Rome → Firenze SMN火車站 → 佛羅倫斯 hotel Lombardi → 諾維拉聖母堂 (Santa Maria Novella) →聖羅倫佐教堂 (San Lorenzo) →聖喬凡尼洗禮堂 (Battistero di San Glovanni)→大教堂百花聖母院（Basilica di Santa Maria
del Fiore）→ 共和國廣場西紐利亞廣場 (Piazza della Signoria)→ 中央市場
(Piazza Mercato Centrale) → Pisa 斜塔 → 維奇歐橋 (Ponte Vecchio )
今日要搭早車離開羅馬去佛羅倫斯, 去到coffee shop同老闆講啲早餐外賣拎走上火車食, 之後就拖喼搭巴士去火車站!
因為要開個Eurail Pass, 所以提早左少少去, 其實開個Eurail Pass個過程好快好簡單, 只要拎去站頭比職員打個印同簽個名就攪掂, 最好係搵個識講英文嘅國鐵職員! 有咩唔明立即問立即答, 只要記得有效期內, 用果日填返果日嘅日期就OK!
不過意大利火車有幾樣嘢要注意; 1. 列車成日轉月台, 臨開車前20分鐘先至喺ANNOUNCE喺邊個月台開出, 所以經常會見到好多人企喺告示板下面金睛火眼咁睇住; 2. 啲廣播又只係得意大利文; 3. 好多吉卜賽人喺開火車前用不同方法呃錢, 例如: 幫你手拎行李上火車, 轉個頭問你拎服務費、放低張印左意大利文嘅紙仔, 拎開佢又問你拎錢，大家千萬要小心!
由羅馬搭火車去佛羅倫斯, 最快係EUROSTAR (上圖係其中一款列車), 如果用Eurail Pass要比訂位費先至坐得, 可以自己上國鐵網攪、喺香港經學聯訂又或者到當地櫃位攪。我地選擇自己上國鐵網訂晒所有意大利國內同去瑞士嘅火車位, 好處唔使比額外手續費、預早訂唔怕無位打亂行程、而且全部係電子車票 (跨國列車除外), 唔使打飛, 見好多網友話唔記得打飛比人罰錢, 電子車票絕對無呢個問題。
有興趣可以參考EURAIL官網：http://www.eurail.com/plan-your-trip/train-reservations/how-make-seat-reservations
住:
經過個半鐘就到Firenze SMN火車站, 我地即刻拎個GPS出嚟搵預先訂好嘅酒店 - hotel Lombardi, 包早餐, 很近火車站的, 途經亦有超級市場。
又係一間由民居改建而成嘅酒店, 酒店喺一樓, 要搭一部好舊嘅籠LIFT上樓，超CLASSIC。出LIFT要關好2度門, 如果唔係就唔會郁。房間尚算企理, 有冷氣同雪櫃, 不過無得上網, 而且個浴缸好細好迫, 好彩只住一晚啫! 放低行李後立即出發開始今日嘅行程！
景點：
由於景點與景點很近, 所以很快很完了。
第1站係喺火車站旁邊嘅諾維拉聖母堂:
入場費每位€3.5, 入面唔係好大, 唔使5分鐘行完一個圈, 不過佢啲彩繪玻璃窗幾靚！
之後去埋聖羅倫佐教堂, 見無咩特別就費事比錢入去, 所以喺門口影左張相就走!
再去埋聖喬凡尼洗禮堂同大教堂百花聖母院, 超靚, 但排隊入場條隊好長, 費事浪費時間, 唯有改為第2朝先去 (註: 百花聖母院免費入場)
行行下,
見到GROM, 呢間TRAVEL ADVISOR有推介, 亦見到好多日本人幫襯, 我地當然入去幫襯佢買返個雪糕食喇 (意大利超多雪糕店好食又唔貴, 我地差不多每日食1次), 我地叫左一個哈密瓜味好好食, 另一個raspberry味好酸唔係咁好食而且唔記得影相！
我地經過共和國廣場西紐利亞廣場同假大衛像影左一陣間相,
再順道去影一影維奇歐橋
見時間仲早, 可以去埋中央市場食牛肚包, 買左個味道一般, 不像BLOGGER所說的超好吃。
食飽飽就行返出火車站, 下午搭車去PISA, 由佛羅倫斯搭火車去比薩中央車站大概要1個鐘, 由於車種係REGIONAL TRAIN, 可以用EURAIL PASS。
出左車站跟住遊人一直行大約20分鐘就會見到斜塔!
我地喺呢到玩自拍玩左差唔多2個鐘, 影左大概200張相! 強烈建議大家拎腳架, 可以合照不求人之餘亦可以玩好多跳躍、飄浮等有趣相片！之後沿返原由行返去中央車站搭返佛羅倫斯
一坐低侍應一定會第一時間問你飲咩, 都係例牌 - 一啤一水
再嚟個沙律做頭盤
加多個辣蕃茄醬長通粉
主菜嚟喇: 差不多1KG重嘅佛羅倫斯牛扒, 好香好好食, 絕對要一試！
要左個著仔做SIDES, 最後都食唔晒 (淨係食牛扒巳經好飽, 可以慳返唔使叫呢碟著仔)
埋單九十幾歐差唔多成千蚊港紙, 雖然呢餐是整個歐洲最貴的一餐, 但好味, 值得的, 相信香港食的話, 不只這個價錢。
食飽左就四圍行散下步, 行左去共和廣場、維奇歐橋
返酒店途中見到GILLI, 比佢櫥窗五顏六色嘅糖果吸左入去
終於完成今日行程返到酒店, 但係行得太勁太多路喇, 隻腳起晒青根, 好彩帶了按摩膏。如果唔係仲有咁多日點頂！
沒有留言:
發佈留言