2014農曆新年北海道之旅行程 - Day 1 (香港 － 名古屋 －札幌)

29/1/2914出發 

今日係農曆年廿九，我哋早上搭9：20飛機經台灣去名古屋。

去到台灣等一個鐘到上機。 

3點零去到名古屋中部空港，要搭檔點機內陸機去北海道，所以有啲時間喺機場行下買下食下嘢。首先我哋去左矢場食炸豬扒。

點左2個餐，好好食，埋單都係3000YEN到，平過香港食好多。
 

食飽之後出左去觀景台影下相。

跟住又買下嘢。我哋買左一包蝦餅同多魷魚餅，好好味呀！

我哋買左2個福大莓食，一個紅豆，一個白豆，白豆好味少少，而且比韓國好味10倍，因為韓國既皮好硬，日本嘅皮就好soft啦。

玩下玩下又夠鐘，係時間搭飛機去北海道，搭6：45機由名古屋去北海道新千歲機場。

飛機去到新千歲都已經8點幾了。

仲要坐多半個鐘多少少JR去到札幌站，由JR北口出就好近我哋book果間Toyoko Inn了。去到CHECK IN，RECEIPTION將我之前訂嘅速遞收妥，係B－MOBILE SIM卡同滑雪鏡。

SETTLE好啲行李後，我哋就出發去拉麵橫丁食宵夜，順道去買埋聽日果張火車飛，由Toyoko Inn行過去要20分鐘到啦。

顯示詳細地圖

去左一間叫熊吉嘅鋪頭到食，其實不太特別好食的。

叫左2個拉麵同1個餃子。 

但欣賞他的誠意，紫菜上有他的鋪頭態公仔標誌的。

食完之後就行過去薄野，附近有間幾間開到好夜嘅藥房，買零食幾平!

跟住就搭地鐵返酒店準備第二朝去Tomamu (トマム)滑雪，仲喺附近便利店買到士多啤梨做飯後果。