北海道&東京遊@Dec 2009至Jan 2010 - 第2日 (登別)

一早起身, 當然要食早餐啦! 去返尋晚食自助餐0既對面到食! 都係自助形式! 個名叫「原始林」!

原始林就0係雪國對面

環境同雪國差唔多, 都係好似大學飯堂咁, 係自助餐!

成日好想試下納豆係咩味, 開左後聞左一聞, 好臭, 好似臭腳味, 最終冇食到!

食飽後就去登別海洋公園睇企鵝巡遊。去到登別海洋公園可以買套票，平D！

係酒店門口的有個巴士站可以搭到去登別駅啦~~~好方便!

記得上車前拎飛, 我地係第一個站上車, 到落車時跟返第一個站o既價錢比錢就ok!

落左車向後望就會見到有座城堡就係啦~~不過個入口好隱蔽，係要係條小路到轉入去, 所以留意沿路o既指示啦!

售票處旁有個表演時間表，大家可以望一望！唔好錯過，除左有企鵝巡遊外，仲有海豚同海獅表演，仲有期間限定o既銀河水槽睇！

企鵝出黎啦，有5隻，第3隻係bb黎架，7月出世！

呢個就係由好多條銀色o既魚做成o既銀河水槽啦！

由於聖誕關係，個工作人員仲打扮成聖誕老人咁，最後可以同佢一齊影相架！

去完登別海洋公園，就去熊牧場。因為班次唔係好密，要入去登別駅避一避，免得食風！入面小賣部見到呢樣0野!

北海道限定蜜瓜Kitkat

坐返去登別溫泉o既巴士，去到登別溫泉站，去到大黑屋附近就有條樓梯行上去欖車站。坐大概5分鐘到就到！

雌性熊較熱情，會好主動做d動作吸引你地比野食！

當你拎住粒野食時，所有熊都會望住你，但係小心！附近有好多烏鴉爭野食。

全個牧場唯一一間餐廳！有熊肉飯食！

呢個就係熊肉飯，有d似羊肉味，不過更羶！唔係人人都接受到！

呢個係咖哩牛肉烏冬，味到一般。

去完熊牧場就返去溫泉街到行! 買左以下幾樣野：

熊笹茶: 個老闆話係美人茶, 旅遊書都有介紹! 可以降脂降血壓, 好神奇!

蜜瓜軟糖

買黎做飯後果0既士多啤梨

登別地產啤酒

好食0既朱古力蛋糕! 個心有舊朱古力0係入面

日本卡樂B! 女友話比香港0既更薄更脆

買黎食飯飲0既蜜瓜酒: 好難飲!

同提子味芬達有90%相似0既巨峰汽酒: 幾好飲!

白樺之雫: 其實係白樺樹汁! 有少少似椰青水味, 不過淡0的, 無咩味!

行完之後, 因為仲早就去地獄谷同酒店附近易影相!

不過影左一陣就開始落大雪! 迫於無耐要早0的返酒店浸溫泉!

浸完溫泉就準備食今晚0既「部屋食」! 「部屋食」意指房內用膳! 第一晚我地試左自助餐! 第二晚就試0係房到食喇!

詳細介紹請參考第一滝本館 - 部屋食