2013聖誕首爾滑雪之旅行程 - Day 4 (首爾)

今日都係行街買野。第一站係去明洞。衫同化妝品就唔介紹，反而係想講喺明洞呢到見到有福大莓賣，前後比左2次機會，食了2次，但真係不好味，啲皮好厚又好硬，無日本買到果啲咁好食！

跟住就由明洞行過去南大門，又食返排長龍煎餅！地點喺南大門市場2號入口。

佢有蜜棗味同野菜味，前者平啲而後者貴啲，但係不過前者平啲反而好食啲！

之後待哋喺南大門呢琴搵左間食豬手嘅鋪頭 － 順天屋 순천왕족발 (地址：서울시 중구 남창동 34-123 ／ 首爾市中區南倉洞34-123號 )。呢間嘢成日喺啲台灣BLOG到出現。我哋點左個中25,000WON嘅豬手，不過都好多好大隻，用生菜夾埋啲泡菜同醃籮白等一齊食，好辛苦先食到8、9成。

食飽飽之後又行過首爾站LOTTE MART再SHOP過，買定第二日入去HIGH 1嘅嘢食同生果！經過咁啱見到個咸蛋黃。

上面呢隻士多啤梨好甜好好味，我哋走果日都買左幾盒返香港。返酒店擺低啲嘢就去左弘大食安國年糕。

點左個海鮮芝士年糕窩另外再加左幾樣餸，好似無之前食咁好食。不過真係好平，埋單都係13000WON。食飽之後喺附近行左陣就返酒店休息準備第二朝搭早車去HIGH 1。