第二日起身, 係東橫INN食早餐, 佢d麵豉湯好好飲, d沙津都好好味. 食完之後就去左榮無印到配眼鏡, 名居屋d
sales唔係好識講英文, 所以全程都用好簡單o既英文單字同手勢黎溝通, 都驗眼時, 個sales就黎住份notes黎讀添, 最終都配到啦~~~
(詳程請睇第5日)。
跟住就去
長島三井Outlet喇! 但係天氣唔係咁好, 又係天暗暗落雨!
由於去完outlet之後要趕去高山民宿, 所以時間好趕, 一去就到fred perry到睇野, 最終行到無時間食lunch就即刻上車出發到高山啦!
我地o既lunch就唯有係高速公路果d休息處到買飯團黎解決啦! (今次見到有當地牛奶賣, 即刻買返樽黎試下, 又ok wor!)
最驚險一幕到啦, 我地去高山要3個幾鐘, 由4點幾出發, 去到預計係7點幾, 但係........頂....個GPS累事,
到左高山又唔叫我地轉入去, (我地自己又哀, 信晒個GPS, 又唔睇路牌, 掛住拍片), 竟然叫我地直去富山, 仲要係單程路, 最後要繞個大圈,
行過d好黑o既山路, 好窄, 好似入左鬼屋o既隧道, 條路就係叫國道306, 無咩必要真係唔好行, 真係嚇鬼死,
我地仲要趕係天黑前離開呢個鬼地方, 同埋要8點前到民宿, 因為晚飯去到8點, 所以全程用80 kilo咁滯行晒呢條彎多又路窄0既國道!
最後我地8:15到去到民宿, 好彩, 可以食到飯!!!
我地今晚訂左個間o既民宿叫惣助, 個晚餐係10道菜o既
飛驒牛。(唔記得影個蒸蛋, 所以下面得9道菜)
因為之前見其他網友住0既民宿都有好精緻0既晚飯, 所以我都抱住幾大0既期望去食呢餐飯! 其實餐飯都唔差架, 我都食左成3碗飯! (同我鐘意食日本米可能有少少關係) 食完飯終於可以慢慢參觀下間民宿!
成間民宿得3pair人, 1對係日本人, 1對係外國人, 1對係我地, 環境都好清潔,
不過洗手間同沖涼o既地方係出面就唔係咁鐘意啦!下次要book d 連埋洗手間o既! 參觀之後我地就返房喇! 間房係6疊o既, 好細,
所以都冇拎埋行理上去, 放係架車到~
o係榮走果時經過高島屋就落去睇下有咩生果, 見到有士多啤梨同蜜瓜, 不過我地實在太飽食唔落個瓜, 而且間房無雪櫃, 迫住要食左盒士多啤梨, 講返佢D味唔係咁得, 無冬天食0既咁甜咁香, 有少少酸! 食完就沖涼瞓覺準備第二朝o既旅程!
沒有留言:
發佈留言