北海道&東京遊@Dec 2009至Jan 2010 - 第4日 (函館)

之前果日去金森倉庫0係Snaffle's買左幾個芝士蛋糕, 但係唔記得食! 但係今日又要搬酒店, 所以要食左佢免得壓爛!

執妤行李後, 就check out, 放低行李0係reception後就去朝市開餐! 去都朝市, 當然要試下吊魷魚啦, 可能我地都早去, 所以冇咩人玩!

吊魷魚水池

吊完後, 即刻食, d腳都仲郁緊, 好好食, 不過2個人食一條會好膩, 最終食唔晒! 魷魚肝唔敢試!

係到買左盒魷魚筒飯, 但係凍冰冰, 熱d會好味d!

行到出街外, 見到呢間鋪頭有得食燒海鮮, 就叫左以下幾樣野!

甜蝦, 比香港食0既大隻好多, 好甜, 好好味!

海膽, 香港真係食唔返呢隻味!

燒蟹腳, 好好味, 好甜呀~~~

牛油燒帶子, 好好味!

再行入d, 見到有間鋪買燒粟米同埋薯仔, 咁就入去又食過。

薯仔都ok, 不過冇想像中咁好食!

燒粟米好好味, 好甜!

個蜆ma ma 地!

食完行返轉頭, 見到呢間鋪頭買o既粟米係特別平, 就買左條2條試下, 原來係好好味的, 之後都買唔返咁平, 同埋原味係好味過燒o既味, 因為燒o既都冇燒o既味道。

食飽飽之後就出發去五陵郭喇! 但係去之前我地要去一去運動鋪買滑雪鏡! 0係香港都有睇過, 不過好少款同好貴! 去到日本有平有貴又多款! 我下面2個每個都係唔使3,000円, 所以建議大家盡量都去到先買!

因為之前唔記得影, 返到0黎先補影返!

買完之後就梗係繼續上路啦! 由車站行去五陵郭要大概10分鐘, 大家只要認住呢個塔再向住佢行就可以去到!

沿路都有五陵郭0既標誌

好遠都可以見到呢個塔!

要上個塔盛惠每位840円, 比完錢就搭電梯上去!

五陵郭最特別就係呢個星形! 大家記住拎部wide0的0既相機去影呀!

其實五陵郭真係無咩0野玩, 只係上去睇下0野, 冬天都仲有雪可以玩下, 夏天真係無咩好做! 不過佢樓下有間叫五島軒, 0係函館好似好出名! 但係先前0係朝市食得太飽, 試唔到! 大家試完話我知呀!

因為之前果日好晏先去到, 行唔到0的鋪頭! 所以去完五陵郭又走返去金森倉庫到行! 行到攰又見到花畑牧場就入去買0野食休息下!

左手邊果個去到賣晒, 唯有買右手邊果款!

有2煲拖肥, 唔記得個店員落左邊款落杯雪糕到!

賣相唔係咁得, 不過幾好食!

真真正正0既蜜瓜飽! 好貴! 成$32蚊個! 不過幾好食!

食完個飽, 飲埋先前0係朝市買0既可樂! 留意樽身! 係加左食用纖維架!

區區果杯雪糕同個蜜瓜飽又點會食得飽我地2個呀! 我地搵左間食咖哩湯0既鋪頭食Lunch!

間鋪好特別! 有個疑似廚房0既地方, 中間煲住煲咖哩, 一入去就聞到好大陣咖哩味!

每個餐都會跟個沙律! 0的菜好新鮮!

我點左個紅咖哩牛肉湯!

女友點左個咖哩雞肶湯!

(左) 紅咖哩牛肉湯; (右) 咖哩雞肶湯

唔知係食唔慣定係抱太大期望! 我同女友都覺得咖哩湯唔係咁好食! 反而覺得大家樂果0的比佢更好食! 食完之後要趕返酒店拎行李去第二間酒店過聖誕! 今晚住0既酒店係全個行程最貴0既! 個名叫平成館 別館 花月! 2個人住1晚要成5萬幾円!

一入到去當堂嘩左一聲! 間房好大呀!

呢邊係睡房!

我企0係睡房影過去0既係客飯廳! 今晚食飯都係0係呢到食!

獨立廁所

洗面刷牙0既地方

沖涼同洗淨浸溫泉0既浴室

望海0既私人風呂

好可惜! 我地因為搵左好耐先搵到間酒店, 錯過左睇日落0既時間! 但係距離食晚飯都仲有一段0既時間! 我地當然浸返個溫泉先啦! 呢晚0既日式聖誕晚餐真係食到我地2個投降! 係好食同埋多到投降!

詳細介紹請參考平成館 別館 花月 - 部屋食