2014農曆新年北海道之旅行程 - Day 4 (トマム TOMAMU － 釧路 － 網走)

今日係初二（1-Feb）亦都要離開TOMAMU，一早起身又對住個好靚嘅雪景！真係唔捨得走呀！下面呢張係由房個窗望出去嘅景。

呢張係由廳個窗望出去嘅景。

 出發前當然要食飽飽喇！又去返尋日食早餐果間餐廳－「三角」到食。又係安排到WINDOW SEAT。正！

依然食得好豐富！

食完早餐再喺酒店附近影影相。

之後返房拉返啲行李CHECK OUT！

跟著喺大堂等酒店SHUTTLE接我哋落返火車站，唔好以為呢到係深圳嘅酒店，呢到真係TOMAMU嘅門口。

要離開TOMAMU酒店啦。好唔想走！想繼續滑雪呀！

酒店有棟建築物可以比住客喺到買車票同埋坐住得火車嚟，我哋買好去釧路嘅車票之後，職員示意叫我哋喺到等火車到站，火車到站之前佢哋會提示我哋上車。但係我哋帶住2件大行李，怕行得慢錯過班車，所以提早去月台等車，呢棟建築物有條天橋接駁過去車站月台，等住客唔使風吹雨打。設計真你好貼心！

唯一美中不足係無電梯要抽住啲行李上落樓梯。但係可能風雪太大，班車有少少DELAY，我哋唯有喺月台玩下自拍消磨時間。

火車到喇！由TOMAMU搭特快去釧路需時大概2個鐘。

我哋喺釧路留2個零鐘，主要係去和商市場食海鮮。不過首先要去LOCKER擺低2個喼先至出發。

由釧路火車站向教堂方向行5分鐘就可以到和商市場。

呢到最出名係食勝手丼，即係車仔刺身飯。要去買個飯先！唔同飯量唔同價錢。

再去睇啱嘅鋪頭揀自己鐘意嘅刺身，做成個人口味嘅刺身飯！

2兜刺身買左3,200円 (飯另計)，唔知係唔好彩定撞正果日啲刺身不是太新鮮，個人覺得勝手丼麻麻哋唔係咁好食。

另一樣出名係蟹，有齊毛蟹、花㗛蟹同皇帝蟹，有生又有熟任均選擇。啲蟹真是好抵好平啊，我哋買左隻大皇帝蟹都係6,000円咋，老闆仲好好幫我哋拆埋即場食。

啲蟹腳肉仲粗過隻手指呀！

不過凍食要扣少少分，因為食到尾有啲漏，如果熱食可能會好味D。食完行多陣就返車站搭車過網走，無快車要坐三個幾鐘車先到！

去到網走火車站再去埋TOYOKO INN CHECK IN巳經7點幾8點。最慘係無電梯，要抽住2個喼行樓梯。

上房擺低啲行李又要出去搵食，可能巳經夜啦，車站附近冷冷清清無咩人，又無咩餐廳開門。

所以行去網走商店街睇下會唔會多啲選擇。由酒店行過去要15分鐘到。

顯示詳細地圖

中途經過見到間超級市場。入左去行左個圈！

去到商店街，原本想食拉麵，但係成條街唔係居酒屋就係燒肉。因為唔想食完到成身味，最後去左白木屋到食，但勁多人食煙，食得勁唔舒服！

嘢食無咩特別，唔特別好食亦都唔特別難食！食完返酒店休息準備第二日坐破冰船！