呢次係我地第5次去日本, 所以唔想再去0的太heat0既地點! 最後選擇左名古屋!
但係由於直去名居屋o既機已經爆晒, wait唔到, 所以唯有係香港出發搭國泰
10:05機到大阪, 架機遲左起飛, 去到大阪都成下午3點幾4點, 由於大阪爆H1N1, 所以所有香港人, 包括空姐同我地都0係機上全程帶住口罩, 架機亦都唔滿!
去到日本關口, 平時要等成45mins先過到關, 今次15mins到就可以過到關。
出到機場, 即刻去拎車去名古屋! 今次租左架細車仔叫IQ. 如果2個人同行李唔多可以諗諗呢架! 因為勁慳油又幾靚仔!
放好晒行李就叫個COUNTER姐姐教我地用個GPS, set好晒之後就直去古屋東橫INN櫻通口新館, 都要成3個幾鐘頭先到!
對我呢個0係香港唔揸車0既人0黎講, 要揸成3個幾鐘頭, 係幾辛苦0既事,
所以高速公路中0既parking area好有用, 我地去左"大津"呢個地方休息一下! 買左２個飯團,
買完出黎仲比我地到有得抽apanmen! 離開大津SA之後我地一直開車去名古屋, 但係好唔好彩, 竟然塞車!
足足比預定時間遲成個鐘先去到酒店check in, 放低d野後, 即刻出去行街, 但係都係8點幾, 所有百貨公司都關門了, 唯有去藥房啦! 去完之後我地就搵野食啦! 竟然比我地亂打亂撞落到地下街即見到我地預先plan好去食o既鐵板豬排 - 矢場とん味增豬排.
我地order左1個大豬排同1個鐵板豬同1個草鞋豬, 個大豬排好'膩', 2個豬定食以鐵板豬好食0的! 因為有0的菜0係底, 而且好多汁, 不過食得多都真係好'膩'的!
因為食完飯太早啦, 所以行下街先, 原本想搵食雞翼果間手羽居酒居, 但又搵唔到, 但又想食宵夜,
見到到酒店附近果條有好多食串燒o既居酒屋, 我地研究又好耐, 最終決定入左呢一間 - 係Toyoko Inn櫻新館斜對面。我地原本想叫串燒,
但因為過左11:00所以只有下面menu o既野食。
呢碟係你一坐低佢就會屈你一人要一碟0既前菜 (好似收左二百幾yen), 我唔識食覺得好難食!
我地最後叫左當地出名o既雞翼 (好好味, 好多肉汁), 枝豆 (嘩, 好新鮮, 卜卜脆, 好食過係香港買o既雪藏貸多多聲), 炸雞 (都好食, 冇咩油, 好多汁), 大根 (蘿白) 沙律, 啤酒, 同一杯蜂蜜梅酒 (好冇味, 溝左好多水) 。
沒有留言:
發佈留言