佢叫我地10分鐘後再返嚟，我地就行佢餐廳對出嘅朝市
朝市其實好細，佢主要係啲地道物品，有苦瓜、芒果、水云、沖繩麵等等，下面呢張高抄相可以見到得一行咁大把
因為只係住兩晚，只可以去到兩間餐廳食早餐。我地分別去左雲海同Aquabelle兩間位於地下果層嘅餐廳。講返雲海呢到嘅環境，幾舒服！一啲都唔迫夾（對比Aquabelle，呢到好好多）。
而且多啲日式嘢食啲，好似燒魚、醃菜等等（呢啲嘢Aquabelle無或者選擇好少），Aquabelle就主要食西式啲嘅嘢，例如即煎奄列。我個人推薦雲海多啲，因為西式嘢香港仲多可能仲好食！去得日本梗係食日本嘢架啦！
我最鐘意係佢個日式野菜，好好食，我拎左幾次！
食完早餐順便book埋今日晏晝個浮潛tour，佢個leaflet寫得好fancy - Manza Sea Discovery，好吸引！
距離晏晝浮潛仲有啲時間，我地就揸車過隔離嘅萬座毛。有停車場而且唔使錢。
真係幾靚，特別係配埋藍天同白雲！
萬座毛
地址：恩納村字恩納
Map Code：206312097
顯示詳細地圖
嚟一張全景﹝唔好意思影到有少少斜﹞
對面就係我地住果間酒店。
我地行下影下相，唔使半個鐘就KO左呢個景點，時間咁早，即刻拎尋晚買果本旅遊書睇下有咩好介紹。就係翻到呢頁比呢張相吸引到，過左去！
呢到係一個公路休息站
おんなの駅（得日文名無中文）地址：沖縄県国頭郡恩納村
電話：098-964-1188
顯示詳細地圖
入面有嘢食又有地產蔬果同手信賣，基本上同道田有啲似，不過佢啲生果賣得平好多！而且食肆選擇更多！
我地喺到買左一盒沖繩芒果，只係賣1,900円咋！
因為一陣要浮潛，買左一個冰兩份分，個冰好好食，啲芒果好香好甜！值得推介！
認住呢間鋪頭！好多人都食呢個冰架！
返房換好晒衫之後就行過去佢個集合地點 - Beach House。比原定時間早左15分鐘去到！
呢個就係上船碼頭位置，我地就係搭中間最出果隻船出海。
佢話要搭15分鐘船，我地心諗萬座毛就係附近，使唔使15分鐘呀！一心以為會喺萬座毛下面浮潛，點知原來唔係。個船夫揸左架船向北走（名護方向）。原本想問佢架，不過佢啲英文麻麻，只可以用好簡單嘅字句溝通，我都廢事問喇！過左陣去到個浮潛點。
去到潛點，檢查好啲裝備之後就正式落水。啲水唔凍，幾清涼。大熱天時走落去正呀！ 開頭落水都無咩嘢睇，不過有好多魚仔。唔知係啲水有些少濁定係個底好深，望落去唔係咁清。
我地一路跟住肥叔返教練游，啲水開始清，慢慢見到多啲同靚啲嘅𥑬瑚，亦都有啲大啲嘅魚。
之後教練開始拎啲麵包引啲魚埋嚟。
架船返緊去酒店。
跟住返房梳洗同休息下！晏少少就出發去美國村。
最突出就莫過於呢個摩天輪，好似個地標咁。
グルメ迴轉壽司市場
地址：沖縄県中頭郡北谷町美浜２丁目４−５電話：098-926-3222
顯示詳細地圖
啲嘢都幾新鮮、幾好食。
美國村附質又有間Aeon，我地又去逛左個圈，去買左啲沖繩限定手信。（我發覺呢次行得最多Aeon，差唔多日日都行一次）
跟住揸車返酒店，返到酒店附近，因為時間尚早，揸架車周圍兜諗住搵下有無沖繩麵食。點知收晒，又唔想返元祖海葡萄到食。結果走左去左一間叫海之家嘅餐廳到撞下彩。
結果係只得炒麵無湯麵，是但點左幾樣嘢。不過味道麻麻，唔去都無所謂！
埋單食左2,340円，又唔抵食又唔好食。食完就返酒店收拾行李，同埋休息準備聽日去真榮田岬藍洞浮潛同潛水體驗！
沒有留言:
發佈留言