全晚由開胃酒到飯後果加甜品總共16樣, 其中有1道係自選菜! 有和牛同鮑魚2個選擇, 我地一人要一款! 今次同第一滝本館唔同, 我完全無加過錢無改過個餐!
飯前梅酒一杯
魚子漬物: 酸酸地脆卜卜, 我覺得幾好食! 但我女友就唔鐘意!
左下: 蝦壽司; 左上: 鮟魚肝 (有0的似鵝肝咁); 中: 昆布多春魚卷; 右上: 雞松風 (係一舊壓到好實0既免治雞肉); 右下: 慈姑仔
米茄子田樂: 茄子上面搽左0的味噌
雲子蒲鉾: 個湯底好鮮甜! 下面白色果舊比0的湯浸住, 類似豆腐0既物體叫"針山葵", 上面有0的蔥!
刺身: 有甜蝦、魷魚、帶子, 好新鮮好食!
鯛魚鍋: 舊魚好大舊好多肉! 唔鯹好好食!
鐵板燒和牛: 一個字 - 正!
燒鮑魚: 隻鮑魚拎黎果陣仲識"旭"架! 要監生燒熟, 雖然罪過左0的, 不過又真係幾好食!
熟毛蟹: 好鮮好多膏! 睇落得好似好細碟, 可能我影得唔好, 其實好大隻! 隻蟹有2隻手掌咁大! 我地用左成個鐘先攪掂佢!
伊勢龍蝦: 個廚對自己0既用料好有信心! 無刻意調味，保留龍蝦原味! 再配上青菜芋頭, 好鮮又好清!
十六穀米: 菜單個名係咁叫, 食唔出同平日0係日本食0既白飯有咩分別
味噌汁
醃菜三種: 只係輕輕醃過, 青瓜同紅蘿蔔仲好爽脆, 左手邊黑色果0的怪怪地唔知咩黎!
仲有蜜瓜同宜多啤梨! 好甜!
最後係tiramisu, 少少地幾好食! 仲有粒大栗子0係面!
食飯時一路聽住海浪聲, 一路傾住計! 就咁全餐飯就食左2個鐘! 所有0野都好好食! 從未試過食得咁開心咁舒服!
沒有留言:
發佈留言