湯心亭 晚飯二

第二晚食佢0既晚飯! 同第一晚比較, 今晚比較好食0的, 可能今晚0既素材比較合我地口味!

前菜：海哲

唔知係咩, 好似又係海哲

煙三文魚, 味道OK啦

第一晚食過O既醃菜

豆腐, 味道唔錯

三文魚石狩鍋, 幾好味

昆布清湯, 好清甜

牛肉, 係肉醬味O既, 好好味

粟米球, 好多粟米, 好甜, 好好味

芝麻味雪糕, 好有芝麻味!

北海道&東京遊@Dec 2009至Jan 2010 - 第6日 (二世古)

北海道0既夜晚其實無咩0野做, 我地大部分時間都係用黎睇電視! 雖然聽唔明但又好享受! 成日都睇到十一、二點先瞓覺!

去到第二朝, 起身當然去食早餐!

前菜又有呢0的滑潺潺0既生八爪魚! 食唔慣!

另外仲有0的漬物!

唔使講, 日日早餐都梗會有味噌汁!

比左隻生蛋我地, 個侍應話可以拌飯生食或落去煙肉到整熟黎食!

因為都係驚受唔到生蛋, 最终都係要整熟佢!

仲有一碗根菜: 有芋頭, 紅蘿蔔, 蓮藕, 好食!

有件燒魚同帶子! 燒魚好好食!

白飯

食完咁豐富0既早餐, 我地就坐酒店車去去Annupuri滑雪埸展開今日0既滑雪之旅! 因為我地兩個都未滑過雪! 所以要搵滑雪學校搵教練啦!

NASS 滑雪學校

當酒店車車到我地去滑雪埸門口, 就見到上面呢間滑雪學校! 入到去就見到有兩個counter, 一個係滑雪學校, 另一個係租滑雪用具0既!

滑雪學校價錢: NASS 滑雪學校
滑雪用具價錢: 按此

我地2個join左group course同埋8個鐘0既滑雪套裝(包Ski + Boots + Poles)! 建議大家自己買手套同雪褲仲有滑雪眼罩! 因為比較衛生!

只要同租滑雪用具果個人講你著幾號鞋就得架啦!

租完滑雪裝備之後就要抬佢地上去集合地點(大約50米)

滑雲課程為全日4個鐘, 上午2小時 (10:00-12:00), 下午2小時 (2:00-4:00)。一開始會有導師帶領成班學員做熱身, 之後就分組啦。由於我地遇到有一pair香港人又係第一次學, 所以我地4人一組, 而導師就講英文教我地。

玩完上午個節, 學左一d基本技巧之後就到食飯時間啦!

記住千其唔好著咁多衫, 個人認為著一條雪褲, 一件衫及功能褸已經好夠, 唔係就會一路流汗, 一路學架啦, 超辛苦。

佃

食飯地方, 入去之前要放低套ski同poles係出面。

炸蠔定食

加錢買左個味噌豬肉汁

炸豬扒定食

玩左一朝, 玩到成身汗! 補充返0的水份!

我好下午導師話可以上去初級滑雪道滑返落黎, 好好玩, 時間好快過, 不過見到d小朋友仲學得快過我地。

我地今日0既戰績! 成個ski都係雪!

學完成日, 休息o既時候, 自己整o既雪人, 哈哈

跟住又返酒店浸溫泉同食晚飯! 詳情請參考湯心亭 晚飯二

湯心亭 晚飯一

之前試過搵過湯心亭0既comment, 但都搵唔到, 希望我可以比到個參考大家喇!

北海道&東京遊@Dec 2009至Jan 2010 - 第5日 (函館 → 二世古)

起身之後, 當然立即梳洗同~浸~溫~泉~! 日頭浸同夜晚浸感覺又唔同! 夜晚只係有浪聲! 日頭浸可以清楚睇到個海景, 仲有海鷗聲! 有時仲會飛到好近! 好正!

除左房有得浸之外, 都有傳統浴場, 之前果晚去睇過, 又細又0係室內, 把鬼到暈!

浸完又去食早餐喇! 去到食早餐果到, 我地都被安排坐window seat! 好開心!

CHECK-IN果陣比左張早餐劵我地, 記得拎埋去!

早餐係buffet形式, 樣樣都好似幾好食! 所以出到去樣樣拎少少, 結果個盤都係擺滿晒!

因為尋晚巳經入黑影唔到個海景有幾靚! 所以食完早餐返房補影返!

玩到過晒鐘, 要趕住CHECK-OUT搭火車去二世古! 我地快快手手拎行李落櫃位埋單走人! 一晚兩個盛惠54,300円, 折合HKD4,600! 比錢時有少少肉赤!

不過不得不讚, 佢地0既服務真係好好! 酒店每間房都安排左一個特定0既人去招呼! 由我地check-in搬行李, 到服侍食晚飯, 到第二食早餐同我地講早晨, 以致送我地出門口都係同一位小姐! 又有禮貌又好笑容!

但係因為我地太貪玩, 太遲走而且我地搭0既市電太慢! 結果錯過左班火車! 要等多粒幾鐘先有第二班車! 咁唯有行下JR入面0的鋪頭, 睇下有咩買啦!

廣告賣到好"恆"! 係六花亭出品, 兩塊朱古力餅夾住層白朱古力! 女友話好好食!

又係六花亭出品, 四個包裝四種味! 有黑朱古力、白朱古力、牛奶朱古力同咖哩味朱古力! 無錯係咖哩! 雖然咖哩味唔係太重, 但我都唔係太鐘意隻味!

好不容易咁捱過呢粒幾鐘, 可以上車去長万部(要0係呢個站轉車去二世古)! 不過我建議大家最好想食咩飲咩都0係函館買定先, 特別係駅當! 因為去到長万部或者二世古都唔會見到便行店!

因為長万部都係一個細站, 係無電梯等設備, 要去對面月台必須要行樓梯, 所以要留意0係邊個月台上車! 免得白搬行李!

去二世古就係坐呢架車! 得一卡架咋!

坐多個零鐘就去到二世古喇! 睇下幾多雪!

二世古我地留左兩日, 住湯心亭! 貪佢有露天溫泉同! Book之前同佢預約埋shttle接我地! 0係車站等左十幾分鐘, 酒店架車就0黎接我地! 要坐多十幾分鐘車先到!

湯心亭都有日歸浴, 所以有部機比外來者買飛浸溫泉!

入屋除鞋! 0的鞋要擺晒0係門口!

酒店入面無咩0野玩, 得個休息室, 入面有2張按摩椅同1張按摩床!

呢兩晚0既房! 係非吸煙房! 要每人每晚加1,000円! 幾識賺錢呀!

間房佈置好似怪怪地!

間房入面有獨立黑廁!

仲有個洗手盤!

我地訂左七點先食晚飯! 距離食晚飯都仲有一段0既時間! 我地當然要去露天溫泉浸一浸啦!

詳細介紹請參考湯心亭 晚飯一

整體黎講, 酒店設備同房間都比之前所住0既差, 可取0既係佢0既露天溫泉同埋0的員工態度仲有佢地0的招呼都好好!