尋晚嚟到太夜影唔到相，今朝補影返酒店外面，酒店就正正喺MONORAIL美榮橋站旁邊。
正式出發前要去泊港買埋之後去久米島嘅船飛，由酒店行過去大概需時15分鐘
顯示詳細地圖
泊港 （泊ふ頭旅客ターミナル）
地址：沖縄県那覇市前島3-25-1
電話：098-861-3341
夏天每日有兩班去同回嘅船來回久米島，上午下午各一班，航程需要三個幾鐘，有需要可以上官網睇睇：久米商船
右邊無人果個就係買去久米島船飛嘅COUNTER
來回船飛每張6,270円，相比起飛機票，單程要10,000円一張，巳經實惠好多。
買完飛就返酒店拎車同行李出發去第一個景點 ﹣首里城。揸車由酒店過去大概要20至30分鐘，因為沖繩市內好塞車又多燈位，所以實際行車時間比導
航所指嘅時間長一啲。
顯示詳細地圖
呢到泊車要收費（310円2個鐘），而且經常爆滿，周圍附近有啲私人泊位，不過比市營貴少少（貴大概200円），不過我地好好彩有車走有吉位比我地泊平位。
呢個就係好出名嘅守禮門
今日天氣好好，個天好藍！
首里城呢到有傳統琉球舞睇，睇左2分鐘巳經頂唔順，真心講好鬼悶，啲動作超慢。
喺免費區域行左個圈，覺得對呢啲古蹟無咩興趣，都費事比錢入場，影左啲相當到此一遊就算喇！走果陣經過紀念品店見到益力多有款新乳酸飲品。買左支嚟試，都幾好飲，無咩奶味！
之後見時間仲早，揸左過去小祿駅果邊，果到有藥房、超市。可以買防晒之後幾日用同埋生果今晚食。
呢棟就係AEON STORE，佢對面有個停車場，斜對面就係藥房，另一個斜對面就係通堂拉麵。
補給完之後就去通堂拉麵 ﹣另一間人氣拉麵店食晏。
我地叫左個男人麵餐（豬骨湯麵＋炒飯＋餃子）同一個女人麵（雞骨湯麵）
男人麵餐
女人麵
通堂拉麵地址：沖繩那霸市金城5-4-6 電話：098-857-5577
原本係PLAN左去埋第一牧志到行，不過啱啱食完拉麵都無位再食海鮮，而且第一牧志近國際通，之後返嚟那霸可以行過去；另外今日我地有車去泊市場會方便啲而且順路啲。
泊魚市場（泊いゆまち）
地址：
電話：098-868-1096
其實個市場好細，主要賣鮮魚同魚生，不過好似唔係咁特別，所以無買到任何嘢。行完呢到時間亦都去到處點幾係時候去酒店CHECK IN。因為想快，所以行高速（IC費600円），真係好爽，無咩車行。
呢兩晚會住ANA INTERCOTINENTAL MANZA BEACH RESORT（ANAインターコンチネンタル万座ビーチリゾートは）地址：沖縄県国頭郡恩納村字瀬良垣2260番地
電話：098-966-1211
酒店就喺萬座毛對面，酒店員工會幫你泊車同埋拎行李上房，車匙比酒店KEEP，所以有咩最好放左喺喼，如果唔係要要拎返就好麻煩，要哪門口RECEPTION揸嚟門口比你拎返！攪掂架車就去攪CHECK IN手續。
因為一早訂果陣巳經比晒錢，話咁快就攪掂可以拎鎖匙上房。
喺住果層個LOBBY影返落去。
我地呢2晚住嘅房間。
入到房純白配海藍，好整潔同醒神！
廁所同沖涼房一齊而且好大，唔似啲BUSINESS HOTEL咁細咁迫！
我地間房對住CHAPEL同個海，好舒服，房入面有個露台，可以晒衫之餘仲可以喺夜晚拎住啤酒一路飲一路聽海浪聲。
呢張係全景圖
跟住即刻換衫落去沙灘游水，佢個沙灘啲水都幾濁，都睇唔到底，不過啲沙就唔夠幼，都有些少拮腳！
不過唔知咩人捉左啲咁靚嘅魚放喺沙灘到！
游左陣就返入酒店個泳池玩下
不過唔知咩人捉左啲咁靚嘅魚放喺沙灘到！
玩到咁上下要返去梳洗，準備影日落。
嚟多張有埋萬庭毛嘅日落相
御菓子御殿其實係一間手信專門店，入面放滿大大小小包裝嘅菓子，絕大部份都提價試食試飲，可以試清楚好唔好食先買。
御菓子御殿
地址：沖繩恩纳村瀬良垣100
電話：098-982-3388
顯示詳細地圖
因為巳經開始夜喇，御菓子御殿入面嘅餐廳都就關門要諗下今晚果餐食咩啦！買左些少手信之後就揸車去左「元祖海葡萄」食晚飯。
元祖海葡萄 (元祖海ぶどう本店)
地址：沖繩恩納村字恩納6092-1
電話：098-966-2588
顯示詳細地圖
鋪 面有些少殘舊，因為我地去到巳經係9點幾，過左晚飯人潮時間，好快就安排到座位比我地。之前都有睇過啲節目同blogger介紹呢間餐廳。我地點左佢最出 名嘅海葡萄套餐，佢基本上有晒沖繩最出名嘅嘢；包括：海葡萄、沖繩麵、豬手同炒苦瓜。海葡萄個質感同蟹子好似，食落咸咸地，卜卜趣；沖繩麵就幾清爽同彈， 唔似平時食日本拉麵個碗面有一層油；而豬手就煮得好淋好入味，食落都唔會有好肥嘅感覺；炒苦瓜有少少驚喜，因為我本身喺香港係唔食苦瓜嘅，過到去竟然食 到，食落去甘甘地，無咩苦味，同埋佢地炒得唔係咁熟，食落去爽爽地，幾好食！之後我餐餐都叫。如果唔食苦瓜嘅朋友過到嚟都可以試試。
另外我地再點左個豬軟骨麵！佢唔似平時成舊都係軟骨，真係有啲骨頭連著，但係佢煮到啲骨都淋晒，真係連骨都食埋！
沒有留言:
發佈留言