食與玩的記錄: 9月 2009

Special Club 2009 - SINGATOBA

部機用左一個星期到就收到今年個SPECIAL CLUB promote, 今次隻咖啡叫SINGATOBA.

產自Indonesia, Sumatra(中文: 印尼蘇門答臘). 讀Geography就讀過, 呢個地方種0既咖啡都係第一次飲!

隻咖啡係重焙類! 論香味係幾香, 而味道就幾獨特, 但有少少酸味, 可能就係啲人講嘅fruity! 不過我唔識欣賞覺得麻麻! Not my cup of "coffee"!

咖啡機 - Capsule延續篇

尋日講過跟機有16粒capsule跟埋, 咁等我介紹下每粒0既名同特式!

介紹次序由淡到濃, 度數由愈細濃度愈低 :
1. Decaffeinato - 濃度: 2

2. Decaffeinato Lungo - 濃度: 3

3. Cosi - 濃度: 3

4. Finezzo Lungo - 濃度: 3

5. Volluto - 濃度: 4

6. Vivalto Lungo - 濃度: 4

7. Capriccio - 濃度: 5

8. Dulsao do Brasil - 濃度: 5

9. Livanto - 濃度: 6

10. Rosabaya de Colombia - 濃度: 6

11. Decaffeinato Intenso - 濃度: 7

12. Fortissio Lungo - 濃度: 7 (My favorite!!!)

13. Roma - 濃度: 8

14. Arpeggio - 濃度: 9

15. Ristetto - 濃度: 10

16. Indriya from India - 濃度: 10

聽人講官網久不久就有0的限量口味, 知道有一定買0黎試試!

新買咖啡機

之前0係公司用過飲過Nespresso整0既咖啡, 覺得方便又幾好飲, 比Starbuck或者Pacific coffee好飲! 不過之前覺得貴無細心留意.
早幾日行過一田見到佢擺左個攤位, 見到部咖啡機好細好的骰! 叫個小姐整杯黎飲下! 同之前0係公司飲差唔多wor! 原本睇中部Citiz C110 GR, 個型靚係幾靚不過個價太貴, 要$2,888, 一毫子都無得減!

咁就唯有買Titan C100, 原價$2,588, 特價$1,988!

個價包: (i) 2隻咖啡杯, (ii) 16個capsule, (iii) 部機
i) 咖啡杯 - 每隻杯獨立packing

ii) 16個capsule - 齊晒佢所有味

iii) 咖啡機

部機同所有咖啡都係Made in Switzerland架!

每個capsule圍起$4.7至$5.3, depends on你買咩味! 不過唔好expect佢一個capsule可以沖到連鎖店咁果0的咁大個杯! 佢只係沖到Espresso! 大概一個沖50至100ml到! 即半支至一支益力多咁多多!

大佬與細佬

好耐無update個blog啦!

而家用開部Canon IXUS860都用左2年啦! 黎緊下個星期0既民丹島+新加坡之旅應該唔夠用! 所以搵左佢大佬同ai ya細佬幫佢出trip!

首先介紹大佬: Canon EOS 500D - 呢部用黎影景影人用, 0的比起佢0的細佬同ai ya細佬簡直無得比! 去完個trip返黎再post0係0的遊記到大家睇啦!

細kit - Body + 18-55mm (F/3.5 - 5.6) 今次又係0係鐳射買, 唔知點解次次佢個價都平人地少少! 包無牌子麻甩相機袋, 8G SD, Mon貼, 副電同Mini HDMI線 (唔要腳架同card reader換0既)! 再加左錢買左個防UV filter同無線遙控! 成惠$6180 + $100 + $180 = $6460! 唉今個月又食蕉啦!

再黎介紹佢個ai ya細佬: Panasonic TS1 - 呢部唔使講都知0係水用架啦, 可以影水中高清!

呢部0野又係食常餐, 個package包原廠相機袋, 8G SD, Mon貼, 副電同腳架. 不過今次0係樓下豐澤買$2960!

睇黎部860IS都可以退休喇!

幫部Magic搵左個新拍檔 - 藍芽耳筒

本身用開ipod nano, 不過換左電話, 順便加埋個藍芽!唔使成日比阿媽同女友鬧我唔聽電話呀! (因為我放褲袋又唔教鈴聲(我99%時間都唔用鈴聲), 但又經常感覺唔到佢震) 經過幾日0既資料搜集都無咩心水! 不過公司有同事用緊呢隻 - DRC-BT15!

試過又ok同我而家部nano0既音色差唔多, 終於買左個呢個Bluetooth耳筒喇! 今次又係幫襯鐳射! 一set連耳筒都係$540 (公價$698), 都幾抵! (個跟機earphone街賣$398)

買果陣個sales話呢隻係黑色, 不過眼見係少少偏藍! 而設計再唔係傳統插個火牛去差電, 而係有個座比你!

