今次選乘日航羽田零晨機, 半夜2點機朝早6點到達! 之後要立即轉機到新千歲! 唔知係咪人大左, 唔捱得, 坐半夜機覺得幾辛苦!
差唔多到東京果陣, 個天慢慢開始光! 我覺得幾靚所以影左呢張相! 大家覺得點呢?
羽田轉機流程同一般機埸轉機唔同, 要拎返0的行李之後再寄多一次行李! 大致流程如下:
1. 辦理所有入境手續
2. 拎返0係香港機場所寄0既行理
3. 拉住行李坐機場穿梭巴士(免費)由Internation Terminal去要轉機0既Terminal (得Terminal 1 (ANA)同Terminal 2(JAL), 記得問清楚香港0既地勤姐姐)
4. 到所屬櫃台前過X-Ray同寄行李
5. 可以0係機場內四圍行下, 不過必須0係飛機起飛前半個鐘到達閘口等上機
果日好好彩, 好快就辦好晒所以程序! 如果大家好似我咁, 0係機上面瞓左, 錯過左無食飛機上面0既早餐!唔緊要! 機場入面有不同大小售賣小食、空丼0既鋪頭! 可以慢慢行慢慢買!
抺茶早莓大福(左); 早莓大福(右) - 大福裡面包住新鮮士多啤梨, 如果未食過可以試下, 不過佢無中村屋0既早莓大福咁好食 (之後寫到東京再介紹)
燒鯖魚板壓壽司, 味道一般!
因為未醒所以無咩胃口, 所以買左上面少少0野食就坐低等上機! 提一提大家, 日本國內航線係無飛機餐0既! 只無有簡單0既飲料同包裝米果派!
羽田去新千歲只係個半鐘頭機! 當飛機向北飛, 地面會漸漸變成白色一遍, 好靚! 到飛機降落0既時候見到成地都係雪! 對我地好少見雪0既香港人, 果一刻真係好興奮!
要提一提大家, 香港大多買到0既鞋, 都無防跣功能! 去到北海道行0的結左冰0既地面都會好容易跣低! 如果唔怕影響外觀, 可以0係機埸或便利店買呢0的防跣膠帶穿落隻鞋到!
其實機場仲有好多0野買, 基本上北海道各地名物都可以0係到買到! 白之戀人、六花亭、北菓樓、花畑牧場等講得出0既都會搵到!
之前有人介紹話花畑牧場0既拖肥糖好好食! 我地買左一盒試, 都幾貴! 差唔多$50得十零粒! 不過同傳聞一樣真係入口即溶!
我地行程第一個目的地係登別! 入住第一滝本館! 原本酒店有班0係3點免費車由新千歳接去酒店 (冬期限定由11/1到3/31)! 不過我地11點零巳去到機場要等多幾個鐘先可以坐到呢班車! 所以決定自己比錢坐巴士去酒店! 盛惠每位1330円 (詳情)!
去到酒店, 可能0係因為係平日所以無咩人! 好快就可以上房! 間房都幾大同埋個景對住山幾開揚!
我地住0既南館, 係有浴室同廁所0既。要注意呢2樣設備唔係每個館都有! e.g. 東館只有廁所無浴室, 就係設備偏差同用餐方式唔同導致價錢亦有唔同, 訂房時睇自己需要同預算啦!
擺好行李後就出去搵地方食午餐, 去返先前搵酒店時經過0既一間拉麵店! 叫「味の大王」! 後來先發現間拉麵店原來旅遊書都有介紹過! 係一對上左年紀0既夫婦打理!
有紅色帳篷果間就係拉麵店!
有7種味可以選擇
煎餃子: 好普通, 唔係特別好食!
咖哩拉麵: 幾油, 無咩咖哩味道 不過個麵底做得幾好!
地獄拉麵 (0丁目): 好食! 絕對唔地獄! 個湯甜甜地少少辣, 幾得意!
