2013聖誕首爾滑雪之旅行程 - Day 1 (香港 － 首爾)

今次係第二次去首爾！之前去過好幾個出名景點，其他剩低嘅都無咩吸引力，所以無咩點計劃去邊，主要都係食同買。中間會有幾日滑雪。頭幾日都係四圍行下、食下、買下。第一日我哋搭泰航晏晝3點幾機去首爾仁川機場。去到當地時間巳經係八點，過埋海關拎埋行李都成八點半。之後仲要搭多個半鐘頭巴士先去到東大門Toyoko Inn。

到酒店check in埋成夜晚十點半。好彩東大門係不夜城，好多鋪頭都開到第二朝包括買衫嘅同食肆。擺低行李之後，我哋就出發搵食地方食晚飯（宵夜）。

搵左間食年糕鍋嘅，點左個左下角嘅雞肉炒年糕。當然實際同相片會有些少出入喇。

要等佢滾先食得。



























都幾辣同埋味道過得去喇。另外仲點左個韓式魚片湯。即係街邊一串串啲湯任飲果啲。都係普普通通，無咩特別，不過天氣凍，食完啲辣嘢個人會暖啲。

基本上所有韓國餐廳都會提供泡菜或者醃菜，大部分仲係任夾任添。

之後就行下Dotta同APM，跟住就返酒店瞓覺。