18天玩盡意、瑞、法、荷 (第3天: 羅馬)

25/7 梵帝岡博物館 (Musel Vaticani)、聖彼德大教堂 (Basilica di San Pietro)、聖彼德廣場 (Pizaaz San Pietro)、聖天使城 (Castel Sant’ Angelo)、納佛那廣場 (Piazza Navona）

景點：

之前講過呢間唔係一間正式嘅酒店, 係平房改建而成

出發開始今日行程前拎住張早餐coupon去酒店附近嘅coffee shop食早餐先。

老闆見我拎住張coupon, 就問我地飲espresso定cappuccino, 飽有三文治同牛角包! 我地一樣要一份! 味道不過不失!

食飽之後就出發梵帝岡, 見好多網友都話最好網上book梵帝岡博物館 (Musel Vaticani)門票, 可以唔洗排隊, 直接入去,價錢一樣都係€15, 不過每張加手續費€4, 埋單2個人€38, 呢樣應驗世上無免費午餐呢句說話。

如果有需要可以上佢個official website訂飛: http://mv.vatican.va/3_EN/pages/MV_Home.html

入面超大及超多好靚嘅藝術品, 一去就去左半日了, 又到食晏時間, 喺博物館入面嘅foodcount攪掂!

之後即刻去聖彼德大教堂, 免費的, 不過就要排隊, 排了15mins先至入得。

入面好大好莊嚴, 之後再上教堂頂, 可以簡行樓梯或者搭lift上去, 我地仲有好多日行程, 果少少錢都係唔好慳, 搭lift上再行左好多級樓梯, 但係要上到頂都仲有好幾百級樓梯要行, 簡直想死, 行到頭都暈。不過都值得嘅, 望晒成個聖彼得廣場同遠眺我地嘅下一站 - 聖天使城, 風景好靚!

之後又要落返去出發去聖天使城

上到城頂又可以望返聖彼得大教堂

 
由於任搭地鐵, 所以返一返酒店放低野, 係Termini附近食kabab同tandoori chicken, 不貴味道亦幾好 。

之後又再搭返地鐵去許願池。依舊好多人! 玩自拍玩左一陣又去搵今晚晚飯嘅地方

Dinner係許願池附近, 一間叫AI PICCHIO嘅餐廳, 我哋坐係露天位置。

叫個火腿蜜瓜做頭盤, 再加個火腿pizza, 2樣0野味道都很好。意大利pizza好薄好脆好好食，加支冰凍啤酒簡直無得彈。係個fettuccine麻麻地!

食飽就搭車返酒店休息同收拾行李, 準備下一日離開羅馬!