跟住就趕過去碼頭搭船去久米島（架船8：30就會開，要早15分鐘去到）。佢分別有幾架船去唔同嘅島，記住睇清楚指示去啱地方上船。
呢架就係我地要搭果架船
有人員提醒乘客唔好拎某啲農作物出沖繩本島同埋會查飛﹝注意：張飛尾唔好掉呀，落船要比工作人員架﹞
船程要3個鐘。所以喺碼頭間Lawson買定啲飯團同飲品一陣上船可以食。
上到船2樓嘅坐席（有被鋪提供可以比人平卧嘅地方）巳經FULL晒。
得返3樓幾個前排幾個吉位
又或者頂樓曝曬位。好彩我地都算早，再遲啲就要罰企或者上頂樓曝曬。
船上面只有飲品售賣機，無嘢食賣架，不過價錢會比便利店買貴少少
電話有時收到有時收唔到，所以都唔係成日可以上網，唯有瞓下、影下相或者食下嘢打發時間。
嚟緊會有久米島馬拉松，有興趣可以即刻報名 (24/9截止)
去到碼頭日產租車嘅職員巳經喺到等緊我哋，佢帶我哋去碼頭嘅臨時櫃位辦手續。
填好FORM，CHECK埋車牌同比埋錢就交車喇
我地架車就泊左喺出面
經過尋日嘅不愉快經歷，今次我好似驗屍咁驗，個職員MARK到張紙花晒都依然繼續幫我MARK，完全無比說話或者面色我睇，仍然笑容滿面！唔似之前果間個職員唔願做唔想MARK。同個職員學識左點用個GPS之後就出發去酒店。今晚我哋住嘅酒店！
Hotel Marine Terrence Kumejuma（ホテルマリンテラス久米島)
顯示詳細地圖
由碼頭揸去酒店大概要15分鐘，去到酒店都未夠1點。但係呢間酒店好好，未夠鐘都有得CHECK IN兼上房。酒店房都幾大幾整潔。
廁所同沖涼房係分開嘅！最特別係佢個花洒同浴缸係分開嘅，即係有人浸浴，另一個人都可以喺側邊用花洒沖涼！而且每間房都有個大露台掛左繩同埋有衣夾可以比你晾衫。晏啲會發現隔離左右都會喺到晾滿晒啲游水衫或者潛水服。
呢到酒店個RECEPTION哥哥啲英文好好，溝通無難度。仲幫我哋打電話BOOK埋船去終端之濱（ハテの浜 \ 日文發音：Hate no Hama）。
最衰個我哋BOOK得遲，佢臨時安排唔到車，要2：30先至過嚟接我哋。距離2：30仲有一段時間，於是就揸車搵地方食晏。唔知係太早定係星期一啲鋪頭休息，經過好幾間餐廳都無開門。見到附近有個露天麵檔有人食緊食就入左去。
3Peace
地址：沖縄県島尻郡久米島町字比嘉160-3
電話：098-985-7037
一個海藻拉麵
睇相雖然唔靚，不過味道不錯。雖然間鋪頭係露天，但係地方好通爽，食住麵果陣有啲風吹，唔會好熱！而啲嘢食都幾好味。
最後仲叫多個刨冰食！
食完就順道過埋先前見到嘅向日葵田到影相。嚟左沖繩向日葵都唔見多朵，估唔到一見就成塊田咁多。仲要開得好燦爛！
坐左十零分鐘船就到喇！
呢到啲魚雖然無真榮田岬咁多，但係呢到好淺水，行到好出都可以企喺到，而且啲魚好多種類同顏色。
好鐘意呢張相，好寫意！
返到去碼頭，又係老闆揸架VAN載我哋返酒店，不過因為有其他人，佢會點名，再決定酒店嘅先後次序。
返到酒店梳洗完，就襯仲有日光去遊久米島。第一站去熱帶魚之家！
熱帶魚之家
行左陣影左啲相就走，嚟果陣經過比屋定觀景台（比屋定バンタ），返酒店果陣順便停車去埋。喺到睇下風景影左陣相就返酒店。
泊好架車再去埋酒店附近個EEF海灘。有個碑寫住係日本百選。不過個沙灘好多垃圾，同想像中嘅有啲距離。
玩左個下晝又有啲饑喇，係時候揾下去邊到食晚飯。其實我哋住果間酒店果條路，巳經係成個久米島最熱鬧最繁榮嘅地方，絕大部份嘅餐廳都集中喺呢到。
我哋去左幾間日式餐廳問有無位，好幾間都話FULL左。唔記得係搵到第三定第四間先至有位比我哋，仲要坐吧檯。不過之後有人走，老闆娘都幫我哋轉返張大檯。
海浬
食到好飽所以行下幫助消化，又行返過EEF海灘，諗住可以睇星星。個沙灘夜晚好黑路都睇唔到！好彩有帶強力電筒再開埋IPHONE個電筒APP先敢行入去。呢到可能都唔夠黑，所以星星都唔算多。行左陣又坐左陣就走喇！又走左去Coco睇下有咩可以買返酒店。
嚟到久米島！點可以唔試下好出名嘅泡盛久米仙呢！好難飲！試左一啖就放棄！（可以因為我不好杯中物）
今日又早起身又舟車勞頓攪到鬼死咁攰！好早就瞓左喇，都無時間可以睇下日本嘅電視！
