18天玩盡意、瑞、法、荷 (第2天: 羅馬)

24/7 香港-->羅馬機場 ( Fiumicino Aeroporto)-->羅馬火車站 (Roma Termini)--> B&B CIVICO 31--> 競技場Colosseum --> 古羅馬市場 (Foro Romano)-->凱旋門-->西班牙廣場 (Piazza di Spagna) -->許願池 (Fontana di Trevi) -->萬神殿 (Pantheon)

行：

落機到拎行李出埋關都係朝早8點！

由機場去羅馬最方便係搭Leonardo espress, 不過比較貴要€14 (車程20 MINS), 相比機場巴士只要€4 (車程50 MINS - 官網講)。有興趣可以睇呢個WEBSITE: http://www.terravision.eu/fiumicino_price_timetable.html

之前見到BLOGGER講話係報紙檔到買會貴$2EU, 但去到見到個個都係報紙檔到排隊買, 返而COUNTER無人, 所以我地最终跟大隊, 去了報紙檔, 當然不用加$2EU啦, 所以都係不要盡信BLOGGER。

ROME PASS：

係火車站入面遊客中心買roma pass, $30EU。 可以任搭巴士及地鐵 (不包觀光巴士), 搭一程車票要$1.5EU的。包入 羅馬 競技場, 古羅馬市場 (Foro Romano),  帕拉提諾之丘 (Colle Palatino) 等等。詳情可以參考: http://www.romapass.it/?l=en

住：

B&B CIVICO 31位處地面果層, 係一間由平房改建而成0既公寓, 位置唔係好近火車站, 但係可以由酒店可以行到去競技場。

但後來發現係地鐵站呢個出口就好近酒店。

房間OK, 有冷氣的, 所以無雪櫃, 包早餐。

早餐唔係0係酒店到食, 而係附近一間coffee shop到食, 拎住張劵去, 佢會比一杯咖啡及一個包OR三文治)。

景點：

放下行李，先行去羅馬競技場及古羅馬市場, 由於買左pass, 所以慳返排長隊時間, 即刻可以入去。 確實快好多。

對出就係君士坦丁凱旋門。

但唔知點解搵唔到帕拉提諾之丘入口, 所以最終無去到了, 因為行行下覺得到到都差不多, 決定去下一個景點了。去下一個景點前, 由於肚餓, 所以係車仔鋪到買左個panini食, 超好味呀!

搭地鐵去西班牙廣場, 歐洲D地鐵真係超dirty, 好大陣尿味。

個地鐵出口可以上到去西班牙廣場頂部，可以從高處睇到西班牙廣場的。

之後行過去許願池 (好失望, 因為有1/3整緊)。

係許願池旁有一門排長龍的雪糕及pizza店, 買了薄荷及開心果味。 薄荷好味, 但開心果的麻麻了。

我地返轉頭再食埋佢既pizza當lunch, 好味啊。 佢地既pizza可以餐買或以重量散買架。

下面係2件餐再跟支汽水

許願池附近亦有間coffee shop, 好多人買啊, 買了杯iced coffee。 原來係ice左既espresso 加cream。 味道不錯。

0係coffee shop行過少少就到萬神殿同四河噴泉

小提示: 係意大利, 隨處可見飲得既水, 旅遊書及當地人都話可以直接飲用, 但怕水肚不服, 所以不敢喝。

 

Dinner：

許願池附近有好多食肆, 由於見到travel adviser有介紹that’s amore, 所以入去試一試, 叫左個Truffles dumpling (原來dumpling係一舊粉團, 係無餡嘅, Tortellini先係有餡嘅意大利雲吞), 另一個係海鮮意粉, 2個味道都不是太好的。最後叫左個 tiramisu , 都係唔好食！

食完野, 再行返去許願池睇夜景, 但都係超多人。

跟住返酒店休息！