2014農曆新年北海道之旅行程 - Day 7 (層雲峽 － 札幌)

-->

今天又要好早起身。因為又要浸溫泉、食早餐兼搭早車。浸一轉溫泉之後就去食早餐，去返尋日2樓到食，不過今日安排左去另一邊餐廳。個人覺得早餐好味過晚餐。

訂酒店果陣Book埋酒店去札幌嘅shuttle bus。9:40分開車，到札幌大約2:30。CHECK OUT上車離開酒店喇！

 中途會停車休息兩次，第一次去到とうま道の駅有十分鐘比你去洗手間。

 另一次到砂川SA有40分鐘比你食lunch兼休息。

 去左休息站嘅餐廳到食飯。點左個豬肉飯（原來我無睇清楚係羊肉飯嚟，我唔食羊架！結食左一啖就無食。）同一個拉麵。

快快食完再喺到買左些少手信。

如果買蟹，呢到其實都幾平。可惜我哋第二日先返香港，唔可以咁早買。

中間果架就係我哋搭果架SHUTTLE。

去到札幌，shopping左一陣。若要買衫, 去APIA地下街可以買到衫架。買了幾件返工衫，呢個時候佢地轉春季衫, 所以冬天衫都有sale。而狸小路就只有藥房或手信店, 好少賣衫鋪頭！喺呢到幫人買左啲化妝品。

晏晝食唔飽，去到札幌，去左一間食迴轉壽司到食tea, 又平又好好味！

啲魚生好新鮮、海膽又鮮甜、北寄貝又爽脆！食咁多碟埋單都係2,800円到。真係又平又抵食！

2014年札幌雪祭正式開放日期係2月5號。

即係聽日先開始，但係我哋要搭中午機仲要買海鮮返香港！唯有試下行去大通公園睇下開左未，原來大部份已經有得睇！

行到途中有啲凍！去左啲小食檔買燒粟米！

有少部分去到果陣仲雕緊！

見到有香港的展品，但還未見到雛形。可惜可惜！

 行完返過狸小路食宵夜！

去左間叫「炎神」嘅拉麵店！

有地址

 
同埋地圖

喺札幌當然要飲札幌啤喇！

嚟！啤啤佢！

 叫左2款炎神拉麵。2款湯底都好濃厚都好好味！

仲有點左個炭燒豬肉飯！

 食完去左附近嘅激安之殿堂行左陣。仲喺隔離生果檔買左盒士多啤梨做飯後果！

最後一晚喺日本，當然放縱埋呢晚，除左飯後果再加埋飯後甜品！

ENCORE多次尋晚食果款ROYCE雪條！真係好好食！

跟住收拾行李準備第二日返香港，聽朝仲要早起去二条市場食早餐兼買海鮮！