食與玩的記錄: 18天玩盡意、瑞、法、荷 (第8天: 策馬特

30/7 上馬特洪峰冰河觀景台 (Matterhorn Gloacier Paradise) → 冰河洞 (Glacier Palace) → 落返富麗 (Furi) → 由富麗行去Zermatt 市中心

景點：

朝早食完早餐之後我地就CHECK OUT順便將啲行李暫存喺酒店，跟住我地就出發去馬特洪峰冰河觀景台，要搭纜車上去。纜車站同火車站係相反方向但係唔遠。

之前網上面見到EURAIL PASS係有75折，但係去到櫃位買飛果位小姐話1毫子DISCOUNT都無，即係一個人來回CHF99，成HKD800幾蚊，雖然有啲肉赤。不過嚟到無理由唔上去，所以都豪比佢算數！

頭段係搭呢啲細纜車上山

山下面都係好大霧，但係上到山天氣很好, 成大個馬特洪峰係面前！

嚟個CLOSE UP

中間要再轉另一款纜車上去GLACIER PARADISE

先入冰河洞, 真的很凍啊!

因為夠高夠凍，所以入面啲冰雕唔會溶，我地SET好腳架同啲冰雕影完相之後就上山頂觀景台

於風景台上前，要幫襯下佢個洗手間先，果到有餐廳同賣記念品嘅舖頭。

佢啲t-shirt標明係第2到無得賣而且有買2送1優惠，所以我地都買左幾件。但係佢啲價錢唔同，咁我就問收銀會點計，佢就淨係識答我buy 2 get 1 free，計數果陣個店員求其是但計2件平嘅，送件貴嘅比我，我同佢遘有件貴啲又唔理我，算數！我問又問過遘又遘左，你係都要計平比我無理由唔要架！

餐廳旁邊有條路出去滑雪嘅〈因為山頂係終年積雪，可以0係夏天都比人滑到雪〉，但係我地無咩時間，所以無行到出去！

跟住去埋最後一站 - 觀景台

上面好凍好大風，我本身唔係太怕凍，但係入面著左風褸加功能褸都頂順，留左喺到5分鐘就走喇！落去搭纜車落山。上車前見到呢句警告字句，出奇地我地喺呢到無高山反應，但係喺少女峰反而有少少。之後會講到。

落返去頭上去果個站，其實呢到都有間賣記念品嘅鋪頭，佢亦都有得賣頭先喺山上面見到嘅TEE

再搭返細纜車去Furi，由呢到行返去Zermatt。

喺瑞士行山，佢會有呢啲指示牌指示方向同所需時間，方向一定啱但係個參考時間就唔係咁準，係齋行咩都唔做嘅時間，我地呢啲遊客，一定會喺行山中途影下相坐下休息下睇下風景，最好將呢個時間乘多1/3或者一半，我地行呢條路就行左約2個幾鐘！風景不如第一天的美又沒有牛牛！

終於望到ZERMATT喇！

我地加快腳步行落山返行李搭火車去INTERLAKEN！到酒店就拉喼去火車站。之前講過，EURAIL PASS係唔包ZERMATT嘅私營火車，要到VISP先有國鐵去到INTERLAKEN，又要使錢買飛喇！成惠CHF25.6 (~HKD200)。

見離開車仲有一段時間，我地喺火車站附近周圍蕩，車站對面有間賣朱古力鋪頭，見到啲朱古力好精緻好靚，本住人一世物一世，咩都試下嘅心態就入去買了2細塊，成惠€10！上車時食，味道OK不過無想像中咁特別！

搭呀搭，搭火車搭到6點先去到INTERLAKEN OST

時間剛剛好，去到超市Coop仲未關門，但係出名嘅燒雞已經買晒，只有燒雞脾，買左隻嚟食，味道幾好，不過味道偏咸!

食完之後喺INTERLAKEN行下，不過呢到真係好多內地同胞！特別喺賭場附近。個個都勁有錢，抽住一袋二袋勞力士！

賭場前面有個大草地, 是air-taxi的著陸地。

Dinner於interlaken附近搵左間有得食芝士火鍋嘅餐廳！

芝士火鍋太濃酒味, 不太接受到, 食左一半到就放棄, 亦點了個瑞士薯餅, 又太油!

因為之前CHECK過酒店離火車站有一段距離而且要夜晚10:30前到酒店CHECK IN，我又最早都只到搭9點鐘果班車，我擔心一個鐘內未必可以準時到酒店，於是用手提打去酒店問可唔可以遲些少到！點知對方即刻話嚟火車站接我哋！去到先知原來佢係老闆娘！呢刻真係覺得好WARM！

先前喺INTERLAKEN OST買定去GRINDELWALD嘅火車票，用EURAIL PASS又係有75折，單程一個人成惠CHF7.8 (HKD63)。

去到GRINDELWALD巳經天黑喇，而且老闆娘亦都企左喺火車站出口等我地，坐佢車唔5分鐘就到酒店！酒店外觀好靚，種滿晒花。下面張相係之後日頭時間影嘅！

呢間酒店係一座超過100年嘅建築物 (建於1902年)。但係佢保存得好好，妳完全唔會相信佢有過百年歷史！我地訂嘅係MT. EIGLE VIEW房，老闆娘好好人，佢帶我地去睇兩間房都有呢個VIEW嘅房而且仲比我地簡要邊間。如果係其他地方，是但比間你就算，介會逐間帶你去睇同解釋2間房嘅優點同缺點呀！最終，我地要左高啲果間，雖然呢間房細啲但係個VIEW靚啲！