原本0係Sony Pro shop到試好諗住買 (公價無折), 因為驚有假0野同比人換! 不過前幾日收到Sony個mail, 比佢激親唔係咁想0係佢到買0野! 之前買廳部電視加$800蚊就跟部32吋電視! 因好少睇所以一直放左0係房個窗台到成年幾! 諗住遲0的天氣熱0的都可以留0係房開冷氣睇電視! 問Sony上牆連架幾錢! 佢話$1300, 問佢有無折, 又話配件無折! 咁算啦只好照比(我廳果部46吋上牆連架(我用LG架), 都係$1500! 如果用返Sony原裝仲平仲平百幾二百tim!)

裝左2個月, 點知就收到佢呢個promotion mail話有9折! 你唔寄比我都好地地, 見到真係火都黎呀! 雖然只係差百零蚊, 不過啖氣頂住頂住囉!

今日買左HTC Magic喇!

忍左幾日! 今日終於忍唔住出老旺買左! 個價好硬, 豐澤同百老匯兩間一毫子都唔減! 問親間間都係公價$4680仲要得4G mirco SD送! 結果去左鐳射買! $4480連代電, 面貼, 8G SD (+$150 轉16G), 限量底殼!

頭先試機, 速度好快! 比我而家用緊部TOUCH DUEL快N倍呀! 正在差電中! 好想可以快0的玩呢!

09年8月新加坡、民丹島之旅 - 第1日

今年生日去左新加坡、民丹島一共6日! 個個一聽到就話邊可以玩到咁多日呀?? 我而家就講比大家聽點玩喇!

今次第1次坐新航, 坐8點機! 我地一早就去機場check-in喇!

整體感覺唔錯, 不過無論0係空姐0既親切度同效率! 始終都係覺得國泰好些少! 睇下窗出面幾靚! 成程機都陽光普照!

之後坐左成個鐘, 0的空姐先派飲品同飛機餐! 有2款- 糯米飯同奄列!

成程機3個零鍾就到埗喇! 咁啱有架A380泊0係我地側邊! 真係好大架!

落機唔使坐車, 只要行大概5分鐘就到海關同拎行理0既地方! 下面0的相係樟宜機場3期, 亦係最新一期! 好大唔迫, 光猛又多綠色植物, 確係幾靚!

因為個PACKAGE頭4日係住民丹, 司機一早巳經0係閘口舉牌接我地! 連行下機場0既時間都無就比人夾左上車送去碼頭! 其實都有叫過司機比我買0的0野去民丹到食, 佢就話碼頭有唔使0係到買! 點知去到......

當然係無野買喇! 全部0野都貴過市區! 選擇又少! 出去行四周圍都無0野得個爛鬼停車場同2部汽水機! 因為一早去到又無0野行, 當拎完船飛同寄完行理之後, 唯有搵個地方坐低等! 我地去左下面果間餐廳, 因為比佢掛0係櫥窗0既海南雞吸引到。

但可惜0係飛機食左0既0野仲未落格, 所以少少地叫左個喇沙同Otak Otak(印尼燒鯖魚)! 個喇沙比我之前食過0既好食, 但係個燒魚就麻麻, 好鯹! 我個人唔係咁接受得到隻味! 食完就又過海關入閘等上船!

好彩碼頭有免費wifi (電話一定要有漫遊同收到Singtel, 咁電話就會收呢個sms), 只要跟住send返去就會有個account同pw比你上網!

只要見到有呢個貼紙0既地方就可以用架喇!

之前上網睇過其他人0既blog都有講過酒店0的0野唔平! 所以0係碼頭0既DFS我就買左呢PACK啤酒! 都唔平, 維起三十幾蚊1 PACK, 成十蚊罐! 不過我無後悔買, 反而如果無買就會後悔! (之後會再講)

買完之後又再等, 架船比預定時間遲左成半個鐘先開! 攪到我地坐左差不多兩個鐘!

上到船又坐多1個鐘就終於到左第一站 - 民丹島! 但係只係開始, 因為之後仲有不停0既等待! 過海關 - 等, 拎行李 - 等, 上車去酒店 - 等, 開車 - 等, 酒店拎房 - 等! 可能我呢0的就係香港人性格, 咩都要快! 一時之間咩都要我等我好唔習慣。

終於開車喇! 經過9個鐘0既舟車勞動, 最後0係差唔多4點(印尼時間)到先可以返房! 今次住0既係Angsana Bintan Resort deluxe room! 佢仲有隻平0的0既superior room, 除左細少少之外我就唔知有咩分別! 講真呢間0野同我之前0係沙巴住0既Shangri-La's Tanjung Aru Resort差好遠! 不過唔住都住左就算喇!

休息完一輪之後就出去酒店四周圍行下!

食早餐0既lobby cafe

招牌0既泳池景

房望到0既泳池景

房望到0既海景

半月型0既海灘

戶外活動中心 - 所有水上陸上活動booking都可以0係呢到做到

夜晚比人飲0野睇星0既地方

無意中見到0既松鼠

一路四圍行到6點幾就去坐shuttle bus過Nirwana0既Kelong海鮮餐廳食飯! (最好叫酒店reception幫你打去訂位，唔使自己比錢) 建議唔好坐shuttle過黎，可以叫酒店幫你叫的士，5點到去就最perfect喇! 因為坐6點半班車去到果陣太陽伯伯巳經收工無日落睇! 旅遊書話呢到睇日落係最靚0既，網友你地自己去証實啦。