2014農曆新年北海道之旅行程 - Day 6 (網走 － 層雲峽)

サロマ湖鶴雅リゾート溫泉酒店早上9:00有免費SHUTTLE BUS去北見，所以今日要好早起先至夠時間浸多一次溫泉同埋食早餐。起身果陣個天仲係曚曚光。

去到溫泉巳經見到好多日本老人家浸緊喇！浸完就食早餐！可以自己砌碗刺身飯。

當然仲有其他嘢食喇！

食完返房歎多杯咖啡先。

呢張係喺房個窗嘅全景。

 再影多陣相就落去CHECK OUT搭SHUTTLE。

BYE BYE啦サロマ湖鶴雅リゾート！

架SHUTTLE要搭1個鐘。不過唔係喺JR前面停，要行大概幾分鐘先到火車站。去到買車票，2個人又要差唔多9,000円。

可以搭10:19特急去上川。

火車埋站！又要坐2個幾鐘。

去到北見，好荒蕪，最慘係果陣又大風雪。出去一陣都變左做雪人呀！

去層雲嘅巴士站喺JR站附近，要行2分鐘到。不過啲巴士好疏下。差不多2個鐘先至有1班。去到仲要個零鐘先有車。

唯有去左車站附近嘅與餐廳到食lunch消磨時間。

叫左個沾麵。

同一個拉麵。

仲加多個炒飯！好味！食完成個人暖晒！

整架巴士得4個乘客咋，去到層雲峽都係2點幾。

哈哈我哋擺左個大烏龍，層雲峽有2間朝陽酒店，一間係山頂嘅朝陽亭，一間係山腳嘅朝陽RESORT。我哋以為BOOK左朝陽亭，結果冒住風雪由山腳巴士總站拉喼上山頂的朝陽亭，拉喼上山途中見到有2隻鹿係到食緊草。

結果去到朝陽亭時，職員我哋係訂左山腳的朝陽RESORT，出面真的想喊, 好彩職員話可以車我哋落返去咋。

去到未到3點，要等一陣才有房比我哋。

房景望山坡同條河。

上到房, 第一時間換衫去浸溫泉了, 溫泉有2個主題，2邊室內分別不大，係室外有些少分別。

一個係浸木桶，另一個係浸石池。不過兩個都好細，特別係木桶果邊。不過好彩去得早了，人不是太多。

浸完溫泉後時間仲早，離食晚飯仲有段時間，於是出去行下。冰瀑祭會場其實離酒店不遠，步程10分鐘內已到。

未到7:00已開始比人入場，見人少兼且無咩人，所以入去行參觀左先。

入場費應該加左，之前見到其他網友嘅網誌都係話100円。不過100定200都唔緊要，都好平！最緊要係好睇！

入到去, 風太大了, 很凍呀! 好彩做足準備禦寒，著晒FLEECE同羽絨再加埋暖包！

啲冰雕比人攪到好似生嘢咁！

行完準備走果陣，愈來愈多人入場。

轉頭已經人山人海。

行返去酒店己經六點幾，見到有好多旅行團準備入住，攪到好迫！排左陣先至搭到電梯。返房擺好啲嘢之後就落去食飯。訂酒店包晒早晚餐，兩餐都係自助餐。食物質素不太好選擇又少人又多。所以都唔係食得太多太飽。下次不會再訂那些較多旅行團到的酒店喇。

見唔係食得咁飽，去左酒店對面嘅7仔睇下有咩買嚟做宵夜。

見到金色呢隻綠茶朱古力雪糕條，係ROYCE出嘅，買左條食，好好食！

臨瞓前浸多次溫泉。