客人可以挑戰自己可以食辣0既能耐~挑戰成功就可以寫上自己個名貼0係鋪入面
食飽就出發去地獄谷喇! 其實地獄谷就0係第一滝本館後面好近好易搵! 去到果到就好似行山咁! 一路行一路玩雪好好玩! 我地一行就行到太陽落山!
我地最遠只係去到大湯沼! 日落我地唔敢再行落去! 所以決定返酒店浸溫泉! 返到去就見到開始多人check-in喇! 大家要留意第一滝本館房內係無得上網! 有需要就只可以用wifi0係呢個大堂上!
我地返到房換左浴衣就去浸溫泉, 有好多個池, 有室內, 有室外, 室外個FEEL好好, 尤其係落雪個陣, 又靚又舒服。 最重要就係雖然都算係旺季, 但係入到大浴場唔係好多人, 最多唔會多過3個人係個池入面, 唔洗迫~~~~
浸完就去食飯, 第一晚係食自助餐! 0係本館3樓到食叫「雪園」!
環境好似大學飯堂咁, 但係好乾淨!
左一: 牛柳粒; 左二: 魚生飯; 中上: 荼碗蒸; 中下: 見到咩想食就夾咩 ;右一: 燒帶子
食物普遍質素唔差! 好新鮮幾好食! 但無想像中咁多選擇! 好似蟹就只有松葉蟹腳, 無皇帝蟹、毛蟹, 而魚生飯又只得一款, 炸野就最多啦~~~
最好食反而係漬物, 尤其係白蘿白 (上圙左邊), 好好味, 後悔冇係北海道買一條返香港。食完飯返到房, 已經有人執好房!
但係因為時間仲早, 我地都換返衫去溫泉街到行! 不過都幾冷清, 無咩人! 不過當地人好有心思! 整左0的冰燈裝飾條街! 不過因為太凍, 行左一陣就返酒店睇電視同休息!
有紅色帳篷果間就係拉麵店!
有7種味可以選擇
煎餃子: 好普通, 唔係特別好食!
咖哩拉麵: 幾油, 無咩咖哩味道 不過個麵底做得幾好!
地獄拉麵 (0丁目): 好食! 絕對唔地獄! 個湯甜甜地少少辣, 幾得意!
客人可以挑戰自己可以食辣0既能耐~挑戰成功就可以寫上自己個名貼0係鋪入面
我地最遠只係去到大湯沼! 日落我地唔敢再行落去! 所以決定返酒店浸溫泉! 返到去就見到開始多人check-in喇! 大家要留意第一滝本館房內係無得上網! 有需要就只可以用wifi0係呢個大堂上!
我地返到房換左浴衣就去浸溫泉, 有好多個池, 有室內, 有室外, 室外個FEEL好好, 尤其係落雪個陣, 又靚又舒服。 最重要就係雖然都算係旺季, 但係入到大浴場唔係好多人, 最多唔會多過3個人係個池入面, 唔洗迫~~~~
浸完就去食飯, 第一晚係食自助餐! 0係本館3樓到食叫「雪園」!
環境好似大學飯堂咁, 但係好乾淨!
左一: 牛柳粒; 左二: 魚生飯; 中上: 荼碗蒸; 中下: 見到咩想食就夾咩 ;右一: 燒帶子
食物普遍質素唔差! 好新鮮幾好食! 但無想像中咁多選擇! 好似蟹就只有松葉蟹腳, 無皇帝蟹、毛蟹, 而魚生飯又只得一款, 炸野就最多啦~~~
最好食反而係漬物, 尤其係白蘿白 (上圙左邊), 好好味, 後悔冇係北海道買一條返香港。食完飯返到房, 已經有人執好房!
但係因為時間仲早, 我地都換返衫去溫泉街到行! 不過都幾冷清, 無咩人! 不過當地人好有心思! 整左0的冰燈裝飾條街! 不過因為太凍, 行左一陣就返酒店睇電視同休息!
沒有留言:
發佈留言