18天玩盡意、瑞、法、荷 (第7天: 策馬特)

29/7 康娜葛德觀景台 (Gornergrat) → 由康娜葛德觀景台行去Riffelberg → 由Riffelberg搭車回Zermatt → 班霍夫大街 (Bahnhofstrasse)

之前去到策馬特已經是好夜, 啲餐廳已收晒所以無得食晚飯了。所以今朝一早就餓醒左，起身就出露台影下酒店出面嘅景色。

因為尋晚落雨, 所以今朝好濕好大霧, 完全睇唔到舊三角朱古力(馬特洪峰MATTERHORN)。好肚餓, 所以快快換衫落去食早餐！

呢間就係我地住果間房

食早餐嘅地方同間房同成間酒店嘅裝潢都係同一個TONE架, 感覺好瑞士！

不過都係麵包餐，不過好在佢仲有SMOKE SALMON, HAM同COLD CUT, 都唔係淨係食麵包！

仲有好精緻嘅生果杯，好新鮮好甜！

早餐有朱古力飲，佢會比熱鮮奶你沖朱古力，飲一杯唔夠可以問佢再拎過。

食到好飽, 跟住就出發上康娜葛德觀景台(Gornergrat)，行返落火車站再轉登山火車上去！但係一出酒店門口就好嘈，不斷噹噹、噹噹，原來有人趕羊落山！

我地跟住喺佢地後面一路行落火車站，班牧羊人都好辛苦，D羊會周圍走，見到有草嘅地方就衝埋去，佢地要跑來跑去阻止啲羊

好快就去到登山火車站，其實就喺火車站對面，因為見到就快開車，所以趕唔切影個門口，呢張相係之後補影嘅！

入到去即刻買飛上車，有EURAIL PASS有75折，但係都要CHF60一個人，差唔多HKD500

只要20分鐘就可以上到康娜葛德觀景台 (Gornergrat)，但係一路上都好大霧, 咩都睇唔到！

上到山頂都好啲，叫做見到啲陽光！

我地行上觀景台，天色愈來愈好，呢架就係上山列車

喺觀景台坐左半個鐘，時晴時陰，一時露少少山頭比你見一見

轉頭又一片濛濃

見唔到真嘅三角朱古力山，唯有拎排三角朱古力睇住先！

有幾陣時啲霧散左啲，都影到少少冰河同山景

我地見等左半個鐘都無咩轉變，就開始行山由康娜葛德觀景台(Gornergrat)行落去Riffelberg

當我地決定行落山果時，啲霧開始散咁啲

我地亦拎支行山杖出嚟用，落山有佢好好多，減少對膝頭關節損傷！

沿途風景好靚

但係山頂天氣很冷, 要穿功能褸啊, 整個行程都看不到它的全貌, 影不到倒影, 有點失望！

我地睇左一陣，發覺啲霧又散左啲，所以我地坐喺到等，點知啲霧係都要遮住個山頂！嬲嬲地繼續行落山！

雖然睇唔到馬特洪峰，不過一路落山一路嘅景色好靚！有藍天有白雲遍山亦都好多花。

行了約3個鐘，終於見到Riffelberg車站！我地搭返車落返ZERMATT

由於返到落去已經係4點幾了， 所以要留待明天先上馬特洪峰冰河觀景台。於是我地去超市買嘢返去煮嚟食！

另外仲有無影包裝嘅意大利雲吞、火腿通粉同法邊豆！呢個就係我地嘅LUNNER(呢個字我作嘅即係LUNCH + DINNER)

另外我地買左啲生果，下面呢隻莓，唔好睇佢幾靚，一啲都唔好食，超酸！千萬唔好買嚟食！

我推介食歐洲嘅蜜瓜、桃同桃駁梨！又平又好食！質素同日本食果啲有得比！

喺房影左一陣間相，始終個馬特洪峰都係唔肯露出個峰頂！激死人啦！

見個天仲好光，所以再出去行下舊區。

皇天不負有心人，終於晚上見到馬特洪峰啦!

我地坐喺露台望住馬特洪峰！好悠閒好寫意好舒服！

要休息準備聽日另一個行山旅程！送多一張策馬特夜景比大家！