3/8老佛爺 (Galeries Lafayette) → 加尼葉歌劇院 (Opera Gamler) → 凱旋門（Arc
de Triomphe de l'Étoile）→ 香榭麗舍大道（Avenue des Champs-Élysées）→ 艾菲爾鐵塔 (La Tour Eiffel / eiffel tower)
第二天，一早起身又係食麵包餐嘅時間，食早餐嘅地方唔係太大，有少少迫！
有4、5種麵包比你選擇，唔太特別好食，另外有ICE TEA同鮮奶。
仲有CEREAL，不過我地都唔食嘅！最特別係有沖嘅橙汁同鮮榨橙汁，不過要自助，無人會SERVE你！
攪左輪先至用2個橙榨到杯橙汁出嚟。
整返件腿治先！
攪左輪先至用2個橙榨到杯橙汁出嚟。
整返件腿治先！
食飽又出發喇！我地一早嘅行程就係去老佛爺"濕平" (SHOPPING)，早上9點鬆啲到就去到！我地嘅決定係無錯嘅，一早唔會太多人，啲入鋪頭條隊唔係咁長，晏啲去就開始排長龍了。老佛爺有齊我大部份想買既牌字, LONGCHAMP, GUCCI,
LV, CHANEL十分方便, 之後落B1/F一次過整埋退稅文件。係LONGCHAMP到唔記得睇下有無巴黎鐵塔果個袋賣, 有d後悔。
男人們無所事事就可以影下呢間百貨公司出名嘅拱頂！
之後順路去埋加尼葉歌劇院 (OPERA GARNIER)，之前睇過好多網友介紹呢個歌劇院好靚，所以PLAN左落我地個行程到！由老佛爺行過去大概5-10分鐘到！呢到係PARIS MUSEUM PASS唔包架，入場費要€9一個人，都幾貴！
呢條走廊好靚好出名，亦都係每個遊客必影嘅景點！
再去埋RUE SAINT-HONORE，果到有GOYARD同MUI MUI，可以買埋個袋同銀包就買齊所有野!
買左好多嘢，拎住周圍行唔係咁方便，返左酒店擺低啲戰利品 (夜晚將佢地擺埋一齊影左張相，放左喺最底)！買袋真係法國最平，因為退稅多D, 退係信用咭到有12% (實收8%到因為退稅公司會抽其中約30%作為手續費), 如果退現金就再少D!
我係荷蘭買多2個longchamp袋, 退稅只10%。 有blogger話係荷蘭機場買longchamp最平, 其實係最貴的。由於我地買野個日係星期六, 所以第二日想再補買都無機會了, 因為是星期日, 大部分名牌鋪頭不開的 (包括百貨公司，但係除左香榭麗大道嘅名店 e.g. LV)。
攪掂晒離開酒店巳經晏晝2點幾，但係仲未食LUNCH，記得酒店附近有間食KABAB嘅餐廳，買左2個外賣拎走！諗住一路行一路食，之後就出發去凱旋門！
又係要行條長命樓梯上去！個個行到上去都身水身汗〈包括我哋〉！
行完呢條樓梯唔到如上到頂，仲有一段樓梯要行！
上面有部攝影機影住凱旋門下面嘅情況。
上到頂樓可以好多巴黎著名嘅地標，包括新凱旋門。
香榭麗舍大道。
同巴黎鐵塔
跟住又要行條長命樓梯落樓，不過行落舒服好多。
喺凱旋門下面坐下休息下。
沿住香榭麗舍大道行落去！
途中見到好出名嘅LADUREE，不過佢鋪頭裝修緊，喺旁邊有間臨時鋪位。佢啲Macaron好靚。但係可能之前睇到啲人啲COMMENT好好，講到好好食，所以期望很大，但係食落又無咩特別，只係得個甜，所以有點失望, 不像傳聞中的那般好食！
行呀行，行左差唔多半個鐘先去到傷殘戰士之家 (Invalides)
但係呢到唔係我地嘅目的地，我地係去入面嘅拿破崙墓。門口有個拿破崙像好易認！
建築物中央放左副巨型石棺，放係入面係拿破崙嘅遺體。
另外入面啲裝飾都幾靚，感覺幾莊嚴！
行完晒又差唔多係時間諗下晚餐食咩，原本諗住去杜如風介紹過嘅Huîtrerie Régis，但係去到門口無開門，而且貼左張告示話裝修8月中先會重新營業。攪到我地好失望亦都失左預算，一下子都唔知去邊到食晚餐。好彩旁邊有間LEON，咁我地今晚果餐先至有著落！
可能時間仲早，無咩人喺入面亦更加無人等位。
叫左2個青口餐，一個芝士焗、另一個係煮青口拼蝦，落完單侍應就拎左呢兜小食嚟。
用嚟送啤酒，正呀！
主菜嚟喇！呢碟就係芝士焗青口。
呢兜係煮青口拼蝦，佢個煲入面有啲汁，用嚟點麵包幾好食。所以佢跟左啲法包比你。
青口幾好食，唔似香港有時食到啲唔新鮮會有陣異味，中間REFILL左幾次薯條，非常好食。埋單成為€53.2 (即係港幣530)。
食飽飽見時間仲早就搭地鐵去巴黎鐵塔，影相兼睇佢著燈，很靚呢！
今日行程完畢返酒店休息，呢啲就係今日嘅戰利品！
沒有留言:
發佈留言