要喺清涼里上車，再搭去古汗站。
不過沿途都唔係好多雪，有些少失望。
需時大概3個半鐘就到達古汗站。
之後可以選擇搭的士又或者搭SHUTTLE BUS去酒店。其實啲SHUTTLE站都幾難搵，我哋咁啱見有架車埋站先知果個係SHUTTLE BUS站（不過搭錯方向去錯左HIGH 1 HOTEL），要再轉另一班SHUTTLE先可以去到嘅目的地。
今次我哋Book左High1 Valley Condominium，係Service Apartment類別，直接同酒店SALES訂，一晚180,000WON，齋房唔包食，5晚埋單900,000WON，折返港紙差唔多＄6,500，其實都唔平，呢個價錢加多少少錢巳經可以喺日本BOOK間酒店同埋包2餐！
不過總括嚟講呢到滑雪幾方便，一落樓行5分鐘就到滑雪場而且有時24小時便利店，係衰在唔可以日日執房，住6日都係幫你執1次，而且無咩嘢食。下次如果再嚟都係BOOK啲酒店式同包早餐嘅住宿。
去到RECEIPTION佢話我哋早得滯，未有得CHECK IN住，所以我哋唯有食左個LUNCH先，等一陣CHECK IN完之後可以即刻上房換衫去滑雪。叫左個沙律、PIZZA同雞翼。
終於等到夠鐘CHECK IN喇，比錢拎鎖匙，同埋攞埋滑雪DISCOUNT COUPON，買PASS同租滑雪裝備有6折（呢樣最重要，如果唔係會貴好多架啦）。
我地BOOK左韓式ODOL房，房間長長，無咩傢俱，要自己鋪被鋪喺地板上面瞓，地下有裝發熱系統，暖暖的。
可以自己調教溫度。
廁所咩都無，好彩自己有帶洗頭水、護沖髮素同沖涼液。如果唔係要落去便利店買貴日用品！
另外有個設備簡單嘅廚房，可以喺樓下便利店買野返房煮，但係款式比較少而且比較貴，可以好似我哋買定啲嘢入去煮。我哋自己買左啲麵、午餐肉、魚片、仲有啲零食同生果入去。
跟住我哋換衫去滑雪，首先要去買PASS同租SKI SET。滑雪場由早上8:00開到晚上10:00, 我地多數都係買ONE DAY PASS, 這裡沒有連續租幾天的, 只能每日租的。
但係因為韓國比較少落雪，滑雪場多數都係人工造雪，所以雪質比較硬，感覺似滑冰多過滑雪。
而且好多人，啲SNOWBOARD人又狼死，呢幾日入面同佢哋有幾次差啲炒！好好彩無受傷。
山頂有間旋轉餐廳亦都有個展望台。
唔滑雪嘅人都可以搭纜車上去影相同食飯。
滑雪嘅可以由山頂滑返落山腳。
滑左5日買PASS連租SKI SET用左607,200WON，折返港紙約＄4,400 。除開800零蚊玩1日，都幾平！
不過HIGH 1呢到有一樣嘢要讚嘅，就係佢有好幾個休息站分別位於山頂、山腰及山脚，方便滑雪人任如果滑到攰都可以去就近休息站休息下，入去過下暖河亦都可以食少少嘢飲啲嘢補充能量！
食方面，上面講過呢到無咩選擇，除左第一晚滑得太夜無地方食飯要自己煮。
但係日日由天光滑到天黑，好攰！所以絕大部分時間都係出去食！滑雪場有個CANTEEN，但係款式好少而且唔係太好食。
日日都係梗係有呢2款，煙雞飯同牛骨湯飯。
除非你識講韓文，咁就可以打電話叫外賣。晚晚房門都比人貼滿晒外賣紙，成日都好想叫不過唔識講韓文都無辦法。
另外亦有間KFC同COFFEE SHOP。
呢個係韓國KFC新產品，2塊飽係炸雞，中間夾住舊薯餅，邪惡子數爆晒燈！睇落好似好好食咁嘅飽，但係實物出嚟走晒樣！
如果要食好啲可以搭SHUTTLE去其他酒店餐廳到食。所以感覺上之前住嘅昆池岩比較好，唔使搭車就可以去到唔使咁麻煩！其中一晚去左呢間係Kangwonland Hotel入面一間食自助餐嘅餐廳，去果陣做緊加拿大主題。都幾多選擇同埋幾好食，每位收費65,000WON。
最尾果晚我哋搭SHUTTLE返落火車站附近食燒肉！
成間餐廳都係得韓文餐牌，我哋唯有用最老土嘅點菜方法，睇人哋張檯有咩就手指指點菜，雖然係無咩禮貌，不過真係無辦法。
見好多張檯都有點呢個窩，我哋都點左個，原來係薯仔豬骨窩，幾好食不過好辣下！
仲點左份韓牛，落果位朋友問我要咩部位，因為唔識講，是但喺雪櫃指左樣，估計應該係牛肋骨位。
又係見到好多人叫豬腩肉，所以我哋都追加左一份豬腩肉，真係好好味！
好滿足好好食，之後都有返去首爾食燒肉，都係唔夠呢到好食同埋呢到價錢唔貴！成餐埋單都係82,000WON。呢個價錢食韓牛真係幾抵！
因為太遲訂車票，只係買到早車返首爾，臨走之前果晚去古汗火車站換定車票。
亦都買定麵包第二朝做早餐！
沒有留言:
發佈留言