2013暑假沖繩之旅行程Summary

今年暑假決定嚟返一轉陽光與海灘嘅假期，原本想去沙巴，但係巳經去過同埋近期政局唔太穩定；而另一旅遊熱點布吉，我個人唔係咁想去；蘇梅就係啲機票太貴唔 值，晏去早返仲要六千幾蚊一張飛；馬爾代夫又去過而且太貴，最後又決定去日本沖繩，第一因為未去過、第二啲人話佢可以比得上馬爾代夫（實情係比人呃左，無 得比，2個地方完全都唔同級數！）、第三係有嘢想喺日本買。就係呢三個原因造就左呢個沖繩之旅！

但係今年啲日本機票貴左好多，可能因為啲日圓跌左好多， 多人去左令到價錢升左好多， 一張直航去沖繩那霸嘅票價連稅最平都要五千蚊（搭港航）， 如果要港龍就成七千蚊。咁唯有選擇轉機。 我地揀左東航經上海轉機去那霸，價錢比港龍平一半有多， 不過食得咸魚抵得喝，平咁多啲服務一定差一（大）截！ 食物同服務差就一定，最慘係班班機都delay， 由半個鐘到兩個鐘不等！

呻完！遘返今次嘅行程總共9日。大部份時間都會自駕游沖繩主島與及久米島。 下面係今次行程嘅住宿同景點Summary：

6/8:     香港經上海去那霸；住那霸美榮駅Toyoko Inn；遊那霸Ashibinaa Outlet、Outlet附近超市及100 yen店、天久市Aeon
7/8:     那霸去恩納；住ANA INTERCONTINENTAL萬座Resort；遊首里城、小祿駅藥房及Aeon
8/8:     住ANA INTERCONTINENTAL萬座Resort；遊萬座毛、Join ANA酒店浮潛tour
9/8:     恩納去名護；住名護Super Hotel - 遊殘波岬、真榮田岬浮潛 + 水肺潛水體驗
10/8:   住名護Super Hotel - 遊美麗海水族館、古宇利大橋、水果樂園、菠蘿園、海中道路
11/8:   名護去那霸；住那霸美榮駅Toyoko Inn - 遊古宇利島沙灘、搭玻璃底船、泡瀨魚港、國際通
12/8:   那霸去久米島；住久米島 Hotel Marine Terrence Kumejuma（ホテルマリンテラス久米島）- 遊終端之濱 (ハテの浜 \ 日文發音：Hate no Hama)、熱帶魚之            家、比屋定觀景台（比屋定バンタ）、 EEF沙灘
13/8:   久米島去那霸；住那霸美榮駅Toyoko Inn - EEF沙灘、疊石、五枝之松、おばけ坂、A-coop超級市場、 Naha Main Plaza、國際通
14/8:   那霸經上海返香港；遊第一牧志市場、Naha Main Plaza