注意：生果一定要寄倉，因為大陸海關係唔比生果入境嘅）。
買完嘢就返TOYOKO INN拎返啲行李去機場。
我哋搭5點半機，平常都會預早左3個鐘去到機場，點知可能因為個國際機場太細，要控制CHECK IN人流，所以規定起飛前2個鐘先可以CHECK IN。
最慘係航空公司又無講，但係又無理由坐喺機場到等夠鐘架！
咁唯有將啲行李放住喺國際線大堂嘅LOCKER先，咁又被昆600円。再過國內線果邊行。其實國內線果邊真係幾大，有成3層，我哋行晒一樓果層都要成個鐘，因為今朝食花笠果到嘅唔好食，所以要留返啲時間補償返，食埋沖繩之旅嘅最後一餐！於是就放棄上面果兩層。
喺FOODCOUNT點左個麵、炒苦瓜同TACO RICE！點知仲衰過頭先喺花笠食到嘅！
食完再出去買多兩個雪糕做甜品。要左個菠蘿同蔗糖味！
之後亦都差唔多夠鐘過返國際線大堂CHECK IN同過關。呢間就係國際線嘅唯一一間鋪頭。
最大嘅功用係比人買密實袋（注意：所有HAND CARRY嘅液體都必須放於密實袋內，無嘅就要你過去呢間鋪頭買，盛惠30円個）。
沒有留言:
發佈留言