第三日好早就醒左, 梳洗完之後老闆娘亦都走上黎人肉Morning call, 叫我地落去食早餐, 今朝食另一出名0既朴葉味噌! (日本0既朴葉味噌好食過香港0既好多好多, 不過比較鹹, 所以我又食左2碗飯啦!)
食完之後我地就執好晒d行李, 將必需品放入背囊, 因為我地之後要上立山黑部, 無可能拎住0的行李行!所以我地一早plan左去搵
宅急便送
0的行李去最後一晚住0既酒店! 價錢同時間都check好晒, 咁果朝check-out果陣就問下老闆娘邊到可以寄件, (註:
老闆娘英文無老闆咁好) 我拎住張print-out問, 佢就話無, 之後就叫我去附近果間Circle-K到就得, 咁唯有照佢說話做啦,
去到Circle-K門口, 見唔到隻猫招牌, 咁黎到亦都只好問問, 原來呢間仲勁, 係『日本郵政』!
咁我問清楚佢可唔可以0係指定時間送到我果間酒店, 佢話OK, 我就唔諗咁多叫佢送啦! 度好尺比晒錢之後就上返車去下一個景點!
下次去可以試下架, 而且價錢比
宅急便平0的tim!
之後去左
高山宮川朝市, 陣屋朝市 同高山陣屋!
首先第一件事當然係泊好架車先啦,
泊好之後就立即行去宮川朝市, 0係佢門口其實就係另一個景點 - 鍛冶橋! 記得同橋2邊0既長手長腳公仔影相呀! 咁我地就正式行朝市喇,
但係果時巳經十點幾, 都唔係咁多人喇, d野都好似賣晒咁, 我地核買桃太郎蕃茄都見唔到! 只有試下d飛驒牛串燒, 煎棉花糖! 同埋買埋飛驒寶寶! (而家放左0係書櫃)
行完宮川朝市之後, 我地又趕去另一個景點啦! 途中見到一間local supermarket, 咁我地梗係又走入去睇下有咩食啦! 既然去朝市買唔到蕃茄, 咁唯有0係supermarket買返補數! d蕃茄好甜好多汁而且無本地蕃茄咁鯹! 仲有比我見到飛驒牛奶, 飛驒牛肉雖然好食, 但係0的奶就無咩特別! 我地仲買左個富士蘋, 又係好甜好多汁, 連我平時唔食蘋果0既都忍唔住要咬幾啖!
買完野之後就去到陣屋朝市同高山陣屋! 但呢個朝市無咩野睇, 都係賣菜多! 好快咁睇完呢2個地方咁跟住就去飛驒大鐘乳洞! 入到去真係好凍, 但係都幾好玩, 原先驚唔知點拎返架車, 但原走係會繞返去起點o既地方, 跟住就去東橫INN Jr富山站前啦, 由於又係車程要2-3個鐘, 所以lunch都係係休息處食飯團解決, 係去咁多次旅行, 算係食得最少野o既1次!
因為入面好黑, 所以影相都唔好睇, 只係影左片, 但係SIZE太大, POST唔到! 行完之後咁我地就揸車去白川鄉! 你見我地0係
鐘乳石洞果陣都仲幾陽光普照! 點知一到白川鄉就落好大雨喇! 幾掃興呀!
咁好啦! 我見都揸左咁耐車, 搵個地方食少少0野休息下! 見到有間鋪仔賣牛肉薯餅, 我地就埋去買0黎坐低食!
我巳經唔記得邊張相係邊隻啦! 只記得貴0的果個好食0的! 到食完0的雨都無停過, 坐下坐下三個幾四個字, 咁唯有正正經經搵個地方食晏啦! 原來頭先坐果到出面係鋪仔, 入面係食0野0既地方! 就咁我地就入左去喇!
我叫左個
飛驒牛肉飛驒蕎麥麵! 0蕎麥麵好好食好爽口!
唔使講見到都知係炸蝦烏冬, 呢個無蕎麥麵咁好食!
食完見到0的雨細左少少, 咁我地就入去合掌屋群參觀喇! 因為行行下又落雨所以好快行完就走喇! (咁鬼大雨攪到去唔到觀景台到睇風景)
我地離開左白川
鄉之後行左一段路就無再落雨 (可能離開左雨帶), 因為比原定時間早走所以我都可以慢慢揸車去富山! 沿途經過一個parking area風景幾靚, 可以見到立山山脈!
行多個零鐘之後亦都到左富山喇, 去到富山時個天仲光架! 不過首先我地揸車去今晚住果間Toyoko Inn放低行李先, 之後先再去Toyota還車!
但係搵左好耐都搵唔到間
Toyoko Inn, 問左幾個人都唔知係邊, 但係最後有個日本人好好, 比我地請左上車, 做人肉GPS, 原來要係條巷仔到轉入去, 如果唔係個日本人教, 真係搵唔到呀, 到左之後check-in放行李再
去Toyota還車!
揸左3日0既車(前面果架)比人開走lu! 有少少唔捨得!
還車之後就0係富山四圍行, 但係富山係一個好悶o既地方, 冇野行, 冇野玩, 冇咩野食! (而且治安好似唔係幾好) 好彩係留一晚
, 我地想搵長腳蟹食, 但係搵左好耐都搵唔到, 最後門過有0的鋪頭話冬天先有得食, 答完仲即刻閂門唔想我地入 (可能我地係遊客同講英文) 最尾我地去左火車站上面d鋪頭仔到食!
因為知道英文0係呢個地方唔通0既關係, 我地就0係門口影低想食0既野之後入到去就比0的相佢睇0黎點菜! 呢個方法好work! 而且又快又準! 唔使3分鐘就落晒單!
因為唔使再揸車, 所以今晚可以啤啤佢喇! 睇下幾大個杯, 有成2個拳頭咁高呀! 食完飯之後就去搵聽日搭車0既車站 (其實就0係食飯0既車站旁邊)! 去完就返酒店休息準備第二日上山!
沒有留言:
發佈留言