27/7大教堂百花聖母院（Basilica di Santa Maria del Fiore) → 維奇歐宮
(Palazzo Vecchio) → 維奇歐橋 (Ponte
Vecchio) → Venezia → 嘆息橋（Rialto
Bridge）→ 聖馬可大教堂（Basilica di San
Marco）→ 聖馬可廣場（Piazza San Marco）
一早起身又係食早餐嘅時候, 酒店包左嘅, 我地簡左張對住窗口露台嘅檯, 一路食一路有微風吹住, 好舒服!
絕大部分歐洲兩、三星酒店嘅早餐都係麵包餐, 好啲嘅有埋火腿比你簡, 起碼四星以上先會有多啲選擇, 例如炒蛋, 生果等等! 好多時我地都係飲杯咖啡, 食兩、三個麵飽，飲多杯橙汁就好飽，咁先有氣有力支持咁INTENSIVE嘅行程！
佛羅倫斯景點：
今朝行程唔太趕, 第一個景點係去返尋日排長龍嘅大教堂百花聖母院, 早上去真係無咁多人, 可能無咁多旅行團！
入面超靚！
之後行過去維奇歐橋, 特別推介呢個位, 2個人自排可以影到成條維奇歐橋
向橋方面行過去就會到入口
喺橋中間影左一陣間相
之後行左去個唔知咩廣場, 見無咩特別就起程返酒店拎行李
沿途返酒店, 見到Dinseyland專門店, 見時間仲早就走入去八下, 見到有白雪公主公仔啊
之前果晚經過見到呢間有雪糕賣嘅朱古力專門店排晒長龍, 今日經過見到無人, 當然即刻入去幫襯買返杯雪糕喇！
由佛羅倫斯Venezia要2個幾鐘, 所以係去火車站之前喺酒店附近嘅超級市超買定午餐上車食。
火車：
又係喺網上訂了火車位, 但原來呢班車不是太多人搭。仲好少啲人靜啲可以瞓好啲！
一早去到火車站, 但係都係遲遲都唔公布我地搭果部火車會喺邊個月台開出 (我地坐果部係最底果部9422)
終於可以上車喇
坐好之後就開餐喇! 頭盤係火腿同蜜瓜 (歐洲啲蜜瓜又平又甜, 媲美日本果啲溫室蜜瓜呀, 但係價錢平好多; 另外意大利啲火腿又平又好食，記得食多啲, 最好買新鮮即叫即切果啲)
跟住有即食沙律
PIZZA包
食飽飽，又係時候瞓返個晏覺！
瞓醒亦差唔多到威尼斯，火車臨入Santa Lucia火車站之前會經過建喺海上面嘅路軌，你見到呢個景觀亦即係代表你即將到達威尼斯喇！
一出火車站站就見到威尼斯嘅運河喇！當然第一件事梗係去搵今晚住果間酒店喇！
住：
Venezia Hotel Principle,
4星, 有冷氣及雪櫃, 十分近火車站, 有bell boy, 要破費比tips。如果訂呢間酒店嘅朋友要小心，我喺BOOKING.COM訂佢，佢收我信用咭2次錢，投訴幾次都無回覆，最後都係BOOKING.COM REFUND返比我，所以要check清楚啊!
講返間房, 都唔算太細, 廁所超大有半間房咁大！
Venezia景點：
之後我地就開始出發去第一個景點 ─ 嘆息橋
喺威尼斯，有地圖都未必有用，因為條條巷條條路都差唔多樣, 好多時，你會見到一班二班人拎住個地圖搵路，好在我地有GPS(我地成個歐洲旅程都係將啲景點SAVE低, 再用GPS導向!)，如果唔係成為佢地一份子, 成日都唔知自己行左去邊。早上都OK的, 但天黑都幾驚, D路好窄, 又無咩街燈, 而且意大利治安又唔係咁好，我地都係趁天黑前, 返回火車站同酒店附近行。
跟住個GPS行嘅同時，大街小巷都好多嘢睇同好靚
橋上面嘅景色
之後行去聖馬可大教堂（Basilica di San Marco）
隔離就係聖馬可廣場（Piazza San Marco)
呢到超多海鷗同白鴿, 亦有好多人餵佢地, 佢地亦都好熱情, 會上你個身上面拎嘢食，其實原來係唔比餵白鴿架，因為第二日係酒店早餐拎左包餅去餵, 餵餵下有當地工作人員埋黎話不能餵, 叫你掉左佢~
之後喺廣場附近四圍行下, 呢個係鐘樓, 可以比錢上頂樓睇風景
第一天晚上行行下見到呢間餐廳, 入去之前上TRAVEL ADVISOR睇睇, 都幾多好COMMENTS, 所以就入了去食, 果然好吃，特別係佢個意粉。
海鮮沙律: 好新鮮，好味！
海鮮意粉: 必食, 入口會食得出有海水味
薄餅: 叫錯左個無芝士嘅, 如果有芝士應該會好味好多
食飽就慢慢行返去酒店, 經過嘆息橋又影左一陣夜景
其實行返去都幾遠, 頭先食左嘅薄餅意粉落晒格, 所以我地個肚有位可以食宵夜, 買左支啤酒同2件PIZZA, 好飽好滿足！HEHE！
沒有留言:
發佈留言