仲會去埋其他網友推介嘅「氷室神社」同「佐保川」。因為買左近鐵Pass，搭近鐵去唔使比錢，由近鐵難波站搭去近鐵奈良站大概需要半個鐘多啲（急行或者特急）。去到奈良站又有賣莓大福，我地買左2間唔同鋪頭嘅莓大福嚟一彈賞櫻果陣時食。另外仲買左個櫻餅食，唔知係咩味呢?
今日天氣好好陽光普照，比前2日嘅天氣好好多！一落車周圍都係櫻花樹，不停係咁影，自拍、set腳架，又玩左大半個鐘！
我地喺附近嘅櫻花樹下面食先前買嘅莓大福同櫻餅，一款有朱古力同另一款正常普通嘅，個人覺得朱古力太搶，蓋過左士多啤梨味，都係正常普通果隻好食啲，而且平啲tim！
食埋呢個櫻餅，其實無咩味，咸咸地，算係應下櫻花季節。一路食啲櫻花瓣隨風飄落嚟，好詩意呀！
特別係門口呢棵垂櫻，個個都爭住走埋去影相
離開氷室神社，向住近鐵車站方向行去，會經過興福寺，門口寫住世界文化遺產，因為我今次目的係以睇櫻花為主，所以skip無入到去。
行到近鐵站附近，見到差唔多中午時間，係時候食晏，左搵右搵食乜，終於比我地發現到呢間食堂，佢入面好full好多人，諗住應該唔差。
同埋見啲食物模型放喺門口幾吸引同價錢幾平。所以就㨂左呢間！叫左兩份滑蛋豬扒飯拼咖哩烏冬，每份¥750咋！
份餐送到埋嚟先知上左賊船，個滑蛋豬扒層吉列皮還皮，肉還肉。 個咖哩烏冬仲衰，係咖哩「獻」烏冬嚟，用咖哩粉溝生粉水，平時啲咖哩汁應該好濃，而佢就好稀同半透明。食落仲啖茂茂無咖哩味！
嚟個CLOSE UP！
食完呢間把鬼嘢，又出發去下一站 - 佐保川。由近鐵奈良站搭一個站去新大宮落車，再行過佐保川，需時大概5至10分鐘。
喺呢到又行下又影下相又玩下自拍，唔經唔覺咁又玩左兩個幾鐘。
河兩邊種滿櫻花樹，可以喺櫻花樹下面慢步。
返新大宮站搭車果陣經過Lawson100，買左薯餅做下午茶！
今日我地去到咁啱遇到祭典開始，有好多小食檔，有人型燒、炸雞、燒粟米等等。我地買左上述幾樣。全部都熱辣辣好好味！
跟住都係喺酒店附近逛，去左好多人介紹嘅夫婦善哉。
鋪面好細，得4、5張檯
成間鋪頭食一種嘢 - 紅豆沙 + 湯圓，冷熱同價。
呢到為之一份，有2個半碗。因為唔知好唔好食，我地只係叫左一份熱嘅SHARE。個人覺得同平時食嘅紅豆沙無咩分別。
之後繼續係心齋橋附近遊蕩到晚飯時間，今晚去「頑固阿叔」到食，呢間嘢係連鎖店，好多地方都有分店。門口寫住和牛同雞泡魚做特價，之前從來未食過雞泡魚，一於今晚就係呢到試一試喇！如果雞泡魚唔好食都仲可以食和牛呀嗎！
入到去唔使講，啤啤佢先喇！
叫多個枝豆送啤酒！
主菜嚟喇~~~河豚火鍋，其實無咩特別，不過佢無魚嘅鯹味，食落有少少似雞。
和牛唔使多介紹喇！
食 完又去激安行，其實頭先果餐份量唔多，唔會食到好飽，當然好快比我地個黑洞胃消滅左喇。所以心思思又想整返碗拉麵，原本想食返花丸軒，但係又想試新嘢，我 地返左去酒店下面到食。間嘢啲拉麵又出奇地比想像好食WOR。叫左一個味噌一個豬骨味，味噌麻麻，豬骨味正呀！尢其係佢用粗拉麵，口感特別好。
佢都有炒飯，諗住佢拉麵咁正，炒飯應該會幾好食，點知失望，無EXPECT咁好味。如果食拉麵就呢間，如果食炒飯就去花丸軒，呢個就係我地嘅結論！
食飽飽又係時候返酒店PLAN第2日嘅行程。
沒有留言:
發佈留言